ESAIA 12:2 - Lacid Common Language Bible

² Mangsoo gi nga" khyoid yu aseing nghoid ngoo gi nyang: ri khoug nghe: lho: ngoo agyug nghoid da:. Aseing gi ngoo ri yoem: so' yo' yoem: boo nhang: da:. Nyang: gi nga" khyoid yu Aseing nghoid da:.

ESAIA 12:2 交叉引用

THU' LO" MOUGSOUG" 15:2

Aseing gi nga" yoem: bo thang da" goem loem su: nghoid. Nyang: gi ngoo ri khyoid yu su: nghoid. Nyang: gi nga" Mangsoo nghoid yoomo ngoo nyang: ri coung" nghei wa. Nga" pho da" Mangsoo nghoid yoomo nya: gyi: sheung: khyoo: ri ngoo jikhoin" khoin" wa.

COUNG" NGHEI 27:1

Aseing gi nga" da" bidbang yo' khyoid yu khyoo: nghoid yoomo ngoo hang" ri we' gyoug aca" wa. Pyaid mo too: mo da" Aseing gi gyoug ci' ja: dangain" jang" mo ngoo ri lhoug zung" nyid yoomo ngoo khanham we' gyoug dain zi ashoug" loo: wa.

COUNG" NGHEI 118:14

Aseing gi ngoo ri yoem: so' yo' yoem: vhoo" byeung" loo nhang: lho: nyang: gi ngoo ri: khyoid yu nyid.

Pang Shug 7:10

Nyang: nu" tid nyid boem zigi khyoid yu da" jeju" gi zhung: tang tho' moo zhoung: jo, su: ngoonu" da" Mangsoo yo' yang nu" jang" mo yo" yu zi nghoid- ga: wigi thui: moo" yo' yoid nyid boem.

YONA 2:9

Nghoid loug we' ngoo gi nang ri coung" nghei lid jhoem" kaid wa. Ngoo nang ri xoin" too byid: wa. Ngoo tid to" da" dangsoo" ri ngoo zei: pyeing: byid: wa zi nghoid. Khyoid yu khyoo: gi Aseing jang" mo ju" re" da» ga: tid.

ESAIA 45:17

Nghoid loug we' Israela ri Aseing wigi khyoid yu zi shau" da:. Israela da" oung: doid zigi apyaid atoo: moo deing jo, wa. Israela byumyu" yigi khanham we' ngi: yoem' zi ashoug" wa.

YEREMIA 23:6

Nyang: khokham bue" loo lang" Yuda byumyu" yigi goem loem zi shoug" goo" wa. Israela byumyu" yigi ngei pyoo: yug yoo tung" shoug" nyid loo goo" wa. Nyang: gi ‹Ngoonu" khyoid yu Aseing› ga: myheing byid: zi shau" boem goo" wa.

YEREMIA 3:23

Ngoonu" gi bouggung joem mo ngoonu" no' da" tungbau noku thung" khyo" wigi ce: pang" thoug ziwe' ashau" yu. Ngoonu" Aseing Mangsoo mo za: Israela shid re" pang" thoug zi shoug" yu da:.

COUNG" NGHEI 83:18

Nang za: Aseing danghoid nyid da" khyoo: yo' mougmyid gyab goin" jang" moo myhang: thang su: nghoid nyid khyoo: ri nyangnu" se' yu loo" goo" baja" o".

1 TIMOTHI 3:16

Yha" noku thung" mo loem" jeung" da" no, thang khyoo: gi kha: yhi' gyi: lam: jo, ziri hang" we' ngeug gyang: joyoo abo zigi vhoo: moo lhid" to" ziyo' dakhyoo" ti" nghoid nyid. xang: su byu da" gung du: khyo" thu' yab, loo bye: ziyo' deing su: nghoid da" khyoo:- hau: gyeungshang: da" venyi gi toin" shid nyid Mouglagyoo: yi we' nyang: ri shau: myang boem bye- nya: khyoo: gi byumyu" bain sho' mo, ri kho" kyo" tid fu" boem abye: go. Moug: myid byu dangain" gi nyang: ri loem" jeung" boem abye: go- houg: su" nyang: ri moug: khung: tho' khyoo: shu" to' yu zi shau" abye:.

Roma 1:16

Ngoo gi ngeibu lu dang: ri nheig shid: nheig deig loem jeung" bye. Hau: lu dang: gi loem" jeing" mo, dangain" da" Yuda byumyu" yi yo" ngheizain byumyu" yi ri xang: shid" khyoid' yu da" Mangsoo: yoem: so' phung" yoeb nghoid.

