Ephesu 2:10 - Lacid Common Language Bible

¹⁰ Ngoonu" gi Mangsoo nyang: myid vho ziyo' dakhyoo" ti"- phain" so: to" zi shau" mo, nghoid nyid wigi Khristu Yesu yo' ngoonu" deung: shoin" to" khyoo: yoomo nyang: gi ngoonu" ri ge da" moozoo" joem shid re" phain" so: too" bye- hau: ge, da" moozoo" joem ri ngoonu" zei: soo, wa shid re" soin' nyheung too" byid: bye.

Ephesu 2:10 交叉引用

PHILIPI 2:13

Khasu" wim ga: ri Mangsoo gi nya: da" myid vho: khyoo: ri nanu" tam" gyo: cang loo" nau, da" myid yo' cang lo" nhang: da" yoem: vhoo" ri nanu" yo" yu goo" baja" ga- Mangsoo gi nanu" moo khanham we' moo" dazei: byid: nyid.

KOLOSE 1:10

Hougsu" nghoid lang" gi nanu" gi Mangsoo myid vho: khyo" kangso dei nyid wigi nya: da" vho: ngei khyoo: moo khanham we' nanu" yo" cang zei: loo" wa zi nghoid- houg: lang" nanu" da" kangso dei khyoo: gi ge da" moozoo" ja" khang" moo" moo ashi" zei: lo wigi Mangsoo ri se' lo da" khyoo: moo gyi: sheung: loung: lo boem wa zi nghoid.

2~KORINTHU 5:17

Hang" nghoid loug we' Khristu yo' dadeung" daloem: za: bue" lo" byug lang" gi-nyang: gi byu seig bue" loo bye- shid" phyang" mo axau" gu: gi lid lo" yu" bye- Yu" ge' dangain" gi aseig za: bue" loo bye.

2~KORINTHU 9:8

Mangsoo: gi nanu" vho" nyid tho' moo jain" sho' yo" byid: nyid.Houg: yoomo nanu" gi nyang: tu: nya: shid re" vho' ca" nyid gu: dangain" ri yo" yu boem va zi nghoid. Hou: tho' moo ge da" moo" zo" ja: khang" mo" shid mo ca" nyid hto' moo jan" sho' yo" yu wa.

Ephesu 4:24

Nanu" gi Mangso da" ved, du gung du: yo' phain" to" lho: deing byeung" ziyo' gyeungshang: da" kangso' ein: da" kangso' dei khyoo: aseig moo soo" ge'.

PHILIPI 1:6

Hougsu" nghoid yoomo nanu" moohe: da" ge moozoo" ri zei: shed" too" byid: su: Mangsoo gi Khristu Yesu doem gyoo" loo wa bidnyid moo hau: moo" ri joeb byeung" sho' zei: too" goo" wa" ein: ngoo myid loem nyid.

2 TIMOTHI 3:17

Houg: yoomo Mangso da" moo" ri voin, vu, su: gi ge da" moozoo" ja" khang" moo" ri zei: wa shid re" yoem: so' byeung" sho' kaid' ci: lo" jang" moo Khin' azi akhoo: joeb, loo wa zi nghoid bye.

Ephesu 4:1

Hougsu" nghoid yoomo hau: Aseing: da" moo" voin vu, da" gang mo thung: oung" jo, su: ngo Polu gi Mangso wigi nanu" ri nyang: khe: yu da" bidnyid moo nyang: ke' too" byid: da" laleig laki, azhang myhi: da" kangso dei khyoo: moo kangso dei so" loo" wa shid re" ngoo nanu" ri joug jhoin" nyid.

2 TIMOTHI 2:21

Byu dayug yug gi tid lid loo bye: da" akhyeing" ashoeb khyoo: mo nyang: nya: da" gungdu: ri ced" san pyam nghoid rigi hau: yug gi Aseing: yhoug: gyen: khyo" soin nyheung to" da" khyoo: moo yo" bo ci: yhoung: da" zi bue" lo khasu" wim ga: ri ri nyang: gi ge, da" moozoo" ja" khang" moo" moo-bo zei: wa shid re" jen" jen" nghoid nyid.

