ACTS 27:23 - Lacid Common Language Bible

²³ Khasu" wim gari Ngoo noku nyid da" nga" Aseing: - Mouglagyoo: dayug gi amain' nga" jang" moo ju" re" lho:

ACTS 27:23 交叉引用

ACTS 23:11

Hau: da" myen" ri Mangsoo gi Polu da" anam moo re" yab, jo, wigi agyug- nang gi he: da" Yerusalem Voomoo" moo nga " khyoo: ri sagsi: yo" kham, byid: abye:- houg: yo' dakhyoo" ti" Roma voomoo" moo we' sagsi: kham, byid: ca" shi" wa ga: tid.

HEBRE 1:14

Hougsu" nghoid rigi moug: lagyoo: yi gi hang" nghoid lha". Nyangnu" gi khyoid yu shau" da" agyid asoo: kham: yu bang: ri pang" thoug wa shid mo Mangsoo nhang: kaid' zi shau" da" Mangsoo ri noku nyid Venyi joem nghoid ago".

2 TIMOTHI 4:17

Nghoid loug we' Aseing: gi ngoo yo' dage" nyid nyid yoomo ngoori yoem: lung: byid: nyid wigi ngoo gi tungbau byumyu" yi dangain" bang: shaug" gyoo: sho' hau" ngei bu: lu dang: gi ri joeb joeb, byeung" byeung" yo" tid kyoo" baja"- said' pyam wa ga: dang: phyed' too" bye: jang" mo khyoid yu ziri ngoo shau" kham: yu bye.

ACTS 5:19

Nghoid loug we' hau: da" myen" ri Aseing: da" moug: lagyoo: dayug gi thung: khoem" duang: joem ri phang pyam' byid: boem lho: lagyoo: yi ri nghe: shoid khyoo: shu" thu' lo" wigi

Roma 1:9

Nya: zoo: da" khyoo: ngei bu lu dang: gi ri tid fu" lo" khyo" wigi - ngoo gi Mangso: moozoo" voin vu nyid. Ngoo gi akyu" mho' khang" moo" moo nanu" ri ajang" myed boin nyid da" khyoo: ri Mangsoo: nyang si gu nghoid bye.

ACTS 18:9

Myen" damyen, moo Polu gi yoeb, myang daja: ri myang bye- Hau: yoeb myang mooAseing: gi Polu ri ‹‹Agyug- xo' lho: kho" kyoo" we' Yoem: ashoin: khasu" wim gari ngoo gi nang yo' dage" nyid.

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.

ACTS 8:26

Aseing: da" moug: lagyoo: dayug gi philib, ri too' we' - Yerusalem mo zi gaza: khyoo: ju" yhe: lo" da" khyoo: khyo" moug: thang: shoid khyoo: yhe: loo" we'. (He: da" fu" moo" khyoo: gi dain" pyid' yoo khyoo: nghoid nyid)

DANIELA 6:22

Khangkhyi joem wigi ngoo ri dam ayo" tab sho' nhoid myhid" pyam byid: wa shid re" Mangsoo gi nya: moug: lagyoo: ri nhang: kaid da:. Ngoo gi yooboo ayo" ziyo' aseing khokham nang ri ashoid ziri nyang: si' yoomo nyang: gi hid su" koid thu kaid da» ga: tu" da:.

DANIELA 6:16

Houg: yoomo khokham phoo gi Daniela ri myheig yu wa amyeing" khyo' kaid wigi nyang: khangkhyi byeung" sho' bo da" thung: yhoem: khoug: khyo: she: pyam khyo' kaid ago". Nyang: gi Daniela ri «Nang jhug zug tung" dei byid: da" re" Mangsoo gi nang ri khyoid yu baja" o"» ga: tid da:.

ESAIA 44:21

Aseing tid zigi «Israela we"- he: ziri myid boin: we' nang nga" dei zoo: nghoid ziri myid boin: we' Nga" dei zoobui" wa khyo" ngoo nang ri phain" so: too" bye:. Houglho: ngoo nang ri khanham we' ato" myhid pyam wa.

Pang Shug 22:16

" Ngoo Yesu gi Phung byu yi da" akhoug: moo hid: yhang: te" khyoo: joem ri tid fu" kyoo" wa shid re" nga" moug: lagyoo: ri nhang: kaid. Ngoo gi davi da" akung: mo yhoem: byu nghoid lho: wigi nab, kyo' boo" myhu: we' ngoo nghoid nyid.

TITU 1:1

Mangso join yo, Yesu Khristu da" lagyoo: ngoo Polu gi mougsoug" lhid" kaid. Mangsoo gi nyang: khyen: yu byu yi da" loem" jeung" khyoo: ri pang" thoug byid: wa shid re" we' Yha" da" loem khau: khyoo: moo jhoug" byid: da" deingmain" khyoo: ri shau" se myang sho' khyoo: toin" shid wa shid re" we' ngoori khyen: yu lho: nhang: kaid bye.

