ACTS 9:36 - Lacid Common Language Bible

³⁶ Akhid" Yopa voogung moo Tabitha ga: loem" jeung" da" myiyi: dayug nyid - (Nya: myeing ri Grid" myeing" khyo" - Dorka ga: zi nghoid wigi nya: da" dangkang: gi " Soo" cid" , , ga: zi nghoid) Nyang: gi khanham we' ge da" moo" riza: zei: nyid wigi sho" jhen: bang: ri bo pang" thoug nyid da" myiyi: nghoid.

ACTS 9:36 交叉引用

TITU 3:8

He: da" dang: gi dang: deing khoin" nyang: nghoid bye:- Mangsoo ri loem, khoug: bang: gi byu yug khang" mo" shid mo akyu" bo lho: ge lho da" moo" ri zei: wa shid re" ayo, byid: wa khyoo: ri gooki" lid' ayang: koid lho: jhau" shed nyid wa ziri ngoo vho: ngei nyid.

TITU 2:7

Khyoo: khaid gu: khang" moo" zei: so' lo" da" jang" moo nyang: gung nyang: yu" yu ge, da" khyoo shid: bue" nyid we' Dain: da" nheigloem: yo' abui" atho'- thain" thain: yhoug: gyen: khyo" jhau" poin" khoo" kyeung" nyid we'.

2 KHOKHAM MHOOMYID: 2:16

Lebanon boem mo nang moo ca" da" shamu gam joem dangain" ri ngoonu" thug wa. Hau: joem ri poug zeug lho: panglai: khyo" Yopa ju" sho' myhu" gyoo" loo byid: wa. Houg: mo hau: seig joem ri nang Yerusalem khyoo: ge' she: lo" da» ga: tu" kaid da:.

YAKU 1:27

Phoo Mangso: da" shid khoin" moo gyeungshang: ziyo' gyeung" da" laloem, lakhoug: ein: zigi jam jau jam, khi" shau" nyid da" coug" zoo: yi yo' cougmoo" myhi, ri yu" coung: da" khyoo:- nyang: nya: da" gung du: ri we' moug: myed, da" anyhoin: athoung" da" khyoo:- abo dab, nhang: da" khyoo: nhgoid nyid.

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.

Ephesu 2:10

Ngoonu" gi Mangsoo nyang: myid vho ziyo' dakhyoo" ti"- phain" so: to" zi shau" mo, nghoid nyid wigi Khristu Yesu yo' ngoonu" deung: shoin" to" khyoo: yoomo nyang: gi ngoonu" ri ge da" moozoo" joem shid re" phain" so: too" bye- hau: ge, da" moozoo" joem ri ngoonu" zei: soo, wa shid re" soin' nyheung too" byid: bye.

ACTS 10:31

Koneli we" re" da" akyu" mho' thui: ri Mangsoo shau" gyo: abye:- Re" da" khoug: loem, alu: gam, byid: da" khyoo: ri we' - myang abye:.

EZRA 3:7

Byumyu" yigi lugxi mo, yo' seig lo, moo" koid bang: ri ngei byid: lho: panglai: khyo" wigi Yopa voogung ju" sho' Lebanon boem mo shamu gam ri thug myhu" wa shid re" Sidon yo' Turu byumyu" yiri zoo: shug yo' zhainloin: xu: ri byid: ago". He: khyoo: dangain" gi Persi khosen Kuru da" akhang" khyo" koid bye: zi nghoid.

1 TIMOTHI 5:10

Hau: tho' moo gootu: nyang: gi asam" avoid ge khyoo: moo we' myeing thu nmyid su- nya: myid: nya: zoo: yi ri we' voin: tang: se' shu" jhoug" shu" mho' nyid su- tungbau being" voo, yi ri nya: yhoem: moo goo" lhoo: zoo: kham: yu lho: doo" zhoo" doo" jhug su- Khristain mang: nhung" yi yo' sen: lho: zei: ca" da" khyoo: joem ri khyo, nyhoem: da" myid yo' zei: so' voin vu, si su- yau: khe" jam jau shau" nyid bang: ri-se' pang" thoug su- ge da" moozoo" joem ri voin, vu, xoin" yo" to' su: nghoid ca" nyid.

1THESALONI 4:10

Gyeing" nyang: ga: rigi nanu" gi Makedoni mung" goin" jang" mo Khristain mang nhung" yi dangain" bang: yo' zoem" khau: jang" moo houg: khyo" jheddab go" da" khyoo: ri cang lo" boem bye- houg: yoomo mang nhung yi we"- nanu" da" jheddab nheigloem: je gyi: loo wa shid re" nanu" ri ngoonu" mho' nyid.

PHILIPI 1:11

Nanu" da" kangso' dei khyoo: moo Yesu Khristu za: date: yo" byid: da" ge, da" aved asam" ein: da" ashi" yo' joeb byeung" lo wigi mangsoo da" myonhoo: phung" yoeb, ri coung" nghei tu: to' zi shau" wa nghoid.

YOHAN 15:8

Nanu" gi ashi" myoo" sho' zei loo yoomo Mangso da" myonhoo: phung: yoeb' ri thu' loo nhang. Hid: khyo" nanu" gi nga" cangzoo: yi bue" lo boem.