COUNG" NGHEI 100:3

Aseing gi Mangsoo nghoid ein: yhen: yu ge'- nyang: gi ngoonu" ri phain" so: too" su: nghoid wigi ngoonu" gi nyang: yo' sen: bang: nghoid- ngoonu" gi nya: mung" byu yi yo' nya: yang phung yi nghoid.

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.

ESAIA 43:21

Nyang: gi ngoonya: shid re" phain" so: to" da" nga" byu yi nghoid ago". Nyangnu" gi ngoo ri coung" nghei jikhoin" khoin" lo goo" wa» ga: tid.

Ephesu 1:4

Nyhang" nu" gi nya: da" shid khoin" moo gyeungshang: lho: yooboo adab loo: baja" ga: ngoonu" gi Khristu yo' dadeing: daloem: za: bue" lo khyo" wigi moug: phain" myid aphain" shi" mo lang" Mangsoo gi ngoonu" ri khyen: yu too" bye- nyang: gi nya: da" jheddab nheigloem: khyo" wigi Mangsoo gi Yesu Khristu khyo" wigi ngoonu" ri nya: zooyi ga: yhen: yu wa shid mo myid phyed too" bye.

1 TIMOTHI 6:18

Ge, lho, da" moo" ri zei: nyid wa shid re" ge, da' moozoo" mo, yo" de loo wa shid' re" we' byu gooji yi ri gam, byid: myhoo, byid: vho, lo" khyoo: moo we' amyug ashi loo: yo" gam, byid: wa shid re" jen" jen" koid nyid goo' baja"- nyangnu" ri jhoug" byid: nyid we'.

TITU 3:14

Akhid" nyang: ca" yo nyid akhyoo: joem, ri-yo" joeb, byeung" nhang: sho' yha: da" byu yi nyang" nu" da" ayo, joem ri ge da" moozoo" ri ci: yhung: wa shid re" jhau" yu goo" baja". Nyangnu" da" kangso dei lo" khyoo: moo ce: phoug" adab kangso' age dei nyid.

HEBRE 10:24

Ngoonu" gi ngoonu" nyang: cang"- pang" goo" thug goo" wa shid re" nyhang" nyang: cang" jheddab da" nheigloem: toin" shid' go" zoore"- ge da" moozoo" rizei: wa shid mo nheigloem: tu: to' lho: pang" goo" thug go" nyid shang.

TITU 3:8

He: da" dang: gi dang: deing khoin" nyang: nghoid bye:- Mangsoo ri loem, khoug: bang: gi byu yug khang" mo" shid mo akyu" bo lho: ge lho da" moo" ri zei: wa shid re" ayo, byid: wa khyoo: ri gooki" lid' ayang: koid lho: jhau" shed nyid wa ziri ngoo vho: ngei nyid.

KOLOSE 3:10

Phain" so: to" da" Aseing: Mangsoo gi hau: byu seig ri Mangsoo nya: da" alhoo: aved' yo' je" je du goo" sho' khanham we' daso koid daso' nyheung nyid houg: su" so' koid so' nyheung: khyoo: gi nanu" gi hau: Aseing: ri joeb, byeung" sho' se' loo wa shid mo nghoid.

TITU 2:7

Khyoo: khaid gu: khang" moo" zei: so' lo" da" jang" moo nyang: gung nyang: yu" yu ge, da" khyoo shid: bue" nyid we' Dain: da" nheigloem: yo' abui" atho'- thain" thain: yhoug: gyen: khyo" jhau" poin" khoo" kyeung" nyid we'.

1Korinthians 3:9

Khasu" wim gari- ngoonu" gi Mangso shid re" moo" zoem" zei: bang: nghoid nyid boem". Nanu" gi Mangso da" tung yoo yoothung" yo' Mangso da" zhoo" cuang vo phang yhoem: we' nghoid nyid ago".