2 TIMOTHI 2:24

Hau" Aseing: da" dei zoo: yug koem gi myeing" myoo: yhoo: she: khyoo: age koid loo: za: nyang: gi byu dangain" ri nheig se' khyeug ziyo' nheigloem: sheung; wigi se' jhoug" se' mhoo, byid: da" sara: nghoid ca".

2 TIMOTHI 1:3

Nga" phoug" phyid" yi koid yhang: ti" gyeungshang: da" e" myed yo' ngoo loemkhau: nyid da" Mangsoo ri ngoo coung" byid: nyid ngoo gi nyid" ri myen" ri akyu' mho' da" jang" moo nang ri ajang" daboin: so" nyid ziyo' Mangso jeju" ri boin: coung" nyid.

1Korinthians 6:20

Hau: Aseing gi nanu" ri aphoug" phyed' lho: qei yu too" mo, nghoid- Hougsu" nghoid yoomo- nanu" da" gung doem: yo' Mangso da" myonhoo: phung" yoeb, ri thu ri" nhang: wa shid re" ci: yhoung: nyid ge'.

Roma 6:22

Nghoidloug we' akhid" nanu" gi yoobo da" lo, khoug: mo, loid byoin thu' lo lho: - Mangso: da: join yi bue" lo loem bye. Nanu" yo" yu da" akyu" gi Aseing: da" shid' re" nyang: nya: kangso' dei khyoo: bain" sho' xoin" to' pyam' bye yoomo lo" thang moo gi apyaid' ato: kangso' akyu" yo" yu wa khyoo: nghoid bye.

Roma 1:1

Nya: ngeibu lu dang: gi ri fu" kaid' wa shid' re" lagyoo: gyeing" dayug khyo" Pho Mangsoo: khyen yu nyheing too" su: - Khristu Yesu da" dei zoo: ngoo Polu gi - mougsoug" lhid" kaid'.

ACTS 16:17

Nyang: gi Polu yo' ngoonu" da" thang: moo cang lho: hid: bang: gi myhang: thang da" Mangso dei zoo: yi nghoid ago" - nyangnu" gi ngoonu" khyoid yu da" khyoo: khasu" shau" wa da" khyoo: ri tidfu" yen" mo, nghoid da- ga: wigi nyho: tid nyid.

ACTS 12:23

Herod khokham" gi Mangso myonhoo: ri atu: to' byid: yoomo houg: jang: nyang: Aseung: da" moug: lagyoo: gi nyang: ri yoobo dam kaid' byid: wigi zain' joem wigi zo: said' pyam.

YOHAN 12:26

Ngoo nyid da" jo, yooo moonga" dei zoo: we' yo" nyid wa shigre" Nga" moo" voin, noug su: gi nga" thang: moo cang ca. Nga" moozoo" ri voin, vu, su: hang" nghoid loug ri nga" phoo we' coung" byid: wa zi nghoid.

MALAKHI 3:17

Nyangnu" gi «Nga" byumyu" yi bue" lo boem wa» ga: yoem: moo" bo Aseing tid nyid. Hau: moo" ri zei: lo da" bidnyid mo nyangnu" gi nga" byu yi bue" lo boem wa zi nghoid. Nya: phoo gi nyang: ri bo pang" su: nya: zoo: ri nheig khyeug shoomyen: ziyo' dakhyoo" ti" ngoo we' nyangnu" ri nheig khyeug shoo" myen: wa.

ZEKHARIA 13:9

Deung nyid mo, rigi myi: yo' ngei zi ri kyeung yu yhang: ti" nyangnu" ri ngoo kyeung yu wa. Sheing: ri ca: yu" yhang: ti" nyangnu" ri ngoo ca: yu" wa. Hougsu" wigi nyangnu" ngoo ri mho' yoid uri ngoo nyangnu" ri tu" byid: wa nghoid. Nyangnu" ri ngoo gi nga" mung" byu yi nghoid ein: tid wa. Nyangnu" we' ngoo ri Aseing gi ngoonu" da" Mangsoo nghoid ga: yhen: yu lo boem wa»

DANIELA 6:20

Nyang: houg: khyoo: ju" yhe: ri nyang: gi seing" kho" ziyo' hid: su" ga: khe: kaid da:. «Kangso' dei nyid da" Mangso da" dei zoo: Daniela we"- nang jhug zug tung" dei byid: da" Mangsoo gi nang ri khangkhyi joem mo yo" khyoid yu bye: rhe"» ga: nyho: tid da:.

