Ephesu 1:8 - Lacid Common Language Bible

⁸ Nya: jhedab nheigloem: khoug: mo no, thang khyoo: ngoonu" ri toin" shid' bye.

Ephesu 1:8 交叉引用

Pang Shug 5:12

Nyangnu" tid boem zigi " Said pyam' zi shau" bye: da" yang nu" gi myonhoo: phung" yoeb, soid gain ziyoo- phajhi" juyhi: yo' yoem: so' yoem: vhoo" - myonhoo: ngilang: phoug" tab ngi shab, byid: moin: zigi coung" nghei byid: zi: kham: yu wa moin" yi" nyid o"- ga: thui: zeing thui: moo" yo' coung" nghei nyid boem ago".

KOLOSE 2:3

Nyang: gi Mangsoo nghoeb, too" yhoem" to" da" phajhi" byen-ya yo' lasi, phajhi" soidgain' dangain" ziri phang byid: da" khoem" thoug" nyang: nghoid nyid.

Ephesu 3:10

Hougsu" koid da" khyoo: gi akhid" pyaid moo vhoeb khang" nyid da" moug: lagyoo: yi yo' moug: khung: moug di mo yoem: so' yoo" mo, gi Mangso phajhi" aja: ja: ri noku phung mo se' yu wa shid re" nghoid.

Roma 5:15

Nghoidloug we' hau: eig yug gi adu goo". Mangsoo: gi akyu" jeju" koid' da" khyoo: yi we' Adam: yooboo koid' zi gootu: tu: nghoid yoomo nya: eig yug gi adu goo" da. Byu dayug shoid' vhang: yooboo mo - byu bain sho' mo shid: wa khyoo: bue" lo ga khyoo: gi deing nyid. Nghoidloug we' Mangsoo: da" lhoid byoin jeju" gi gootu: byu dayug nghoid su: Aseing Yesu Khristu da jeju" khyo" byu myoo" sho' mo, mainkaid jeju" gi - gootu: tho' mo je ge zi nghoid.

YUDA 1:25

Aseing Yesu Khristu moo ngoonu" ri yo" khyoid yu da" dayug kyeung" da" Mangsoo gi moug; thu' xang: poin: mo wigi he: yam: he: pyaid yo' thang: phyang" apyaid' atoo: moo ju" sho' myonhoo: phung" yoeb, yoem: moo" so' zeing- amyeing" akhang" gi nyang: moo za: dabo jo, baja" o"- A men.

Ephesu 1:11

Jo, moo jo, koem gi Mangso da" myid soin nyheung lo" da" khyoo: yo' myid phyed' to" khyo" bue" loo bye- hau: lho: xang: shid" mo myid soin to" da" khyoo: moo ayang: qei" lho: Khristu moo dadeing: daloem: za: nghoid nyid khyo" wigi nyang: myid soin to" khyo" nyangnu" ri nya: da" byumyu" yi bue" loo wa shid mo khyen: nyheung too" bye.

1Korinthians 2:7

Ngoo kho" kyo" da" phajhi" gi moug: myid byu yi asi' loo: sho' yhoem" to" da" Mangso no, thang phajhi" khyoo: nghoid- hau: zigi: moug: phain" myid aphain" shi" mo ngoonu" myonhoo: phung" yoeb, yo" kham: yu wa shid re" Mangsoo khyen: yu too" bye: zi nghoid.

Roma 11:33

Apyaid' ato: Mangso: da jeju" gi gye gye jo nhung: lha". Mangso: da" nyan phajhi" yo' se' yeig phajhi" gi gye no jo, nhung: nya: dang: phyed' dang: phyed' da" khyoo: ri hang" yo" phoid' kyoo" wa lha". Nya: moozoo" ri hang" se' gyoo: byid: wa lha".

ESAIA 52:13

Aseing tid zigi «Nga" dei zoo: gi nya: moo" ri oung: myug sho' koid loo wa. Nyang: gi gye" myhang: sho' ngi: shab byid: zi shoug" wa.

DANG: ZHOEM 8:12

Ngoo gi phajhi" juyhi: nghoid lho: nheigloem: phajhi" we' ngoo yo. Lasi, phajhi" yo' phug soo" lheug da" dang: phyed khyoo: we' ngoo yo.

COUNG" NGHEI 104:24

Aseing we" nang koem gi ja: khang" moo" ri koid nyid da- nang gi jo, moo: jo, ri phajhi" bo khyo" koid too" nhung: lha". Mougmyid yoosoo" gi nang phain" so: to" da- dei moo: dei joem yo, byeung" jo.

MATHE 11:19

Byu da" nya: zoo: gi zo: shug lho: re" ri we ‹Yu" ge, he: yug gi zo: myo, no su:- zabyidd" shug lid: su: nghoid- Kheing" khyu: zoo: mo, yo' yooboo yoo" mo, da" bidnoem phoo nghoid› ga: doem tid ago". Nghoidsho' loug Mangso da" phajhi"- deung main" khyoo: rigi Hau: phajhi" zei: thu' lo da:- nya: ashi" yo" sagsi: toin" shid' nyid» ga: tid.

Ephesu 1:7

Khasu" wim gari Khristu gi xoin" du: khyo" shid: kham: ziyo' ngoonu" ri loid byoin, loo" nhang: bye- hau: zigi ngoonu" da" youg: noo yooboo ri khyoid pyam byid: wa da" khyoo: nghoid- nyang: ngoonu" ri hid: yhi' agoin ayu: byid: to" da" Mangso jeju" gi khayhi' gyi: sheung: jo, bye: lha". Nya: da" phajhi" juyhi: khyo" we' nheigloem: phajhi" dangain" yo we'.

Ephesu 1:9

Mangsoo gi nyang: myid soin: to" khyoo: ri koid lho: Khristu khyoo" wigi joeb, byeung" loo nhang: wa shid re" myid phyed' too" bye: da" nyang: yhoem" too" zau" to" da" soin' nyheung to" khyoo: ngoonu" ri si' nhang: bye.