1PETERU 2:12

Aseing Yesu ri aloem" jeung"- aloem, khau: mo, gi nanu" ri age da" moo" ri zei: nyid mo, nghoid ga- yooboo foin: nyid uri nanu" koid ge da" moozoo" ri shau" yu" myang wigi Yesu doem gyoo" lo da" bidnyid moo Mangsoo riyo" coung" nghei byid: goo" baja"- nanu" gi nanu" nya: da" shid' khoin" moo ge, lho, da" asam" aved, yo' kang: so dei nyid ge'.

TITU 3:1

Mung" dain ri vhoeb khang" nyid bang: yo' amyeing" akhang ci: bang: da" vhoo: moo tam' gyo: nyid wa ziyo' ge da" moozoo" jid: zoo: jo, moo jo, ri zei: soo, wa jen" jen" nghoid nyid wa shid re" re" da" byu yi ri tid poin" nyid we'.

1YOHAN 2:6

Khristu zei: so' kangso' dei lo yhang: ti"- zei: so' kang: so' dei su: za: Mangsoo yo' dadeing: daloem: za: bue" wigi kangso' dei nyid su: nghoid ein: dayo" tid.

COUNG" NGHEI 138:8

nang ngoo ri byid: to" da" dang: theing khoin" gi zei: pyeung byid: loo wa zi nghoid. Aseing we"- re" da" jheddab nheigloem: gi athang agoin, dajo, jo- nang kyam: shid" to" da" moo" zoo" gi bain sho' koid pyam loo wa zi nghoid.

ESAIA 29:23

Ngoo gi nanu" ri byid: wa da" zoonu" yiri nanu" shau" myang boem lang" ngoo gi Israela da" gyeung" shang: da" Mangsoo nghoid ziri nanu" yhen: yu loo goo" wa. Nanu" gi ngoo ri ngi: shab byid: wigi gyoug phoug" loo goo" wa.

MATHE 5:16

Houg: su" wigi subi" gi nanu" da" ge moozoo" ri yo" myang lang" gi Mougkhung: tho' moo nyid da" nanu" da" nya: phoo ri yo" coung" nghei byid: goo" baja"- nyangnu" da" shid khoin" moo nanu" da" bidbang ri thoin" pang too" byid: ge" o".

YOHAN 3:21

Nghoidloug we' deingmain" da" moo" zei: mo, gi nyangnu" koid da" khyoo: Mangsoo: myid khyoo: nghoid ziri yo" toin' shed wa shid re" bidbang moore" ago".

COUNG" NGHEI 51:10

O" Mangsoo we"- nga" da" akhoug: moo: younglho' da" nheigloem: ri phain" so: byid: lho: nheigloem: zung" khyoo: yo' soozoo: aseig ri nga" da" akhoug: moo: kaid byid: we'.

2 THESALONI 2:17

Nanu" ri we' ge, lho, da" khyoo:- khanham we' koid nyid wa ziyo' tid sang: wa shid re" yoem: teing byid: nyid boem.

Roma 8:29

Mangsoo: gi - nyang: khyen yu too" mo, ri nya: zoo: Yesu yhang: ti" bue" loo wa shid' re" nghoid.

ACTS 9:31

Houg: yoomo yuda meing: - Galile meing: yo' Samari meing: goin" jang" mo, phung byu yi gi shen" yhen zi ashug" loo: dayo, daboin: zoo: shau" nyid boem ago". Phung byu yi gi Aseing Yesu ri gyoug phau" nyid boem ziyo' - kangso' dei lho: gyeungshang: da" Venyi wigi, pang" thoug byid: yoomo geung: teung lo wigi phung byu yi gi je" myo: tham: lo nyid boem bye.

YEREMIA 31:33

Israela byu yi yo' ngoo koid wa da" dang: theing aseig gi hid su" nghoid da:. Nga" tarha" ri nyangnu" khoug: moo kaid byid: wigi hau: ziri nyangnu" nheigloem: khoug: moo lhid" tab too" wa. Ngoo gi nyangnu" Mangsoo bue" wigi nyangnu" gi nga" byumyu" yi bue" loo goo" wa.

