Ephesu 1:11 - Lacid Common Language Bible

¹¹ Jo, moo jo, koem gi Mangso da" myid soin nyheung lo" da" khyoo: yo' myid phyed' to" khyo" bue" loo bye- hau: lho: xang: shid" mo myid soin to" da" khyoo: moo ayang: qei" lho: Khristu moo dadeing: daloem: za: nghoid nyid khyo" wigi nyang: myid soin to" khyo" nyangnu" ri nya: da" byumyu" yi bue" loo wa shid mo khyen: nyheung too" bye.

Ephesu 1:11 交叉引用

Roma 8:28

Mangsoo: gi jheddab yoomo Aseing: myid vho: zi yo" dakhyoo" khe: khyen: yu shau" mo ri thoung" shau" zoo: wa da" moo" dangain" mo akyu" bo thu' loo wa shid' re" Aseing gi nyangnu" yo" dage" zei: so' khyoo: ri ngoonu" se'.

1PETERU 1:4

Hougsu" nghoid yoomo ngoonu" gi Mangso byu phung: shid re" Mangsoo nyang: shoung: too" byid: bye: da" agyid asoo: ri yo" kham: zoo: wa ziri nheig byu lang" nyid boem. Mangsoo gi hau: da" agyid asoo: ri nanu" shid re" moug: khung: moug di moo young: too" byid: bye- houg: yoomo hau" agyid asoo: gi abyo, abei ashoem: apyang: lo: da" zi nghoid.

Ephesu 1:14

Hau: da" gyeungshang: venyi gi Mangsoo nya: byumyu" yi ri byid: to" da" dang: soo" khoin" ri ngoonu" shau" kham: yu wa da" pakham: nghoid nyid hau: zigi Mangsoo gi nya: da" byumyu" yi ri joeb byeung" da" loid byoin nhang: da" khyoo:- ngoonu" ri nheig shid: nheig deig nhang: nyid zi nghoid- ngoonu" gi nya: da" myonhoo: phung: yoeb, ri coung" nghei byid: nyid boem shang o".

Ephesu 3:11

Mangsoo gi ngoonu" da" Aseing Yesu Khristu khyo" wigi bain zei: too" bye: da" nya: apyaid atoo: mo soin nyheung to" da" khyoo: yo' dakhyoo" ti"- nyang: gi he: da" khyoo: ri bain zei: bye.

Ephesu 1:5

Hau: khyoo: gi nyang: myid soin: ziyo' vho: ngei khyoo: nghoid.

GALATI 3:18

Khasu" wim gari Mangso da" jeju" agyid asoo: gi hau: toung: to" da" tarha" ri nghe: khau: lho: dayo" yu nghoid rigi hau: jeju" agyid asoo: gi nya: da" dang: soo" khoin" yo' ci: asen: byug loo- nghoid loug Mangsoo gi dang: soo" khoin" yoomo Abraham ri hau: jeju" agyid asoo: byid: abye:.

HEBRE 6:17

Mangsoo gi nyang: myid soin' nyheung lo" da" khyoo: joem ri thed' pyam'- shai" loo" nhang: wa zi anghoid loo: za: dang: soo" khoin" yo' sen: da" agyid asoo: kham: yu mo, ri bang bang toin" shid' nau nyid. Houg: yoomo nya: da" dang: soo" khoin" moo jham, tang: dang: lung: kaid to.

TITU 3:7

Houg su" nghoid nyid da" khyoo: gi ngoonu" gi nya: da" jeju" yo' Mangsoo vho: ngei lho: lheom: kham: yu mo, yo" bue" lo wigi ngoonu" myid byu to" da" apyaid ato: kangso ri yo" shau" myang kham: yu wa shid re" nghoid.

Roma 8:17

Ngoonu" gi Mangso: da" nya: zoo yi nghoid yoomo nya: da" byumyu" shid' re" nyheing to" da" mainkaid jeju joem ri ngoonu" shau" kham: zo: boem wa. Khristu da shid' re" Mangsoo: nyheing to" zi ri we' bo shau" kham: zo: boem wa. Khasu" wim ga: ri ngoonu" gi Khristu yo" dage" yaukhe" kyi" khyeug noo bo kham: nghoid ri - nyang: yo" dage" nya: myo nhoo: phung" yoeb bo shau" vang kham: zoo: wa nghoid.