HOSEA 1:7

Nghoid loug we' Yuda byumyu" yiri gi jheddab myid toin" shed byid: wa. Ngoo nyangnu" Aseing Mangsoo gi nyangnu" ri khyoid yu wa nghoid loug we' ngoo gi hau: ziri meing: zain: khyo" akoid wa. Shamcoin"- Lid:- myoo: khaid- myang: yo' myang: jui: bang: ri aci: wa» ga: tid da:.

ESAIA 62:11

Aseing gi mougmyid gyab goin" ri fu" byid: nyid. Hau: zigi «Nanu" ri khyoid yu wa shid re" Aseing ju" lo nyid bye:. Nyang: khyoid yu to" da" byu yiri nyang: yo' dage" shu" lo nyid da» ein: Yerusalem byu yiri tid kyoo" we'.

ESAIA 32:2

Nyangnu" mo yugkhang" moo" gi lid mo khau: nghi: wa joyoo- Uglid mo phang: goug" wa joyoo yo' dayhang: ti" nghoid loo wa. Nyangnu" gi dain" pyoid yoo moo yau da" gyid zoo: gyung: yo' dakhyo"- moug: kyug myid kyug moo jo, da" lug moo" da" bid shoem: yoeb yo' dakhyoo" ti" nghoid nyid da:.

ESAIA 7:14

Houg: lang" gi bye:. Aseing gi nyang: nyang: avoid daja: ngoonu" ri byid: loo wa. Hau: zigi gung lid: da" zoomyi: dayug gi yuggi zoo: dayug khu: loo wa. Nya: myeing gi Emanuela ga: myheing loo wa.

1 SAMUELA 2:1

Hana akyu" mho' khyoo: gi «Aseing gi nga" nheigloem: moo gau yi ziyo' pyeing byid: bye:. Nyang: bain koid bye: moo" zoo" yoomo khayhi' pyo: lha". Nga" gyivoo joem shidkhoin" moo ngoo yo" yi bye:. Mangsoo ngoo ri pang" thoug yoomo ngoo khayhi' pyo: lha".

YOBA 13:16

Nga" voem" da" myid wigi lang" ngoo ri yo" khyoid yu abe. Ciwim gari akhyeing" da" byu hang" we' Mangso jhang avoem" yhe: shoug" nghoid da:.

COUNG" NGHEI 112:8

Nyang: moo: myid myoo: ung: loug ziyo' gyoug dain' da" myid aboo- nyang: gi nya: gyivoo joem da" soem" joem: lo" ziri deing" deing nyang: shau" myang wa zi nghoid.

ESAIA 10:24

Yoem: moo" bo myhang: thang Aseing gi Ziun boem moo nyid boem da" nya: byumyu" yiri «Egutu byu yi lhoung koid ziyo' dayhang: ti" nyangnu" nanu" ri zeig zoo: nghoid loug we' Asuri ri agyug goo".

ESAIA 17:10

Israela we"- nang ri khyoid yu su: yo' geing: teing da" lugboem moo" yo' dayhang: ti" nang ri goem loem byid: su: Mangsoo ri nang to" myhed pyam abye:. Hau: gungthid tungbau yu phara" joem ri no' wa shid re" gyeung" shang: da" bain: khyam: joem ri nang sho" da:.

ESAIA 27:5

Nghoid loug we nga" byumyu" yi da" gyivoo yigi nga" goem loem khyoo: ri vho: nghoid rigi ngoo yo' meing: dam khyoo: ri nyangnu" koid nhang: wa. Nghoid bye:. Nyangnu" ri ngoo yo' meing: dam khyoo: ri koid nhang: ge'» ga: tid da:.

ESAIA 49:5

Ngoo akhu: shi" re Aseing gi ngoo ri yoovoin foin: to" da:. Nya: byu yiri doem shu" tau" loo wa shid re" we' byo, sain" nyid da" Israela byumyu" yiri doem shu" tau" yu wa shid re" ngoo ri nya: dei zoo: koid nhang: abye:. Aseing gi ngoo ri ngi: shab byid: bye: nyang: gi nga" yoem: ajhung: nghoid da:.

ESAIA 50:10

Aseing ri ngi: shab byid: boem da" bang: dangain" yo' nya: dei zoo: da" dang: ri tam" gyoo: mo, we" nanu" so" lo" da" khyoo: gi no ri no jo, wa. Nghoid loug we' Aseing ri loem khau wigi nanu" Mangsoo ri nghi: ge'.