ESAIA 60:21

Re" byumyu" yigi jo ziri koid loo goo" wa. Houg lho: mungdain: ri apyaid atoo: moo yo" seing: yu boem wa. Dangain" bang: ri nga" gyi: sheung: khyoo: ri ci: shug byid: wa shid re" Ngoo nyangnu" ri sho" too" bye:. Nyangnu" ri phain" too" bye:.

2~KORINTHU 5:5

Hougsu" thed loo" ca" da" khyoo: ri ngoonu" shid re" nyheung too" byid: su: gi Mangsoo nyang: nghoid. Nyang: gi ngoonu" shau: kham: yu wa da" jeju" dangain" da" shid mo jhoeb byeung" tung" koid byid: khyo" wigi nya: da" Venyi gi ngoonu" ri byid: bye.

ESAIA 44:21

Aseing tid zigi «Israela we"- he: ziri myid boin: we' nang nga" dei zoo: nghoid ziri myid boin: we' Nga" dei zoobui" wa khyo" ngoo nang ri phain" so: too" bye:. Houglho: ngoo nang ri khanham we' ato" myhid pyam wa.

1 TIMOTHI 5:25

Houg: yo' dakhyoo" ti"- ge, da" moozoo" ri we' bang bang za: yo" myang nyid amyang ase' ri lang- yo" nghoeb yo" yhoem" too" wa zi anghoid.

1 TIMOTHI 2:10

Loem, khau: khyoo: moo goolhoo: za: cang lo" da" myiyi: zooyi lhoo, yhung eung: da" ziyo' dakhyoo" ti"- yu" du, yu" ge, da" asam" avoid, yo' nyang: nya: gung ri lhoo, yhoung nyid goo" baja".

TARHA" TID POIN" 5:33

Hau: joem dangain" ri tam" gyo: nyid ge'. Hougsu" nghoid rigi ja: khang" moo" moo nanu" nyid gi yab gi wa nghoid. Nanu" yhe: seing: yu wa da" mungdain: moo nanu" xo' wigi kangso' yo" dei nyid wa zi nghoid.

1 TIMOTHI 5:10

Hau: tho' moo gootu: nyang: gi asam" avoid ge khyoo: moo we' myeing thu nmyid su- nya: myid: nya: zoo: yi ri we' voin: tang: se' shu" jhoug" shu" mho' nyid su- tungbau being" voo, yi ri nya: yhoem: moo goo" lhoo: zoo: kham: yu lho: doo" zhoo" doo" jhug su- Khristain mang: nhung" yi yo' sen: lho: zei: ca" da" khyoo: joem ri khyo, nyhoem: da" myid yo' zei: so' voin vu, si su- yau: khe" jam jau shau" nyid bang: ri-se' pang" thoug su- ge da" moozoo" joem ri voin, vu, xoin" yo" to' su: nghoid ca" nyid.

1YOHAN 1:7

Nghoid loug- nyang: gi bidbang moo nyid nyid yhang: ti"- ngoonu" we' bidbang moo kangso' dei so" yen" boem nghoid rigi ngoonu" dayug yo' dayug nyang: cang"- zoem" khau: nyid mo, nghoid boem ziyo' nya: zoo: Yesu da" suid" gi ngoonu" mo youg: noo yooboo dangain" ziri yo" cid" yung" cid" shang: pyam' byid: bye.

ACTS 9:36

Akhid" Yopa voogung moo Tabitha ga: loem" jeung" da" myiyi: dayug nyid - (Nya: myeing ri Grid" myeing" khyo" - Dorka ga: zi nghoid wigi nya: da" dangkang: gi " Soo" cid" , , ga: zi nghoid) Nyang: gi khanham we' ge da" moo" riza: zei: nyid wigi sho" jhen: bang: ri bo pang" thoug nyid da" myiyi: nghoid.

ESAIA 61:3

Ziun moo nheig koug nyid bang: ri koug ngau wa gungthid gau yi ngei pyo: zi byid: wa. Myid apyoo: wa gungthid coung" nghei jikhoin" khoin" nhang: wa shid re" ngoo ri nhang: kaid. Nyangnu" gi Aseing wigi nyang: nyang: sho" to" da" seiggam joem yo' du loo wa. Nyangnu" dangain" gi jo ziri koid loo goo" wa. Houglho: Mangsoo gi nyang: koid lo da" lo, moo" yoomo coung" nghei byid: zi shau" lo goo" wa.

