ESAIA 2:12 - Lacid Common Language Bible

¹² Hau: bidnyid moo myhang: thang da" Aseing gi yoem: so' boo mo, nghoid boin: lho: phau: mo, yugkhang" moo" ri nyhoem: khyo' pyam wa.

ESAIA 2:12 交叉引用

MALAKHI 4:1

Yoem: moo" bo da" Aseing gi hid su" ga: tid nyid «Nghoid boin: nyid mo, dangain" yo' akhyeing" ashoeb da" moo" zei: nyid mo, dangain" ri khoofoo: ri yhang: ti" nghe' pyam wa da" ayo, gi ju" loo bye:. Hau: bidnyid moo nyangnu" gi nge" joem: lo" byug lho: houg: moo ci: we' jo, loo wa anghoid.

ESAIA 23:9

Myhang: thang Aseing gi hau: ziri soin' byid: su: nghoid da:. Nyangnu" koid lo da" moo" yoomo nghoid boin: boem ziri thang loo” nhang: wa yo' nyangnu" ngi: shab da" byu yiri ngi yoem" nhang: wa shid re" nyang: hau: ziri soin' to" zi nghoid da:.

LUKA 14:11

Houg: su" nghoid yoomo nyang: nya: gung ri coung" byid: mo, gi khyo, nyhoem: pyam byid: zi shau" wa. Nyang nya: gung ri khyo, nyhoem: su: gi phau" myang: tu: to' kaid zi shau" wa ga: tid.

DANG: ZHOEM 16:5

Nheigloem: myhang: nyid bang: dangain" mo, ri Aseing gi ngheung" nyid. Nyangnu" ri shen: yhen, khyoo: mo khanham we' Nyang: lhoid pyoin kaid wa zi anghoid.

YAKU 4:6

Nghoid loug we' ngoonu" gi Mangsoo byid: to" da" jeju" azeing ri je" wigi yoem: moo" bo nyid boem. Mangsoo gi nghoid boin: nyid mo, ri lang: khyo, pyam lho: nyhoem: khyo, nyid mo, ri jeju" byid: nyid ga: jhoem: mungdang: moo bo nyid ziyo' dakhyoo" ti" nghoid.

1THESALONI 5:2

Khasu" wim gari Aseing: doem ju" ri" wa bidnyid gi myen" ri khoug" su" re" yhang: ti"- ju" ri" wa nghoid ziri nanu" nyang: voin: tang: si' bye.

MATHE 23:12

Nyang: nya: gung ri tu: to' su: gi nyhoem: gyo" loo" wa. Nyang: nya: gung ri nyhoem: khyo' nyid su: gi tu: to' kaid zi shau" wa nghoid.

MALAKHI 4:5

Nghoid loug we' gyi: myhang: lho: gyoug pho" da" ngoo Aseing ju" ri" wa da" bidnyid aju" loo shi" uri lapi: phoo Elia ri nanu" jhang khyoo: ngoo nhang: kaid wa zi nghoid.

AMO 5:18

Aseing bidnyid ri lang" nyid mo, nanu" shid re" gi khayhi' gyeing" da" gyoug pho" bidnyid nghoid wa lha". Hau" bidnyid gi nanu" shid mo ce: akyu" boo wa lha". Hau: zigi nanu" shid mo moug: boo" anghoid moug: coid za: danghoid wa.

DANIELA 4:37

Houg: lho: akhid" ngoo Nebukhadneza gi mougkhung: mo khokham ri coung"- phung" yoeb yo' ngi: shab byid: o". Nyang: koid zi ja: khang" moo" gi jo lho: tarha" deingmain" da:. Houg: lho: nghoid boin: bang: hang" ri we' nyang: yo" doin: khyo' pyam da» ga: tid.

EZEKIEL 13:5

Nyangnu" gi vang joem byo, gyo" jo, jang" moo azung"- vang joem ri we' adoem so' koid yoomo Aseing da" bidnyid moo meing: byo, loo lang" Israela ri gyi mo ayo" goem loem byid: nghoid ago".

