Ephesu 3:10 - Lacid Common Language Bible

¹⁰ Hougsu" koid da" khyoo: gi akhid" pyaid moo vhoeb khang" nyid da" moug: lagyoo: yi yo' moug: khung: moug di mo yoem: so' yoo" mo, gi Mangso phajhi" aja: ja: ri noku phung mo se' yu wa shid re" nghoid.

Ephesu 3:10 交叉引用

1PETERU 1:12

Mangsoo hid: bang: ri' toin" shid' zigi akyu" yoo" wa shid re" anghoid- nanu' da" akyu" shid re" danghoid. Khasu" wim ga: ri nyangnu" gi nanu" akhid" lagyoo: yi jang" mo shau" gyo: yu da" ngei bu: lu dang: yo' sen: lho: no re tid to" boem- hau" ngei bu: lu dang: gi moug: khung: khyo" nhang: kaid' da" gyeungshang: da" venyi yoem: so' yo' lu dang: voin lagyoo: yi tid fu" byid: bye- hau: da" khyoo: yi ri moug: lagyoo: yi lang" bo, se' gyoo: nau nyid boem.

Ephesu 6:12

Khasu" wim gari ngoonu" gi byu xang: su: yi yo' khaid zain: go" nyid zi anghoid- moug: khung: moug: laid' phyoo" moo nyid da" akhyeing" ashoeb da" yu gyiphung: moo" joem yo' we' he: coid no, thu: jo, da" apyaid' ri vhoeb khang" nyid da" coid doem: boo" doem: da" zoug: yi amyeing" akhang" ci: bang: yo" we' zain: go" nyid boem.

1Korinthians 2:7

Ngoo kho" kyo" da" phajhi" gi moug: myid byu yi asi' loo: sho' yhoem" to" da" Mangso no, thang phajhi" khyoo: nghoid- hau: zigi: moug: phain" myid aphain" shi" mo ngoonu" myonhoo: phung" yoeb, yo" kham: yu wa shid re" Mangsoo khyen: yu too" bye: zi nghoid.

Roma 11:33

Apyaid' ato: Mangso: da jeju" gi gye gye jo nhung: lha". Mangso: da" nyan phajhi" yo' se' yeig phajhi" gi gye no jo, nhung: nya: dang: phyed' dang: phyed' da" khyoo: ri hang" yo" phoid' kyoo" wa lha". Nya: moozoo" ri hang" se' gyoo: byid: wa lha".

Ephesu 1:21

Hau: joyoomoo Khristu gi moug: khung: moug di: ri vhoeb khang" nyid mo, amyeing" akhang" yoo" bang:- yoem: so' boo bang:- Aseing yi dangain" bang: tho' moo vhoeb khang" byid wigi nya: myonhoo: ngei lang: gi he: mougmyid yo' thang: phyang" pyaid ju" loo wa da" mougmyid tho' moo amyeing" akhang" yoo" bang: dangain" tho' moo je gyi: jo.

Ephesu 1:3

Ngoonu" da" Aseing Yesu da" nya: phoo Mangsoo ri jeju" boin: nyid boem shang o" Khasu" wim gari ngoonu" gi Khristu yo' dadeing: daloem: za: bue" loo bye: yoomo nyang: gi moug: khung: moug di tho' mo venyi yo' sen: da" mainkaid jeju" khyoo:- ja: khang" moo" ri byid: nyid bye.

1Korinthians 1:24

Nghoid loug we'- Mangso khe: yu shau" da" Yuda yi shid re" gi hau: mungdang: gi Mangso yoem: so' yo' Mangso phajhi" juyi: nghoid da- Khristu nyang: nghoid bye.

1PETERU 3:22

Hau: da" Aseing: gi moug: khung: khyoo: vang lo" lho: akhid" Mangso lo, yo shoid moo zhoung: jo, bye- moug: lagyoo: yi yo' moug: khung: mo aya: yoo" mo, yo' myonhoo: phung" yoeb, boo mo, tho' moo oung: doid' lo" wigi vhoeb khang" nyid bye.