ESAIA 19:25

Myhang: thang Aseing gi nyangnu" ri mainkaid byid: wigi «Nga" byumyu" Egutu we" ngoo phain" so: to" da" Asuri we"- ngoo khyen: yu to" da" Israela we"- nanu" ri ngoo mainkaid byid: wa» ga: tid.

COUNG" NGHEI 119:3

Nyangnu" gi khanham we' shoid vhang: da" moo" ri: zei: nyid mo, anghoid- Nyangnu" gi Aseing da" khyoo: moo: so" nyid boem.

COUNG" NGHEI 81:13

Nga" byumyu" yigi ngoo tid da" dang: ri tam" gyoo: byid: wa zi ngoo khayhi' gyeing" myid vho: nyid lha". Nyangnu" gi ngoo moo: tam" gyo: cang loo wa zi ngoo khayhi' gyeing" nheug byu nyid la".

GALATI 6:15

Byu dayug yug giathang: yham" zi shau" kham: yu-hougsu" anghoid lang" ashau" kham: yu- zigi ce" yhoug: gyen: we' anghoid- byu aseig yo" bue" lo da" khyoo: za: yhoug: gyen: danghoid nyid.

Roma 8:1

Hougsu" yoomo Khristu Yesu dadeing: za: nyid mo gi tarha" dang: phyed' khyoo: aboo loo.

TARHA" TID POIN" 32:6

Koo" bang: yo' nheig agyeing: da" byumyu" yi nanu" gi Aseing ri nanu" hid: su" koid eung: go" re". Nyang: gi nanu" da" nya: phoo- nanu" da" phain" so: Aseing nghoid da:. Nyang: gi nanu" ri byu damyu" bui" nhang: too" bye:.

Ephesu 2:2

Hau: da" ayo, moo nanu" gi mougmyid da" akhyeing" ashoeb khyoo: moo za: cang lo" boem wigi akhui" Mangsoo ri aphoug" akhyoid koid nyid da" byu yi ri vhoeb khang" nyid da" venyi gi moug: laid moug di ri vhoeb khang" lho: yoem: so' bo da" venyi joem jhang khyoo: nanu" cang lo" boem abye: go".

ESAIA 43:7

Nyangnu" gi nga" byu yi nghoid. Nga" phung" yoeb ri bang nhang: wa shid re" ngoo nyangnu" ri phain" to" zi nghoid» ga: tid.

Ephesu 1:1

Mangsoo myid vho: nyid ziyo' dakhyoo" ti"- Khristu Yesu da" lagyoo: aya: moo nyheung too" shau" su:- ngoo Polu mo wigi Ephesu voo moo nyid lho: Khristu moo dadeing: daloem: za: voin: tang: koid nyid da" Mangso byu yi jhang khyoo: dang: pyeung: kaid.

Ephesu 2:6

Ngoonu" gi Khirstu yo' dadeing: daloem: za: bui" bye: yoomo Mangsoo gi ngoonu" ri moug: khung: moug di tho' moo nyang: yo' dage" vhoeb, khang" nyid wa shid re" Khristu yo' dage" shid: jang" mo doem dei to'' loo nhang: bye.

Ephesu 2:13

Nghoid loug we' akhid" koem gi Khristu Yesu moo zheung" shoin" too" bye: yoomo ve: gang: nyid lo yu" da" manu" gi Khristu da" shid: kham, xoin" yoomo shu" tain" tab yu zi shau" boem bye.

Ephesu 2:15

Nyang: gi nyang: yo' dagung dashoo' za: bue" lo khyo" wigi byu eig myu" ziri byumyu" aseig damyu" za: bue" loo nhang: lho: ngei pyo: myenjham" da" khyoo: byid: wa shid re" nyang: gi Yuda tarha" da" amyeing" dang: yo' tarha" joem ri phyo' shoin pyam bye.