YEREMIA 46:10

He: bidnyid gi gyi: sheung: myhang: thang Aseing da" bidnyid nghoid. Akhid" nyid" nyang: latoo: phug loo wa. Akhid" nyid" nya: gyivoo yiri yooboo dam byid: loo wa. Nya: Shamcoin" gi nyangnu" ri gyi: sho' zo: loo wa. Nyangnu" suid" ri nheugdeug sho' shug wa. Myhang: thang da" Aseing ri xoin" khyo" ngei" byid: wa shid re" mougzhung: shoid Uphrad gyid yam moo: nyangnu" ri said pyam shau" loo goo" wa.

ESAIA 24:21

Atho' mo yoem: so' yoo" bang: yo' mougmyid mo vhoebkhang" bang: ri Aseing wigi yooboo dam byid: wa ayo, ju" loo wa.

ESAIA 24:4

Mougmyid gi kyug wigi yhau" lo" byug da:. Mougmyid goin" gi yoem: neing: lo" ago". Myid gung yo' mougkhung: gi yoem: loo" wa.

ESAIA 13:9

Nya: da" nheig joem: khoo" khoo" yo: ziyo' atho' tid loo sho' nheigloem: yoin da" bidnyid nghoid da" Aseing bidnyid gi ju" loo nyid da:. Mougmyid gi dain" pyoid yoo bue" lo" byug wigi yooboo yo" da" yugkhang" moo" ri said toem" pyam zi shau" wa.

ESAIA 13:6

No wigi kyi: ngoug ge'. Yoem moo" yo' phyo' shoin' wa nghoid da" Aseing da bidnyid gi jhang re" nyid bye:.

2 SAMUELA 22:28

Nang gi nheigloem: nyhoem: khyoo' mo, ri khyoid yu nyid. Nghoid loug we' nghoid boin: nyid mo, ri koem gi doin: khyo' pyam nyid.

YOBA 24:1

Mangsoo gi ciwim yoomo nyang: ri dei byid: bang: shid re" dang: phyed wa ayo, Tarha" nyeung veung" da" bidnyid ri ciwim atoo" byid: lug la.

COUNG" NGHEI 131:1

Aseing we"- ngoo gi nga" phau: khuang da" nheigloem: ri she: pyam, lho: nga" da" nghoid boin: nheigloem: myhang: jang" mo lheung: loo bye:. gyi: myhang: da" moo" zoo" joem ri we' Ngoo gi myid aloem" loo.

ESAIA 42:15

Ngoo gi bouggung joem yo' boem joem ri phyo' shoin' pyam lho: myo, gam yo' seiggam joem ri kyug loo" nhang: wa. Ngoo gi gyid gyung: lang khung" joem ri dain" pyoid yoo koid pyam wigi gyid thoem" mo gyid ri kyug hei' loo nhang: wa.

ESAIA 61:2

Aseing wigi nya: byumyu" yiri khyoid yu lho: Nyangnu" gyivoo yiri oung: pyam' wa Ayo, ju" bye: khyoo: ri Tid fu" wa shid re" nyang: ngoo ri nhang: kaid bye:. Nyang: gi koug ngau nyid da" bang: dangain" ri nheig teing byid: wa shid re" ngoo ri nhang: kaid bye:.

YEREMIA 30:7

Gyug dain pho" da" bidnyid gi ju" lo nyid da:. Nga" byumyu" yi shid re" gootu: bidnyid yo' ayo" tu' da" Kyi" khyeug da" ayo, ju" lo nyid da:. Nghoid loug we' nyangnu" gi nyid deing nyid goo" wa» ga.

MIKHA 2:3

Houg: yoomo Aseing tid zigi «Ngoo gi nanu" ri nyeigdain tung" da" yau: khe" khyoo: ri byid: wa soin' nyid lho: nanu" gi houg: mo yo" loid loo" goo" wa zi anghoid. Nanu" gi yau: khe" khyoo: thoung" shau" lho: hau: thang: moo nanu" gi ayo" phau: khuang yen" goo" wa.

MIKHA 5:11

Ngoo gi nanu" da" mougmyid mo voomoo" joem ri phyo' shoin' pyam lho: nanu" da" khoug: goo zung: joem dangain" ri we' doin: lheung: pyam byid: wa.

