Ephesu 4:16 - Lacid Common Language Bible

¹⁶ Hau" vhuloem da" vhoeb, khang" lo" da" akhoug: moo nyang: cang" adu go" da" gung shoo" akung: ako'' joem gi daloem: yo' daloem: tei" xo' go" ziyo' gung du: goin" ziri youg: xeig youg: myo, mo wigi tei" xo' go" to"- hougsu" nghoid yoomo adu go" da" akung: ako'' gi nyang: tu: nya: da" moozoo" ri voin vu, nyid nghoid rigi jheddab da" nheigloem: yo' dagung goin" ziri zhoug to' gyi: sheung: loo" nhang: nyid.

Ephesu 4:16 交叉引用

KOLOSE 2:19

Gung du: da" vhuloem nghoid nyid Khristu moo xo' nhei: khau: nghe: jang" mo phoug pyeug loo" mo, nghoid ago- Khristu vhoeb, khang" da" akhoug: moo dagung goin" gi hau: da" youg: xeig youg: myo, yo' shoo" gyi: youg: khyang: joem wigi myheug shoin" to" lho: khu: gyi: kaid' ziyo' Mangsoo myid vho: khyo" gyi: sheung: loo wa nghoid.

YOHAN 15:5

Ngoo gi zabyidd" nei yang: nghoid. Nanu" gi akung: ako'' joem nghoid. Ngoo moo xo' wigi ngoo we nanu" yo' xo' to" ri gi na nu" ashi" myo" sho' yo" zei: loo wa khasu" wim gari ngoo yo' gang go" loo" lang" nanu" ci" we' ayo" koid loo.

KOLOSE 2:2

Hougsu" ngoo yoem: kaid' voin yu, da" khyoo: gi nyangnu" dangain" tho' moo myo, yang" da" nheigloem: yo' joeb, byeung" wigi dayug yo' dayoung da" jheddab da" emyid moo-tei" xo' go" lo" ziyo' nyangnu" gi deingmain" da" lasi, phajhi" mo myo: tham: da" nheig shid: nheig deig khyoo: ri nyangnu" yo" yu wa shid re" nghoid- hougsu" wi nyangnu" gi-he: khyo" wigi Mangso zau" yheom" to" da" no, thang phajhi" ri se' gyo: lo boem wa nghoid hau: phajhi" gi Khritstu nyang: nghoid bye.

Ephesu 4:12

Nyang: hougsu" koid da" khyoo: gi Khristu da" gung doem: ri so' koid nyheung zhoug too" baja"- ga: Khristain moozoo" yo" zei: sho' Mangsoo gi nya: zooyi dangain" bang: ri soin' nyheing wa shid re" nghoid nyid.

1Korinthians 13:13

Akhid" koem gi loem" jeung da" khyoo- nheig byu joyoo yo' jheddab nheigloem: ein: zi soem" ja: jo, nghoid loug we' hau: gu: moo: je" gyi: thang zigi- jheddab nheigloem: nghoid.

Ephesu 4:15

Hau: gung khoo: jheddab da" emyid yo' deingmain" da" dang: ri tid nyid khyo" vhuloem nghoid da" Khristu moo khyoo: khaid khang" moo" moo gyi: sheung: to' loo ca" nyid boem.

1 TIMOTHI 1:5

Hidsu" pyeung: to" da" myid soin', khyoo: gi gyeungshang: nheigloem: khoug: mo thu' lo da" phug soo" lheig se' myid yu" da" e" myed, yo' akug ase' void loem" jeung" khyoo: mo thu' lo da" jheddab da" nheigloem: ri nhau" to' kaid' wa shid re" nghoid nyid.

1THESALONI 2:13

Hau: lho: wigi Mangso jeju" ri anoo: atheing: loo- coung" nghei byid: nyid wa da" khyoo:- gootu: dakhaid bo jo, shi"- nanu" jang" moo ngoonu" hau: Mangso da" mungdang: ri re" kho" kyo" da" uri byu yi da" mungdang: ri yhang: ti" anghoid- Mangso mungdang: nghoid deung nyid ziyo' dakhyoo" ti"- nanu" shau" gyo: wigi loem" jeung" ziyo' lhoem: kham: yu boem bye- hau: mungdang ri loem" jeung" bang: nanu" da" nheigloem: ung: khoug: moo moo" zei: nyid.

PHILIPI 1:9

Hau" tho' moo nanu" da" jheddab nheigloem: gi je" gyi: sheung: lo wigi se' yeung jang" moo joeb, byeung" da" dang: phyed' dang: kho' da" yoem: vhoo: yoo" goo" baja"- nanu" shid re" ngoo akyu" mho' nyid.

