AMO 1:1 - Lacid Common Language Bible

¹ He: da" mungdang: gi Tekoa voogung mo yang zung" su: Amo da" mungdang: joem nghoid. Yuda mung" moo Uzia khokham bue" lho: Yosha nya: zoo: Yeroboam gi Israela khokham koid nyid uri myid leug aleug shi" da" eig zain moo Mangsoo gi Israela yo' sen: lho: he: khyoo: dangain" ziri Amo ri pang shug bye:.

AMO 1:1 交叉引用

ZEKHARIA 14:5

Nanu" koem gi boem eig gang gyam: lo" da" lang: khoug: khyo" wigi phang: thu loo" goo" wa nghoid. Yuda khokham" Uzia pyaid moo myid leig leig da" uri nanu" phoug" phyid" yi phang: lid lo" yhang: ti" nanu" shau" phang: loid loo" goo" wa. Hau: uri Aseing nga" Mangsoo gi nya: moug: lagyoo: yi yo' dage" ju" loowa nghoid.

AMO 7:14

Amo tid zigi «Ngoo gi phoug" phyid" mo ngei yo' lapi: pi: zo: loo su: anghoid. Ngoo gi gougnyhoug myhu: zoo: su: yo' lafoem' khyam: ri coung: su: danghoid.

YEREMIA 6:1

Benyamin byumyu" yi we"- goem loem khyoo: yo" yu wa shid re" tang" phang: we'. Yerusalem mo phang: loid loo" ge'. Tekoa moo laboo" moid wigi Bed Hakherem moo: myi: moid lho: asoo" byid: ge'. Byo, yoin" ziyo' phyo' shoin' zigi mougzhung: shoid khyo" gyoo" lo nyid abye:.

2 KHOKHAM MHOOMYID: 20:20

Thang: nyid" nab soin: no' mo byumyu" yigi Tekoa nam mo siyoo khyoo: yhe: lo" ago". Nyangnu" to' yhe: lo" nyid boem uri Yehoshaphad gi nyangnu" ri «Yuda yo' Yerusalem byu yi we". Nanu" da" Aseing Mangsoo ri loem khoug: we'. Houg: lang" nanu" gi: geing: teing loo goo" wa. Nya: Lapi: yi wigi nanu" ri tid ziri loem ge'. Nanu" oung: doid loo goo" wa» ga: tid.

2 KHOKHAM MHOOMYID: 11:6

Bedlehem- Etam- Tekoa-

1 KHOKHAM 19:19

Elia thu' lo" ri nu: dagab yo' yoo phug nyid da" Elisha ri yhe: myang. Houg moo nu: gab daxe: dadab gi nya: shidkhoin" moo phug nyid da:. Nyang: gi lo" thang moo nghoid da:. Elia gi nya: adang byisheing: ri khyoid lho: Elisha ri gang" byid: bye:.

2 SAMUELA 14:2

Tekoa voomoo" moo nyid da" nheigbo da" myiyi: myhi' ri khi: nhang: kaid da:. Nyang: ju" lang" Yoab gi nyang: ri «Re" xam: akyo' loo: nheig koug nheig nge da" byimi ri void wigi nheig kug mhau' mhau' we'. Hougsu" wigi ayo, akhyeing: myang" myang" nheig kug nheig nge shau" da" myiyi: nu" dayug koid ci: we'.

YEREMIA 1:1

He: mougsoug" pug gi Benyamin byumyu" yi da" mougmyid mo Anathod voomoo" moo nyid da" Khainjung yi mo dayug nghoid da" Hilkia da" yuggi zoo: Yeremia nhoid khyo" wigi tid to" da" akhyoo" joem nghoid da:.

ESAIA 1:1

He: mougsoug" pug moo Yuda khokham yi nghoid boem da" Uzia- Yotham- Ahaza- Hezekia bang: vhoebkhang" da" ayo, gyoo: moo Amoz da" yuggi zoo: Esaia ri Mangso wigi pang shug da" Yuda mung" yo' Yerusalem voomoo" khyoo: ri tid da" mungdang: joem bo nyid da:.

2 KHOKHAM 14:23

Yosha da" yuggi zoo: Amazia Yuda khokham khyo" vhoeb zi daxe: wim: zain moo Yehoasha da" yuggi zoo: Yeroboam gi Israela khokham bue" lo da:. Nyang: gi Samari moo myid: xe: dazain vhoeb da:.

1Korinthians 1:27

Nghoid loug we' Mangsoo gi zhoo: gyi: koid khyo"- phajhi" lasi, laleig boo bang: ri: sho' thu' nhang: wa shid re" mougmyid mo, akoo" apyoid, mo, ga: soin: too" bang: ri khyen: yu bye. Yoem: moo" boo bang: ri sho' thu' nhang: wa shid re-mougmyid moo: yoem: neing: bang: ga: soin: too" mo, ri khyen: yu bye.

MIKHA 1:1

Yuda khokham Yotham- Ahaza- Hezekia bang: da" ayo, moo Aseing gi Morashed byu Mikha ri he: lu dang: byid: bye:. Aseing gi Mikha ri Samari yo' Yerusalem voomoo" yo' sen da" khyoo: dangain" ri pang shug bye:.

HOSEA 1:1

He: mungdang: gi Yuda mung" mo Uzia- Yotham- Ahaza yo' Hezekia bang: khokham bue" wigi Israela mung" moo Yehosha da" nya: yuggi zoo: Yeroboam khokham bue" da" ayo, gyoo: moo Beri da" nya: yuggi zoo: Hosea ri Aseing wigi byid: da" mungdang: nghoid da:.

2 KHOKHAM 14:21

Hau: thang: Yuda mung" byu yigi daxe: khyug zain za: danghoid shid" da" nya: yuggi zoo: Uzia ri khokham khyo" bidmug zhung" byid: ago".

YEREMIA 7:27

«Houg: yoomo Yeremia we"-nang gi nga" byumyu" yiri he: dang: khoin" dangain" ri tid kyoo" ca" loo wa. Nghoid loug we' nyangnu" gi nang ri tam' gyoo: wa anghoid. Nang gi nyangnu" ri khe: wa nghoid loug nyangnu" tu" wa zi anghoid.

THU' LO" MOUGSOUG" 3:1

Danyid" nyid" ri Moshe gi Midian mung" mo nya: yugphoo' khainjung Yethru da" yang joem yo' coidbaid joem ri zung" lhoug wigi Gyeung" shang: boem ga: da" Sina boem khyoo: gougnyhoug phung: ri shu" lho: dain" pyoid yoo khyo" yhe: loo" bye:.

MATHE 4:18

Akhid" Galile thoem" yam moo so" lo da" uri nya: mang: yo' nya: nhung" tang nghoid da" Petru ga: da" Simon yo' nya: nhung" Andre: eig yug goin du" yen" lang" zi Yesu lo" myang. Khasu" wim gari nya: eig yug gi ngoo: kuang yen" su: eig yug nghoid.

YEREMIA 28:8

Ngoo yo' nanu" shid moo goonham' mo lapi: yigi gyi bue" zi zooyoid zi noo bui" zigi byumyu" yi myoo" sho' yo' yoem: bo da" khokham mungdain: joem moo bue" loo wa lapi: pe: lo ago".