AMO 1:9 - Lacid Common Language Bible

⁹ Aseing tid zigi «Turu mung" byu yigi pug lho: pug lho: yooboo ri dakoid nyid boem yoomo ngoo gi nyangnu" ri gyeing" nyang: yooboo dam byid: wa. Nyangnu" gi mung" byu yi dangain" ri Edom mung" khyoo: pyoung" she: lo" ago". Houg: lho: nyangnu" koid to" da" myid veung" thang" cab ri we' acang nghoid ago".

AMO 1:9 交叉引用

2 SAMUELA 5:11

Turu khokham Hiram gi phaga: phung: daphung: ri David jhang khyoo: nhang: kaid da:. Nyang: gi khokham kho" zhug wa shid re" shamu seig thi" yo' dage" lo, moo" zi: bang: yi yo' lugxi' bang: ri pang" thoug kaid da:.

MATHE 11:21

«O" Kurazin we"- nang gi joem loo" wa O" Besaida we" nang joem: loo" wa. Khasu" wim ga ri re" eig yug ri toin" shid' da" moozoo" zeing joem ri Turu yo" Sidun eig voo moo toin" shid' nghoid rigi jid: moo" byi: ri gang" ci: lho: nheigloem: bain thid zi gye" myang wam: bye.

AMO 1:11

Aseing tid zigi «Edom mung" byu yigi pug lho: pug lho: yooboo dakoid nyid boem yoomo ngoo gi nyangnu" ri gyeing" gyeing" nyang: yooboo dam byid: wa. Nyangnu" gi nyangnu" da" mang: nhung" Israela yiri khaid zain: lho: nheig khyeug shoo" myen: khyoo: ri atoin" shid nghoid ago". Nyangnu" da" nheig joem: yo: khyoo: gi anoo: atheing: loo: khanham we' nheig atho' shid: loo: nghoid ago".

AMO 1:6

Aseing tid zigi «Gaza voobyu yigi pug lho: pug lho: yooboo dakoid nyid boem yoomo ngoo gi nyangnu" ri gyeing" nyang: yooboo dam byid: wa. Nyangnu" gi byumyu" damyu" goin" ziri shu" thu yu lho: Edom mung" byu yi jhang join khyo" ung" byid: pyam boem ago".

YEREMIA 47:4

Philisti ri phyo' shoin' pyam wa Turu yo' Sidon shid re" deing jo, shi" da" pang" thoug wa khyoo: dangain" ri we' phyed pyam wa ayo, ju" bye:. Ngoo Aseing gi Kreti gyid yam mo re" da" Philisti byu yi dangain" phyo' shoin' pyam wa.

MATHE 11:22

Houg: yoomo nanu" ri ngoo tid zi gi hau: Mangso da" dang: khoo' bidnyid moo Turu yo" Sidun kham: wa da" dam gi nanu" kham: wa dam tho' moo je soem" wa zi nghoid.

LUKA 10:13

O"- Kurazin voo we"- nang joem: loo" wa. O"- Bedsaida voo we"- nang we' joem: loo" wa. Re" eig youg jang" moo toin" shid da" mau" pho" alhoo: again ri Turhu yo" Sidun voo ri toin" shid' nghoid yoo: gi hau: eig yug gi goonham mo jidmoo" mi gang" ci: lho: wigi myiyab cang" moo zhoung: jo, lho: nya: yooboo mo nheigloem: thid' lheung: loo goo" wam: bye.

LUKA 10:14

Turhu yo"Sidun: gi-tarha" dang: kho: da bidnyid moo-nanu" da tho' moogi-khyam" sa yoo" shi" wa zi nghoid.

COUNG" NGHEI 83:7

Gabala byumyu" yi Amon yo' Amaleg byumyu" yi Philisti yi yo' Turu byumyu" yi bo boem ago".

EZEKIEL 28:18

Nang gi hougsu" qei qei oung” oung” koid jang" moo akhyeing" zi koid yoomo re" noku coung" joyoo gi byo, yoin" byug bye:. Hougsu" yoomo ngoo gi hau: voomoo" ri myi: nghe' kaid wigi hau: ziri myidgung khyoo: nghe' khyo' pyam bye:. Nang ri yu" nyid bang: dangain" gi akhid" nang myimoeb bue" ziri shau" myang ago".

OBEDIA 1:11

Gyivoo joem gi nyangnu" da" voogung khoem" moo" duang: joem ri yhe: baid phyo' pyam da" bidnyid moo nang gi ayam moo bo yab jo, abye:. Yerusalem da" ziyoo jonu" joem ri pyoung" thu lo" lho: hau: ziri nyangnu" kho' gam yu go" lo" da" tungbau byu yi yhang: ti" nang gi areing nghoid da:.

ZEKHARIA 9:1

He: zigi Aseing da" pang shug da" mungdang: nghoid. Aseing gi Hadrag yo' Damasku ri dang: phyed wa zi myid phyed too" bye:. Israela byumyu" yi za: anghoid. Suri voomoo" ri we' Aseing seung: nyid zi nghoid.

EZEKIEL 27:1

Aseing ngoo ri tid zigi

EZEKIEL 27:27

Re" da" kid" zi joem dangain" re" da" sangphoo ku" bang: dangain" Re" sangphoo mo lo, moo" zei: bang: yo' re" phaga: byu yi Sangphoo khoug: mo gyizoo: yi yugkhang" moo"- Dangain"- dangain" bang: gi Re" sangphoo byo, yoin" lo" uri panglai: moo byug lo" byug ago".

EZEKIEL 28:1

Aseing gi ngoo ri dang: tid da:.