Ephesu 3:17

Hau: lho: loem" jeung" khyoo: khyo" Khristu gi nanu" da" nheigloem: ung: khoug: joem moo nyang: nyid nyid' wa ziyo' jheddab da" emyid moo agyi: zug lho: ayang: ri zhoug too" wa shid mo ngoo akyu" mho' nyid.

1PETERU 1:22

Nanu" gi deingmain" da" tarha" ri cang so" loo" yoomo nanu" da" nheigloem: ung: khoug: ri ced" yung ced" lho, wigi nanu" nyang: cang" we' nheigloem: ung: khoug: bain sho' yo' jheddab go" nyid ge'.

Ephesu 3:7

Nya: da" yoem: so' khyo" wigi ngoori byid: to" da" goozu: xen' nghoid da" Mangso jeju" yo' ngei bu: lu dang: ge, da" dei zoo: ngoori bue" loo nhang: bye.

Ephesu 1:4

Nyhang" nu" gi nya: da" shid khoin" moo gyeungshang: lho: yooboo adab loo: baja" ga: ngoonu" gi Khristu yo' dadeing: daloem: za: bue" lo khyo" wigi moug: phain" myid aphain" shi" mo lang" Mangsoo gi ngoonu" ri khyen: yu too" bye- nyang: gi nya: da" jheddab nheigloem: khyo" wigi Mangsoo gi Yesu Khristu khyo" wigi ngoonu" ri nya: zooyi ga: yhen: yu wa shid mo myid phyed too" bye.

GALATI 5:22

Nghoid loug we' hau: venyi da" ashi" koem gi jheddab zi gau yi zi ngei bu khyoo: nheigloem: sheung: khyoo: nheig khyeug khyoo:- ge, lho, khyoo:- dang sadi zung" khyoo: nghoid.

2 THESALONI 1:3

Jheddab, da" mang nhung" yi we"- nanu" da" khyoo; yo' sen: lho: wigi Mangso jeju" ri nyhang" khanham we' coung" nghei nyid boem ca:. Hougsu" coung" nghei byid: da" khyoo: moo ngoonu" zei: wa zigi ngoonu" nyang: zei: ca" khyoo: nyang: nghoid bye- khasu" wim ga: ri nanu" da" loem" jeung" khyoo: gi gye" gyi: sheung: loo bye: ziyo' byu yi ri jheddab da" e" myed we' je" je; gyi: sheung: yang" deung lo nyid boem bye.

1THESALONI 3:12

Nyang: cang" nyang: da" atho' moo we' byu gooji yi dangain" bang: da" atho' moo we' nanu" to" to" da" jheddab nheigloem: gi je je gyi: lo wigi Hau: da" jheddab nheigloem: gi nanu" da" atho' moo ngoonu" to" to" da" jheddab nheigloem: yo' dakhyoo" ti"- gyi: loo wa shid' re" - Aseing: gi nanu" ri pang" thoug byid: baja" o.

1THESALONI 1:3

Khasu" wim ga: ri nanu" da" loem" jeung" khyoo: moo zei: nyang: khasu" zei: yhe: lo" nyid boem ziri we' nanu" da" jheddab e" myed yo' khayhi' gyeing" - moozoo" ri zei: so' nyid boem bye: ziri we' Aseing Yesu Khirstu moo nanu" da"

GALATI 5:6

Khasu" wim gari ngoonu" gi Khristu Yesu moo nyid nyid beom nghoid rigi athang: yham" ziri kham, akham' ein: zigi ce: ayhoug: gyen:- yhoug: gyen: da" khyoo: gi jheddab myid ri ci: lho: loem" jeung moo" zei: khyoo: nghoid.

1Korinthians 8:1

Akhid" nanu" moug soug" khyo" myid: kaid da- phara" soolhoo: ri xoin" to' pyam bye: da" zoo: noem yo' sen: wigi- ngoo tid kyoo" wa nghoid. Nyhang" dangain" bang: gi lasi, laleig myid boo bang: za: nghoid boem, ga: wigi: nyangnu" tid nyid zigi: deung nyid. Nghoid loug we' houg: te" da" lasi, laleig gi byu yi ri phau: khyeung nghoid boin: nhang: nyid- nghoid loug we' jheddab da" emyid gi so' koid so' nyheing byid: se' nyid.

Roma 12:4

Ngoonu" da" gungdoem: moo akung: ako'' myoo" sho' bo wigi hau: akung: ako'' loem: khang" moo" gi nyang: moo" nyang: bo boem.

1Korinthians 10:17

Khasu" wim gari- zooyho, dakhi, kyeing" za: dajo, ngoonu" myoo" sho' nghoid nyid boem loug we' gung doem: daloem: za: danghoid nyid boem.