KOLOSE 1:16

Khasu" wim gari moug: khung: moug: di yo' mougmyid yooso" da" tho' moo yoem: moo" so' moo" bo da" yu join: soobyoo: joem seing: nyid mo, vhoeb khang" nyid mo, - amyeing" akhang" yoo" bang: yo' dage" myo, jed" yo' shau" myang zi ashau" myang gu: ri we' hau: nya: zo: khoug: khyo" phain" so: too" bye.

1 TIMOTHI 3:16

Yha" noku thung" mo loem" jeung" da" no, thang khyoo: gi kha: yhi' gyi: lam: jo, ziri hang" we' ngeug gyang: joyoo abo zigi vhoo: moo lhid" to" ziyo' dakhyoo" ti" nghoid nyid. xang: su byu da" gung du: khyo" thu' yab, loo bye: ziyo' deing su: nghoid da" khyoo:- hau: gyeungshang: da" venyi gi toin" shid nyid Mouglagyoo: yi we' nyang: ri shau: myang boem bye- nya: khyoo: gi byumyu" bain sho' mo, ri kho" kyo" tid fu" boem abye: go. Moug: myid byu dangain" gi nyang: ri loem" jeung" boem abye: go- houg: su" nyang: ri moug: khung: tho' khyoo: shu" to' yu zi shau" abye:.

Ephesu 1:8

Nya: jhedab nheigloem: khoug: mo no, thang khyoo: ngoonu" ri toin" shid' bye.

Roma 8:38

Khasu" wim ga: gi ce: zi we' ngoonu" ri nya: jang" mo ayo" kang" pyam'. Shid: khyoo: nghoid loug we' - kangso' dei khyoo: nghoid loug we' -mau lagyoo: yi nghoid loug we' - moug: khung: tho' mo vhoeb khang" mo, nghoid loug we' - yoem: vho" yoem: so' nghoid loug we' - lid: loo" bye zi nghoid loug we'.

COUNG" NGHEI 104:24

Aseing we" nang koem gi ja: khang" moo" ri koid nyid da- nang gi jo, moo: jo, ri phajhi" bo khyo" koid too" nhung: lha". Mougmyid yoosoo" gi nang phain" so: to" da- dei moo: dei joem yo, byeung" jo.

EZEKIEL 3:12

Hau: thang: Mangso da" Venyi: gi ngoo ri tu: to' yu wigi nga" nungthang mo thui: zeing da thui: ri shau" gyo:. Hau: zigi «Mougkhung: tho' mo Aseing da" phung" yoeb ri coung" ge» ga: zi nghoid.

COUNG" NGHEI 103:20

Nya: da" amyeing" dang: ri tam" gyo: cang yhe: lho: nya: da" jidang: tam" gyoo: mo, nghoid da" yoem: bo lho: phung" yoeb gyi: da" moug: lagyoo: yi we" Aseing ri coung" ge'.

Ephesu 1:23

Hau: da" phung: gi Khristu da" gung doem: nghoid wigi joyoo khang" moo" mo dangain" rigi nya: gung du: nyang: joeb byeung" nhang: da" joeb byeung" khyoo: nghoid.

KOLOSE 2:10

Nanu" gi nyang: yo' shoin" deung: to" jang mo joeb byeung" da" kangso' riyo" yu boem bye- hau: nyang: vhoeb khang" da" venyi dangain" yo' amyeing" akhang" yoo" bang: dangain" mo, da" atho' moo je" gyi: lho: myhang: thang su: nghoid nyid.

KOLOSE 2:15

Hau" da" pyang" zeing tho' moo Khristu gi vhoeb, khang" da" venyi joem amyeing" akhang" yoo" mo, ri-oung: pyam' wigi nyangnu" ri thung: byu bui" nhang: pyam' lho: oung: doid' loo" bang: yain: so" lo" jang" mo cang so" loo" nhang: ziyo' byu dangain" bang: wigi coem, yu" zi shau" da" byu yi bue" loo" nhang: pyam' bye.