ACTS 20:2 - Lacid Common Language Bible

² Hau: mung" khyo" so" lid: yhe: lo" wigi loem" jeung" da" mung" byu yi ri yoem: byid: lho: mungdang: myoo" sho' tid kyoo" bye- hau: thang: ri nyang: gi Akhaia mung" khyoo: ju" yhe: lo.

ACTS 20:2 交叉引用

1THESALONI 4:1

Lo" thang jang" moo gi-mang nhung yi we"- mangsoo vho: ngei wa shid re" nanu" gi kha: khyo" kangso' dei nyid ca" da" khyoo: ngoonu" jang" mo nanu" jhau" yu abye: go- nanu" gi hau: khyoo: khyo" nyang: kangso dei nyid boem bye- hau: tho' moo je" yo" zei: soo, wa shid re" Yesu Khristu da" myeing khyang" khoug: moo nau" ri ngoonu" mho' tung" pain: joug jhoin" kaid' boem.

1THESALONI 2:3

Ngoonu" gi shoid da" khyoo: yo' asain asen" khyo" khoug: lhung: lhoung: ziyo' yug khang" moo" ri mhoug noug fain" nau myid' yo' nanu" ri tid poin" tid kyeing" nau zi anghoid.

KOLOSE 1:28

Hougsu" nghoid yoomo ngoonu" gi byu yug khang" moo" ri Khristu da" khyoo: ri kho" kyo" boem bye- byu yug khang" moo" ri Khristu moo nheig bo myheung yang" da" Khristain byu yug khang" moo" bue" lo wigi Mangso shid moo yo" vang lo" boem baja"- ngoonu" gi phajhi" byen-ya boo moo boo yo' nyangnu" ri zed" lhid' nhang: khyoo: jhau mhoo, byid: nyid boem.

1THESALONI 2:11

Nya: phoo gi nya: zooyi ri yu" goin, coung: nyid yhang: ti"- nanu" yug khang" moo" ri ngoonu" yu" goin, coung: lid loo bye: khyoo: ri nanu" nyang: se' nyid gu nghoid boem bye.

ACTS 20:11

Polu gi yhoem: dang khyoo: doem, do, lo" lho: zooyho' ri shu" yu phi' zo:. Polu gi myo, myang sho' nyangnu" yo' dang: tid go" nyid. Hau: thang: rigi hau: voogung mo to' loo" bye.

ACTS 17:10

Moug: coid' loo yo' - loem" jeing" bang: gi Polu yo' Sila eig yug ri Beria voogung khyoo: nhang: kaid' ago". Hau: voogung moo zheung: ju" yhi: lang"=nya: eig yug gi Yuda yi da" tarha" jung khyoo: yhe: lo.

ACTS 17:1

Polu yo' Sila eig yug gi Ampipholi yo' Apoloni Voogung ri so" lid, lo" wigi Thesaloni voogung khyoo: ju" yhe: lo" ago". Hau: voogung moo Yuda tarha" jung daloem: jo.

ACTS 16:12

Ngoonu" gi hau: voogung wigi Roma koluni we' nghoid da- Makedoni mung" moo myoo" sho' nyid" yhe: theung: nyid boem.

ACTS 15:41

Houg: su" wi Polu gi - Suri mung" yo' Kiliki mung" khyo" lid: jang: lo" wigi phung byu yi ri loem" jeung" da" nheigloem: lhei, teing byed.

ACTS 14:22

Nya: eig yug gi loem" jeung" loo bang: ri yoem: byid: lho: loem" jeung" da" khyoo: moo- dain: dain: dayab, jo, boem wa shid re we' - nyangnu" ri tid poin" tid kyeing" byid: wigi Ngoonu" gi Mangso mungdain khyoo: vang loo" wa shid re" yau: khe" da" khyoo: myoo" sho' ri yo" lid phyed' loo" ca" - ga: kho" kyo" ago".

ACTS 2:40

Houg: lang" Petru gi gootu: dang: khyoo" myoo" sho' yo' nyangnu" ri tid poin" tid kyeing" byid: zoore- nanu" gi he: akhyeing" ashoeb da" byu yi tho' moo ju" lo nyid da- yoobo dam mo loid byoin loo: ge'- ga: tid poin" da.

ZEKHARIA 9:13

Yuda rigi gyizoo: pho lo, lid: yo' dakhyoo" ti" Israela rigi myoo: khaid joem yo' dakhyoo" ti" ngoo ci: wa nghoid. Ziun rigi shamcoin" yo' akhyoo" ti" ci: lho: Greek byumyu" yiri gyi zain: wa» ga: tid.

LUKA 3:18

Yohan gi gootu: tid poin" tid kyeing" da" dang: khyo" we' nyangnu" ri ngei pyo lu dang: seig ri kho" kyo.

ACTS 20:1

Houg: su" mo, thei" mo, yug lu: fu: go" da" khyoo: joem tam" lo" thang: ri Polu gi loem" jeing" bang: ri khe: zheung" yu lho-yoem: byid: dang: tid. hau: thang: ri nyangnu" ri vhu" too" khare" lho: Makedoni mung" khyoo: yhe: loo" bye.

ACTS 20:3

Hau mung" moo lham" moo" soem" khyab, yhe: theung: nyid Nyang: gi Suri mung" khyoo: yhe: loo" wa ga: doem, soin' nyid uri Yuda byu yi gi nyang: ri said' pyam' wa da" phajhi" gau" khyau" wigi kuang lo nyid da" khyoo: ri nyang: si' lang" Polu gi Makedoni mung" khyoo: doem, tau" phang: loo" wa ga: myed phyed' too" bye.

1Korinthians 4:19

Nghoid loug we' hau: Aseing nhang: kaid nghoid rigi- ngoo nanu" jang" moo: phyed' za: doem yo" ju" ri" wa zi nghoid. Hau: ayo, moo: houg: yhang: ti" phau: khuang nghoid boin: nyid mo, da" nhoid yhoo: yoem: so' ri za: we' anghoid- nyangnu" da" yoem: vhoo" yoem: so' ri we' ngoo shau" phoid: sho: yu wa zi nghoid.