ZEPHANI 1:16

Geung: teung" da" voomoo" vang khyam: yo' myhang: da" gyi pyu zung ri zain: lo da" gyizoo: yi gyi to' lo da" thui: zeing- gyi laboo" moid thui: yo' byeung" da" bidnyid nghoid.

ZEPHANI 3:11

Houg: da" bidnyid moo nga" byumyu" yi nanu" gi ngoo ri thougtheung da" khyoo" wigi sho: thu ca" loo: wa zi anghoid. Phoug: khuang lho: nheigloem: myhang: nyid bang: hang" nghoid loug we' ngoo khyen: thu pyam lho: nanu" gi nga" gyeung" shang: da" boem moo khanham we' doem yo" thougtheung loo loo: goo" wa zi anghoid.

COUNG" NGHEI 18:28

O" Aseing we" nang gi ngoo ri bidbang byid: nyid. Nga" da" moug: coid ri bei: loo" nhang: nyid.

COUNG" NGHEI 37:13

Nghoid loug we' akhyeing" ashoeb bang: gi khamyhang amyang" ri phyo' shoin pyam shoug" wa ziri Aseing gi se' nyid yoomo nyang: gi nyangnu" ri yu" yi nyid.

COUNG" NGHEI 94:2

Nang gi byu nyid moo: nyid bang: ri tarha" dang: phyed su: nghoid. Too re nghoid boin: lho: phau: khuang nyid bang: ri yo" yu eung: ziyo' dakhyoo" ti" dam kaid byid: re.

ESAIA 5:15

Yugkhang" moo" sho' phu" wigi nghoid boin: bang: dangain" gi nyhoem: khyo' pyam zi shoug" loo goo" wa.

ESAIA 10:12

Nghoid loug we' Aseing gi «Ziun boem dang moo yo' Yerusalem moo ngoo koid ziri bain koid lang" Asuri khosen ri nyang: phau: da" khyoo: dangain" yo' nyang: nghoid boin: zi dangain" shid re" ngoo yooboo dam byid: wa» ga: tid da:.

ESAIA 10:33

Myhang: thang Aseing gi nyangnu" ri seiggam mo kyid khyo' pyam da" seig koung: joem yo' dayhang: ti" gyu" gyo" loo" nhang: wa. Nyangnu" mo nghoid boin: thang bang: yo' myhang: thang da" bang: ri kyid khyo pyam lho: ngi: yoem" shang pyang: nhang: wa.

ESAIA 13:11

Aseing gi «Mougmyid ri kyi" khyeug zi bue" ri" nhang: wigi akhyeing" da" byu dangain" ri nyangnu" da" yooboo shid re" yooboo dam byid: wa. Nghoid boin: bang: yugkhang" moo" ri ngoo doin: nyhoem: khyo' pyam lho: phoug: mo, yo' anoug akhyoid koid bang: yugkhang" moo" ri yooboo dam byid: wa.

ESAIA 14:15

Nghoid loug we' hau: gungthid nang gi moovo moug: mo no, thang da" joyoo khyoo: khyo' pyam zi shau" abye:.

ESAIA 40:23

Nyang: gi yoem: so' gyi: da" zoug: yiri khyo' pyam lho: nyangnu" ri ci: anghoid loo sho' koid pyam da:.

YEREMIA 12:9

Ngoo khyen: yu to" da" byumyu" yigi zoin bung: joem wigi shoid khang" moo" khyo" coem' khaid thei" zi shau" da" ngho' yo' du da:. Hau: zooshug pui" moo bo boo wa shid re" gougnyhoug joem dangain" ri khe: kaid we'.

YEREMIA 13:9

«He: zigi Yuda da" nghoid boin: ziyo' Yerusalem da" gye" nghoid boin: khyoo: ri ngoo khasu" phyo' pyam wa ein: zi nghoid.

YEREMIA 50:31

Babelon we"- nang gi nghoid boin: myid byeung" jo, da:. Houg: yoomo Yoem: moo" bo myhang: thang Aseing ngoo gi nang ri thougtheung bye:. Nang ri yooboo dam byid: da" ayo, ju" lo abye:.