ESAIA 61:10

Aseing koid bye: da" lo, moo" yoomo Yerusalem ngei pyo: da:. Nyang: gi nya: lo, xo' pui" shid re" soin' shoung: void ci: da" myhi' seig yo' du loo wa. Mangsoo gi nyang: ri khyoid yu ziyo' oung: doid zi wigi foid too" abye:.

ESAIA 65:18

Ngoo phain" so: to" jang mo apyaid atoo: gau yi ngei pyo: nyid ge'. Ngoo phain" to" da" Yerusalem aseig gi ngei pyo: zi yo' byeung" jo, wa. Houg lho: nya: byumyu" yi we' ngei pyo: loo goo" wa.

DANIELA 3:28

Khokham phoo gi «Shadrag- Meshag yo' Abednego da" Mangsoo ri coung" o". Nyang: gi nyang: ri loem khau: lho: dei byid: da" he: byu yiri khyoid yu wa shid re" nya: da" moug: lagyoo: ri nhang: kaid da:. Nyangnu" gi nyangnu" nya: Mangsoo mo lid lho: gootu: yu phara" ri agoeb pid- adei byid: wa ga: nyangnu" nya: kangso' ri ab pyam sho' nga" amyeing" dang: joem ri atam" gyoo: loo ngeug pyam ago".

YOELA 2:23

Ziun mung" byu yi we"- gau yi nyid loo: ge'. Nanu" shid re" nanu" da" Mangsoo koid byid: bye: da" khyoo: yoomo ngei bu nyid ge'. Nyang: gi nanu" ri lid jhen" moug: myoo" sho' voo byid: da:- nyang: gi shid phyang" yo' dakhyoo" ti"- xung" moug: yo' zain vang khoem" mo moug: ri voo byid: nyid.

HABAKU 3:18

Ngoo gi ngei pyo: gau yi nyid shi" wa zi nghoid. Khasu" wim gari Aseing Mangsoo gi nga" khyoid yu su: nghoid.

2 SAMUELA 7:24

Israela ri apyaid atoo: re" byumyu" aseing: nang bui" nhang: bye: zi nghoid ziyo' nyangnu" Mangsoo gi nang Aseing nghoid nyid bye: zi nghoid.

COUNG" NGHEI 65:6

Re" da" yoem: moo" yo' boem joem ri nya: da" joyoo moo: zhoug to" wigi re" da" athang agoin myonhoo: phung" yoeb zeing ri toin" shed nyid da:.

COUNG" NGHEI 68:20

Yha" da" Mangsoo gi khyoid yu da" Mangsoo nyang: nghoid bye:. Nyang: gi Aseing nghoid. Shid: gyoin' noogyoin' mo khyoid khyi: yu da- yha" Aseing nyang: nghoid bye:.

COUNG" NGHEI 68:21

Yooboo khyoo: moo: jhen" yhe: lo" da- nya: gyivoo joem da" vhuloem ri Mangsoo gi gyeing" nyang: baid khyoeb pyam byid: wa zi nghoid.

COUNG" NGHEI 118:21

Aseing we" nang gi ngoo ri: tu" byid: bye: yoomo we' ngoo ri oung: doid loo" nhang: bye:. Houg: yoomo we' ngoo gi nang ri: coung" nghei nyid wam: bye:.

ESAIA 33:22

Hau: lhid joem mo tei" joem gi amyed afoo" nghoid da:. Lhid mo pain" ruang: ri ayo" pei: to' kaid nghoid da:. Ngoonu" gi gyivoo gyidab joem da" jonu" dangain" ziri yo" seing: yu goo" wa. Sung myo: yoomo khyid: gyoug: bang: lang" gamboem shoug" yu boem goo" wa. Aseing nyang: nyang: nanu" khokham nghoid loo wa. Nyang: gi ngoonu" ri vhoeb wigi goem loem byid: loo wa.

ESAIA 38:20

Aseing we"- nang ngoo ri noo gi byid: abye:. Ngoonu" gi teing baid wigi nang ri coung" nghei jikhoin" khoin" wa. Ngoonu" dei nyid myhang re" Noku Yhoem: Moo" moo coung" nghei jikhoin" khoin" nyid wa ga zi nghoid.

ESAIA 51:12

Aseing tid zigi «Nang ri yoem: boo nhang: su: gi ngoo nghoid. Myo, gam tho' mo jain" sho' ayo" zeing: kham da" Shid: se' da" byu ri ciwim gyoug la".