2 Yohan 1:12 - Lacid Common Language Bible

¹² Ngoo nanu" ri tid nau da" khyoo; myoo" sho' yo" nghoid loug we' mougsoug" phyu: yo' lhid" cid" ci: lho: anau, lhid" loo. Hau: gung khoo: nyhang" ngei pyo: gau yi da" khyoo:- byeung" sho' yo" yu boem wa shid' re" nanu" jang" moo ju" re" wigi nhoid yhoo: yo' shau" doem, goo" wa ziri-ngoo nheig byu nyid.

2 Yohan 1:12 交叉引用

YOHAN 16:12

Nanu" ri ngoo tid wa zi myoo" sho' boo shi" nghoid loug we' akhid" nanu" yo" kham: yu goo" wa zi anghoid.

YOHAN 15:11

Nga" gau yi da" khyoo: gi nanu" moo jo, jo wigi nanu" da" gau yi zi we' joeb, byeung" loo baja"- ein: ngoo he: khyoo: nanu" ri tid bye.

GYUNG: SOO" 12:8

Houg: yoomo ngoo gi nyang: yo' myonhoo: shu: go" to" lho: bang bang za: dang: tid. Qei" shoem' khyoo: aboo. Nyang: gi nga" gung yoeb rilang" myang bye: su: nghoid. Re" eig tang: gi nga" dei zoo: Moshe ri thougtheung dang: voem" tid go" rhe"» ga: tid da:.

1YOHAN 1:4

Ngoonu" gi nanu" moo gau yi nheig deug: khyoo: joeb, byeung" lo boem baja" ein:- he mougsoug" ri lhid" kaid' boem zi nghoid nyid.

HEBRE 13:19

Mangsoo gi ngoorinanu" jhang khyoo: phyed' doem" ju" ri" nhang: wa shid re" soo" soo" nyang: akyu" mho' goo" baja" - ein: ngoo nanu" ri joug jhoin" lho: mho' kaid' zi nghoid.

Roma 15:24

Akhid" nanu" jang" moo ju" re" wa ein: myid byu to. Ngoo spin: mung" khyoo: gyung: so" lo" da" uri - nanu" jhang khyo" vang jang: wa shid' re" myid soin: to. Nanu" jang" moo daso' re" theing: jang: lho: - Sping: mung" khyoo: gyung: xo' so" loo" wa shid' re" - ngoori pang" thoug kaid' nhang: nau.

YOHAN 17:13

Akhid" gi ngoo Re" jhang khyoo doem loo loo: wa nghoid. Houg: bang: gi=ngoo gau yi te" da" gau yi khyoo:- byeung" byeung" yo" yu boem wa shid' re" He: mougmyid moo nyid shi" uri he: da" dang: ri ngoo tid.

YOHAN 16:24

Akhid" ju" sho' nanu" gi nga" da" myeing ri lang lho: daja" we' amho, atid yu" boem shi". Nanu" da" ngei pyo: da" khyoo: byeung" byeung" yo" yu wa shid' re" Akyu" mho' nyid ge'. Nanu" mho' ziyo' dakhyoo" ti"- yo" yu boem wa zi nghoid.

HEBRE 13:23

Ngoo nu" da' mang: nhung" phoo Timothi gi thung: yhoem: mo loid, thu lo da" khyoo:- nanu" ri si nhang: nau. Nyang: gi nga" jhang khyoo: ayo, myhi: ju" re" nghoid rigi nanu" yo" we' shau" goo" wa shid' mo ngoo ju" re " uri nyang: ri ngoo yo' dage" bo shu" ri" wa.

PHILIMON 1:22

Hau: tho' moo je" wigi nga" shid re" joyoo daloem: ri bo nyheung too" byid: we'. Khasu" wim ga: ri Mangsoo gi nanu" dangain" mo, da" akyu" mho' da" dang: ri tam" gyoo: byid: wigi nanu" jhang khyoo; ngoori doem yo" ju" ri" nhang: wa ziri ngoo nheig byu nyid.

2 TIMOTHI 1:4

Re" da" ngoug byid' joem ri ngoo daboin: nyid wigi ngoo moo hau: gau, yi khyoo: byeung loo baja"- nang yo' shau" goo" wa shid mo, nheig gye" nge nyid.

YOHAN 3:29

Lo, xo myhi, seig ri yo" seing: ci: su: gi loxo' phoo seig nghoid. Phooseig da" byen cang" phoo gi nya: nam, moo yab nyid lho: phoo seig da" thui: ri tam" gyo: nyid su: gi phoo seig da" thui: ri shaug" gyoo: lang" gau yi ngei pyoo: zi nghoid. Ngoo we' houg: su" joeb joeb byeung" byeung" gau yi ngei pyo: nyid bye.

3 Yohan 1:10

Ngoonyang: ju" ri lang" she' nyang: zei: shoid lo" khyoo: ri tid thu' kyoo" byid: wa zi nghoid. Nyang: gi ngoonu" ri gye" akhyeung" da" dang: yo' mhau' da" dang: ri tid nyid hau: gu: za: we' nya: shid re" agi" boin: shi" yoomo Khristain mang nhung" yi zheung: ju" re" uri nyangnu" ri alheom: tau, yu tho' moo agoo"- nyangnu" ri loem: kham: yu noug bang: ri we' nyang: toem, pyam' lho: phung mo khaid thu' pyam nyid.