YOHAN 15:5

Ngoo gi zabyidd" nei yang: nghoid. Nanu" gi akung: ako'' joem nghoid. Ngoo moo xo' wigi ngoo we nanu" yo' xo' to" ri gi na nu" ashi" myo" sho' yo" zei: loo wa khasu" wim gari ngoo yo' gang go" loo" lang" nanu" ci" we' ayo" koid loo.

YONA 1:3

Nghoid loug we' Yona gi Aseing nhang: khyoo: ayhi: loo: za: nya: jang" mo phang: byug da:. Nyang: gi Yopa khyoo: yhe: lo". Houg: mo gukhuang" moo Spain khyoo: gu: loo" wa gyid sangphoo ri yhe: myang. Nyang: gi gukhoo' ri kaid lho: Aseing yo' vi: wa bye: ga: Sangphoo moo" voin mo, yo' dage" Spain khyoo: yhe: loo" wa shid re" sangphoo moo vang lo".

DANG: ZHOEM 5:19

Nyang: gi xaid zeing yhang: ti" young" du nyid wigi ung: nheug gyeing: su: nghoid- nya: da" sam" void, gi nang ri ngei pyoo: nhang: nyid baja" Nyang: gi nya: da" jhed khyeing: kang: khyeing: yo' nang ri lheung khoem too" baja".

YOSHU 19:46

Meyarkon- Rakon yo' Yopa aqei ayam mo mougmyid joem we' bo da:.

KOLOSE 1:10

Hougsu" nghoid lang" gi nanu" gi Mangsoo myid vho: khyo" kangso dei nyid wigi nya: da" vho: ngei khyoo: moo khanham we' nanu" yo" cang zei: loo" wa zi nghoid- houg: lang" nanu" da" kangso dei khyoo: gi ge da" moozoo" ja" khang" moo" moo ashi" zei: lo wigi Mangsoo ri se' lo da" khyoo: moo gyi: sheung: loung: lo boem wa zi nghoid.

SHOLUMON JIKHOIN" 8:14

Nga" jhed we" lobain gam yug da" boem moo xaid zoo: yhang: ti" we' shoocid: loo: yhang: ti" we' nga" jhang khyoo: re" loo we' o".

SHOLUMON JIKHOIN" 3:5

Yerusalem myiyi: myhi' yi we"- Nanu" gi ngoonu" da" jheddab myid ri aphyed pyam wa ein: shoocid: joem yo' xaid joem ri jham' tang: lho: ngoo ri dangsoo" khoin" byid: we'.

SHOLUMON JIKHOIN" 2:9

Nga" jheddab su: gi xaid yam" zoo: yo' du da:. Shoo" cid: loo: yhang: ti" du da:. Nyang: gi vang khyam: yam moo lo yab jo. Nyang: gi bang: zoo: khoem" mo we' xi' yam duang: bang" mo we' jau" yu" kaid da:.

ACTS 9:38

Yopa voogung gi Luda voo yo' atoung" thei" vi: nghoid da- houg: yoomo Yopa voogung mo loem" jeing" bang: gi Luda voo moo Petru ju" nyid ziri shau" gyo: boem wigi nyangnu" gi byu eig yug ri Petru jhang khyoo: nhang: kaid' lho: ngoonu" jhang khyoo: myab, myab, jen" re" lhoo: we' ga: khi: nhang: kaid' ago".

ACTS 9:42

He: ludang: gi Yopa voogung goin" moo byeung" sho' fu" lo" wigi byu myoo" sho' mo, gi Aseing: ri loem" lo boem bye.

ACTS 10:8

Bue" lid loo bye: da" khyoo: dangain" ri nyangnu" ri tid kyo" lho: nyangnu" ri Yopa voogung khyoo: zheung: nhang: kaid.

ACTS 10:23

Houg: lang" Petru gi nyang: ri khe: yu lho: hau: myen, yhoeb wa shid mo nyangnu" ri lhoung: to. Thang: nyid" ri Petru gi to' wigi nyangnu" yo' dage" cang yhe. Yopa voo moo nyid da" loem" jeing" bang: dayham" we' Petru yo' dage" cang yhe: lo" boem.

ACTS 11:5

" Ngoo gi Yopa voogung moo akyu" mho' nyid uri yoeb, myang da ja: ri shau" myang bye. myed: khyau: jang" moo zei: ci: da" mi, join' yo' dei, zi da ja: moug: khung: khyo" yhoin" khyo' kaid' ziri ngoo myang- Hau: zigi nga" nam, moo re" theung: jo.

ACTS 11:13

Koneli gi nya: yhoem: khoug: moo Mouglagyoo: dayug re" yab, jo, ziri myang khyoo: ri we' - Hau: Mouglagyoo: gi Yopa voogung khyoo: byu nhang: kaid' lho: wigi Simun Petru ga: su: ri yhe: khe: shu" loo we' -

MATHE 25:17

Houg: yo' dakhyoo" ti"- sheing: kyab eig khyeing" yoo" su: we' amyaid sheing: kyab eig khyeing" shou" sho: too" bye.