DANIELA 3:28

Khokham phoo gi «Shadrag- Meshag yo' Abednego da" Mangsoo ri coung" o". Nyang: gi nyang: ri loem khau: lho: dei byid: da" he: byu yiri khyoid yu wa shid re" nya: da" moug: lagyoo: ri nhang: kaid da:. Nyangnu" gi nyangnu" nya: Mangsoo mo lid lho: gootu: yu phara" ri agoeb pid- adei byid: wa ga: nyangnu" nya: kangso' ri ab pyam sho' nga" amyeing" dang: joem ri atam" gyoo: loo ngeug pyam ago".

DANIELA 3:26

Houg: lho: Nebukhadneza gi myikhyoem moo" khoem" duang: khyoo: yhe: lho: Shadrag- Meshag- Abednego we"- Gyi: sheung: myhang: thang Mangso da" dei zoo: lagyoo: yi we"- thu loo ge» ga: nyho: yoid kaid da:. Nyangnu" gi houg jang: nyang: thu lo ago".

DANIELA 3:17

Ngoonu" dei byid: nyid da" Mangsoo gi ngoonu" ri myikhyoem moo" mo we' re" yoem: so' mo we' yo" khyoid yu nghoid ri nyang: khyoid yu wa.

EZEKIEL 36:38

Akhid" byo, yoin" jo, da" voomoo" joem gi goonham' dalheing: Yerusalem moo byeung" sho' nyid uri nghe' ngei" xoin" khyo" shugbyid: to" da" yang joem byeung" jo, ziyo' dayhang: ti" byeung" jo, boem goo" wa. Houg: lang" nyangnu" gi ngoo Aseing nghoid ziri se' loo goo" wa.

YEREMIA 32:38

Houg: lang" nyangnu" gi nga" byumyu" bue" lho: ngoo gi nyangnu" da" Mangsoo nghoid loo wa.

YEREMIA 31:33

Israela byu yi yo' ngoo koid wa da" dang: theing aseig gi hid su" nghoid da:. Nga" tarha" ri nyangnu" khoug: moo kaid byid: wigi hau: ziri nyangnu" nheigloem: khoug: moo lhid" tab too" wa. Ngoo gi nyangnu" Mangsoo bue" wigi nyangnu" gi nga" byumyu" yi bue" loo goo" wa.

ESAIA 44:5

«Byu yi dayug bain dayug ‹Ngoo gi: Aseing da" byu nghoid› ga: tid loo goo" wa. Nyangnu" gi Israela byu yi yo' re" xo' tei" boem wa. Yugkhang" moo" gi nya: lo, moo Aseing myeing asoo" ri tab loo goo” wa. Houg: lho: nyang: nya: gung ri Mangsoo byu dayug ga: myheing yu loo goo" wa» ga: tid.

SHOLUMON JIKHOIN" 6:3

Nga" jheddab su: gi ngoo seung: su: nghoid wigi ngoo ri we' nyang: seung: da:. Nyang: gi nya: gougnyhoug joem ri myioeb yoo moo coung" yhe: zho" nyid da:.

SHOLUMON JIKHOIN" 2:16

Nga" jheddab su: gi ngoo seung: su: nghoid wigi ngoo ri we' nyang: seung: da:. Nyang: gi nya: gougnyhoug joem ri myioeb bain: yoo moo coung" zho" nyid da:.

COUNG" NGHEI 143:12

Ngoo ri: nang jheddab nyid yoomo nga" gyivoo joem ri: said pyam byid: we'. Ngoo gi re" da" deizoo: nghoid nyid yoomo ngoo ri doin: zeig zo: nyid mo, dangain" ri mhoin' pyam, byid: we'.

COUNG" NGHEI 135:4

Nyang: Yaku ri khyen: yu zigi Israela gi Aseing nyang: seung: da" byumyu" bue" loo: wa shid re" nghoid.

COUNG" NGHEI 116:16

Aseing we"- ngoo gi re" da" deizoo: phoo nghoid- nga" myhi' zei: lho: doo" zho" yhang: ti" ngoo nang ri dei byid: wa nghoid. Nang gi ngoo ri shid: lo" jang" mo khyoid yu bye:.

TARHA" TID POIN" 32:9

Nghoid loug we' Yaku da" amyed ashen yiri koem' gi nyang: nya: shid re" khyen: yu da:.

THU' LO" MOUGSOUG" 19:5

Akhid" nanu" nga" dang: tam" gyo: wigi nga" dang: theing ri cang nghoid rigi nanu" gi nga" byumyu" nghoid wa. Mougmyid gyab, goin" gi nga" zi nghoid loug we' nanu" rigi ngoo khyen: to" da" nga" byumyu" yi nghoid wa.