ACTS 1:13 - Lacid Common Language Bible

¹³ Nyangnu" gi voomoo" khoug: moo vang lo" lho: nyangnu" lhoung nyid da" yhoem: tho' pyam: khyoo: do, lo" ago". Nyang: nu" gi Petru Yaku Ander-philib thoma Batholume- Mathe Alphe nya: zoo: Yaku myu" jhed nheugloem: gyi: da" Simun yo' Yaku nya: zoo: Yuda zheung: nghoid ago".

ACTS 1:13 交叉引用

ACTS 20:8

Nyang: nu" zoeb, phoung nyid da" atho' pyam: moo gi myikug joem myoo" sho' ri tab to" ago".

LUKA 22:12

Hau: yug gi «atho' pyam: moo nyheing shoung: to" da" yab zeing: ri toin" shid wa hau: yab moo nyheing ge» ga: tid.

MARKU 14:15

Houg: lang" nyang: gi re" eig yug ri nyheing soin jen" too" bye:-tho' pyam: mo yab moo" dayab ri toin" shid wa nghoid. Hau: yab moo ngoonu" shid re" myen" xoin: yhe: nyheung too" ge"-ga: pyeung: kaid.

MARKU 2:14

Houg: mo nyang doem so" yhe: lo" ri Alphe nya: zoo: Levi gi nya: yung" moo kheung" khyu zung: jo, ziri myang lang" Yesu gi nyang: ri nga" thang: cang shang ga: tid Houg: lang" jang Levi gi to' lho: nya: thang: cang yhe: lo".

YAKU 1:1

Phoo Mangsoo yo' Aseing Yesu Khristu da" dei zoo: nghoid nyid ngoo Yaku gi moug: gyab, goin" jang" moo byo sain" jo, da" Mangso byu yi jhang khyoo: jheddab dang: sang: kaid.

ACTS 12:17

Petru gi nyangnu" ri sam" zoo: nyid boem wa shid re" - lo. tu, tu, wigi Aseing: gi nyang: ri thung: khoug: mo khasu" shu" thu' lo da" khyoo: nyangnu" ri tid kyo. Houg: lang" Petru gi he: khyoo: ri Yaku yo' loem" jeing" bang: gooji yi ri we' - tid kyoo" ge" - ga: tid lho: houg: mo, wigi goo" khyoo: so" lo.

ACTS 2:38

Petru gi nyangnu" ri mang: nhung" yi dangain" bang: we' nheugloem: thid' ge'- nanu" da" yooboo joem ri khyoid pyam byid: zi shau" wa shid re" Yesu khristu da" myeing mo-nanu" yug khang" moo" Babtisma ri kham: yu ge'- houg: lang" Mangso jhung: shug nghoid da- gyeungshang: Venyi we' nanu" shau" kham: yu boem wa zi nghoid.

YUDA 1:1

Phoo, Mangsoo jheddab da" ziyo' Mangsoo khe: yu to" lho: Aseing Yesu lhoug zung" nyid mo, Mangsoo khe: yu shau" mo, dangain" bang: jhang khyoo:- Aseing Yesu da" dei zoo: yo' Yaku da" nya: no, Ngoo Yuda mo wigi-moug soug" lhid" foin: kaid'.

GALATI 2:9

Hougsu" ngoori byid: too" bye: da" jeju" ri zheung: myang da" uri phoung: da" zeing bung: te" vhu" jhung: zheung: nghoid nyid da- Yaku, Petru yo' Yohan gi Mangsoo ngoori byid: to" da" kooki" lid' da" yoovoin ri-lazoem" asoo" so" too" byid: boem bye- Hougsu" nghoid yoomo ngoonu" dangain" bang: gi moo" voin, luxoem" cang" yi nghoid da" khyoo: alhoo: ri thoin" shug khyoo" wigi nyangnu" gi Barnaba yo' ngoori lo, yo lo, khyo" lo, zei: zei: yu boem bye- Ngoonu" gi tungbau byumyu" yi jang" moo moo" voin wigi nyangnu" rigi Yuda byumyu" yi jang" moo moo" voin wa shid re" myid veung" to" boem bye.

GALATI 1:19

Hau: Aseing: da" nya: nhung" Yaku mo lid wigi gootu: lagyoo: yi ri ngoo amyang.