KOLOSE 1:12

Hau: tho' moo gootu- bidbang da" mungdain khoug: moo bo jo, da" nya: da" gyeungshang: bang: shid re" Mangsoo nyheung soin' to" da" agyid asoo: joem ri nanu" ri shau" kham: zhoung" yu moin: bang: bue" lho:

KOLOSE 3:24

Aseing: gi nya: byumyu" yi shid' re" shoung: to" da" agyid asoo: ri jhung: shug khyo" wigi nanu" ri byid: zi nghoid ziri daboin: so" nyid ge'- khasu" wim ga: ri Khristu koem gi pang" zei: nyid da" Aseing: agyeing" nyang: nghoid bye.

ACTS 26:18

Nang gi nyangnu" da" myojid" ri bang" loo nhang: lho: nyangnu" ri moug: coid' khoug: mo zi bidbang khoug: khyoo: Satan da" yoem: so' khoug: mo wigi Mangso yoem: so' khoug: khyoo: phoug loo nhang: wa nghoid. Hougsu" nyangnu" gi ngoori loem" jeung" lo boem khyo" wigi nyangnu" da" youg: noo yooboo joem ri khyoid pyam byid: zi shau" lho: Mangsoo khyen: yu to" da" mo, phung: moo yo" boo mo, bue" loo goo" wa zi nghoid.

ACTS 20:32

"Akhid" ngoo gi nanu" ri Mangso goin, coung: nyid da" geung: teung mungdang: moo we' - hau: jeju" mungdang: gi nanu" ri yo" gyi: sheung: loo nhang: lho: Mangsoo gi nya: byumyu" dangain" bang ri byid: wa ga: young to" da" - main, kaid' jeju" joem gi nanu" ri byid: wa zi nghoid nyid.

ACTS 2:23

Mangsoo gi nyang: soin: to" ziyo' dakhyoo" ti" Yesu ri nanu" da" lo, moo ab pyam wa shid re" myed phyed' too" su: nyang: nghoid da" lo, moo ab pyam wa shid re" myed phyed' too" su: nyang: nghoid bye. Nanu" gi yooboo yoo" bang: da" lo, yo' Pyang" zeing moo nyang: ri baid' jen" said pyam nhang: khyo" Yesu ri said' pyam boem bye.

ACTS 20:27

Khasu" wim gari ngoo gi Mangsoo: myed young to" Khyoo: dangain" ziri ci" we' ateung too" looza: nanu" ri tid fu" kyoo" byid: bye.

ACTS 4:28

Nyang: nu" gi re" da" yoem: vhoo" yo' nang vho: khyo" myed phyed' ci: gu nghoid da- bue" loo ca da" moozoo" ri koid wa shid mo hougsu" zeung: foem: nyid boem zi nghoid da.

YEREMIA 32:19

Nang gi phajhi" bo da" soin nyheing khyoo: joem ri koid wigi gyi: sheung: da" moo" joem ri koid da:. Nang gi byu yi zei: da" ja: khang" moo" ri myang wigi nang gi nyangnu" lo, moo" joem ri cang wigi nyangnu" ri aphoug" jhungshug byid: da:.

COUNG" NGHEI 37:18

Aseing da" dang: tam" gyo: nyid bang: rigi nyang: nheug khyeug shoo" myen: nyid wigi mungdain: ri nyangnu" apyaid atoo: shoug" seung: ci: boem wa zi nghoid.

1PETERU 3:9

Akhyeung" bang: rigi akhyeung" khyo"-nheung" mo, rigi doem, nheung" khyo" latoo: aphug goo"- hougsu" latoo: phug wa gung khoo: gi main' boo coug: bo da" dang: ri tid byid: nyid ge'- Khasu" wim gari Mangsoo gi nanu" ri khe: yu u ri mainkaid da" jeju" ri shau" kham, zoo: goo" baja" ga- nanu' ri dang: soo' byid: bye.

Roma 11:34

Jhoem: mungdang: gi Hang" gi apyaid' ato: Aseing : myid soin' to" khyoo: ri yo" si wa lha". Hang" su: gi Mangsoo: ri phajhi" yo" byid: wa lha".

ZEKHARIA 6:13

Nyang: gi Aseing da" yhoem: moo" ri zhug loo wa su: nghoid lho: khokham" myonhoo: phung" yoeb yo" wigi mung" byu yiri vhoebkhang" loo wa nghoid. Nyang: gi zhungtang tho' moo zhung: lho: khainjung yo' khokham nghoid wigi hau: moo" eig ja: goin" ri dage" zei: lo wigi myenjham" ziyo' veing" goo" wa nghoid.

YEREMIA 23:18

Ngoo gi «He: Lapi: yi mo dayug we' Aseing zau" to" da" myid yu" khyoo: ri khanham we' ase' nghoid ago". Nyangnu" mo kha: yug we' nya: mungdang: ri agyo: yu"- ase' gyo: yu"- nyang: tid ziri atam" gyo: yu"- goolhoo' za: agyo: yu" nghoid da:.

ESAIA 28:29

He: phajhi" dangain" gi myhang: thang Aseing mo ju" re zi nghoid da:. Mangso wigi soin' to" da" moo" gi phajhi" bo da:. Hau: zigi khanham we' oung: doid nyid ago".

ESAIA 5:19

Nanu" gi ngoonu" hau: ziri shau" myang wa sho' nyang: koid wa ga: tid to" da" moo" ri myab myab Aseing ri koid nhang: boem shang. Nyang: soin" to" da" moo" joem ri Israela da gyeung" shang: Mangsoo ri koid nhang: shang. Nya: myid moo cibo ziri ngoonu" yu" boem shang» ga: tid ago".

TARHA" TID POIN" 4:20

Nghoid loug we' nanu" gi myikhyoem' yhang: ti" da" Egutu mo nyang: khyoid yu da" byumyu" yi nghoid. Akhid" nyid" nanu" nghoid nyid ziyo' dakhyo" nya: byumyu" koid yu wa shid re" nyang: gi nanu" ri shu" thu lo zi nghoid.

DANG: ZHOEM 8:14

Ngoo gi moo" ze" bui" wa da" phajhi" khyau" ziyo' hau: khyoo: ri zei: bue" nyid. Ngoo moo: se' gyo: da" nheigloem bo ziyo' ngoo moo: yoem: so' bo nyid.

YAKU 2:5

Jheddab da" mangnhung" yi we"- tam" gyo: yu" ge'. loem khau: khyoo: moo joeb byeung" mo, byui: wa shid re" Aseing: ri jheddab mo, shid re" gi dang: theung to" mungdain moo yo" vang loo" wa shid mo Aseing: gi moug myid' mo sho" jhen: mo, ri khyen: yu zi nghoid.

Ephesu 1:8

Nya: jhedab nheigloem: khoug: mo no, thang khyoo: ngoonu" ri toin" shid' bye.

YOBA 33:29

Mangsoo gi he: zi dangain" ri pug gi gi doem koid da:.

ESAIA 25:1

Aseing we" nang gi nga" Mangsoo nghoid. Ngoo gi nang ri ngi: shab byid: wigi re" myeing ri coung" byid: wa. Nang gi mau" pho" moo" joem ri koid abye:. Goonham' mo nang soin' to" ziri jhug zug tung" nang koid abye:.

ACTS 13:48

Tungbau byumyu" yi gi he: da" dang: ri shau" gyo: boem lang" gyo: ngei boem ziyo' Mangso mungdang: ri coung" nghei ago". Apyaid' atoo: mo, da" kangso' ri yo" yu wa shid re" khyen: yu zi shau" bye: mo, gu: gi Yesu ri Loem" jeung" lo boem bye.

Roma 8:29

Mangsoo: gi - nyang: khyen yu too" mo, ri nya: zoo: Yesu yhang: ti" bue" loo wa shid' re" nghoid.

Roma 8:30

Houg: yoomo Mangsoo: gi nyang: khyen: thu' too" mo ri khe: yu. Hougsu" khe: yu too" mo nya: shid' khoin" moo deingbyeing" mo agyeing" khyo" kham: yu lho: nya: myonhoo: phung yoeb ri - nyang: yo" dage" yo" bo kham: zoo: wa akhang" byid bye.

Roma 9:11

Houg: yoomo nya: eig yug akhu: loo shi" da" uri - ge da moo" - akhyeing" ashoeb' da moo" ci: akoid' shi" re nyang: -Mangsoo: gi Rebedkha: ri - re" zoo mang: moo" gi nya: nhung" ri shau" zei: zhoo" wa - ga: tid too" bye. Mangsoo: hid: su" ga: tid to" khyoo: gi - Aseing nyang myid to" zi yo" dakhyoo" ti" Mangmoo" ri akhyen: yu looza: nya: nhung" ri khyen: yu da" khyoo: toin" shid' wa shid' re" nghoid.

Ephesu 1:9

Mangsoo gi nyang: myid soin: to" khyoo: ri koid lho: Khristu khyoo" wigi joeb, byeung" loo nhang: wa shid re" myid phyed' too" bye: da" nyang: yhoem" too" zau" to" da" soin' nyheung to" khyoo: ngoonu" ri si' nhang: bye.

Ephesu 1:18

Hau: lho: wigi Aseing: nanu" ri nheig byu khyoo: moo khe: yu too" bye: ziri we' Aseing: gi nya: byumyu" yi ri byid: wa ga: da" mau" pho" jeju" agyid asoo: joem gi -

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.