ACTS 15:13

Nyang: nu" bain tid thang: ri Yaku we' Nga" mang: nhung" yi we" - Nga" dang: ri we' tam" gyo: yu" ge'.

ACTS 4:19

Nghoid loug we' Petru yo' Yohan eig yug gi nyangnu" ri doem phoug tid zigi Mangso dang: ri tam" gyoo: wa la". anghoid lang" gi nanu" da" dang: ri tam" gyoo: wa la". Mangso shid' moo kha: loem: jo zigi nanu" nyang: dang: phyed' byid: ge'.

ACTS 4:13

Yuda tarha" yab, do, moo nyid mo, gi-Petru yo' yohan eig youg da" voem" nheigloem: ri zheung: myang boem yoomo nya: eigyug gi phajhi" abo da" yu" maya" byu nghoid ziri se' boem yoomo mau" hang" to" boem ago". Hau: thang: ri nyangnu" gi Petru yo' yohan eig yug gi shid phyang" Yesu da" luzoem" cang" yi nghoid ziri se' boem.

ACTS 2:14

Houglang" Petru gi-lagyoo: daxe: dayug yo' dage" to' yab, jo, lho: wigi-Thui: to' kaid' lho: mung" byu yi ri tid zigi mang: nhung" Yuda byumyu" yi we' Yerusalem voobyu dangain" bang: we-nga" dang: ri tam" gyo: yu" ge-he: khyoo: yo' sen: lho: nanu" ri tid kyoo" ba.

YOHAN 21:2

Simun Petru- Thoma (Galile meing: Kana voo byu) Nathanela- Zebedi da" nya: zoo: yi yo" cangzoo: gootu: eig youg bang: gi dage" nyid boem ago".

YOHAN 18:17

Khoem" zung" da" zooyam myhi, gi nang gi fo: youg da" cangzoo: dayug nghoid da: anghoid la"» ga: myid: ri Petru gi ‹‹ngoo anghoid» ga: tid.

YOHAN 11:16

(Zoo: zoem, ga: myheing yo" da") Thoma gi nya: cangzoo: byen cang" yiri ngoonu" we' Aseing: yo" dage" shid: kham: wa shid' re cang yhe: lo" boem shang ga: tid.

MARKU 14:33

Hau: lho: nyang: gi-Petru Yaku Yohan yo' dage" shu" yhe: lo". Nyang: gi gye" myid myoo: ung: loug yau: khe: shau" nyid.

MARKU 9:2

Hau: thang: khyug nyid" kyo: ri Yesu gi Petru- Yaku yo' Yohan ri nyang yo' dage" boem myhang: daloem khyoo: shu" do, lo". Nyangnu' da" shid khoin" moo nyang:- Yesu gi yoeb bang thed lo" byug.

MARKU 5:37

Houg: lang" Petru Yaku yo' Yaku nya: no, Yohan mo jain" lho: gootu: hang" ri we' nyang yo' dage" acang nhang: nghoid da.

MATHE 9:9

Yesu gi hau: joyoo mo doem so" lo" ri kheing" khyu: yhoem: moo zhoung: jo, da" Mathe ga: su: ri nyang: shau" myang lang" «nga" thang: cang loo we'» ga: nyang: ri tid. Houg: lang" nyang: to' wigi nya: thang: moo cang lo.

2 Yohan 1:1

Phung ludaid' phoo mo wigi deingmain" khyo" ngoo jheddab nyid da" Mangsoo khyen: yu da" myiyi: myhi yo' nya: zooyi jhang khyoo: dang: pyeung: kaid. Nang ri ngoo za: we' anghoid- deungmain" da" khyoo: ri se' ci: bang: dangain"- gyeing" nyang: jheddab nyid boem.

1Korinthians 15:7

Hau: thang: ri Yaku, jang" moo- hau: thang: ri lagyoo: yi dangain" bang: jang" moo- nyang: thu' shug bye.

YOHAN 14:22

(Yuda sakarud anghoid da") Yuda goo" yug gi Aseing: we"- re" da" gung du: ngoonu" rigi: toin" shid' lho: Mougmyid byu yi ri atoin" shid' ga: rigi khasu" se' bui" wa lha"» ga: myid.