2 Yohan 1:10 - Lacid Common Language Bible

¹⁰ Byu dayug yug gi nanu" jang" moo ju" re" lho: hau: jhau" mho' da" khyoo: ri aci: nghoid rigi hau: yug ri nanu" da" yhoem; moo avang nhang" goo"- nyang: ri ngei pyo: nyid baja",, ein: lang" atid' goo".

2 Yohan 1:10 交叉引用

TITU 3:10

Byo, gang: go" lo" khyoo: ze" bue" kaid' su: rigi atham: thang eig lheing: koo: tid poin" tid kyeung" thang: ri nyang: yo' tei" goo" xo' go" khyoo: ci" we' ayhe: koid loo.

2 THESALONI 3:6

Mang nhung" yi we"- nei" zoore" kangso' dei nyid bang: dangain" yo' we' ngoonu" jhoug" byid: khyoo: ri acang lo" bang: yo" we' azoem" goo" loo- gootu: sain' sain' koid nyid wa shid re" we' Khristu da" myeing khyang" kyo" nanu" ri ngoonu' tid poin" kaid'.

2 THESALONI 3:14

He: d a" mougsoug" moo nanu" jhang khyoo:- ngoonu" lhid" foin: kaid' da" mungdang: ri atam" gyo: d" byu dayug yug nyid nghoid rigi nyang: ri xoem" to" lho: nyang: sho' thu' byug baja"- nyang: yo' azoem" goo" loo: goo.

1Korinthians 5:11

Akhid" ngoo tid nau khyoo: gi nya: gungdu: ri Khristain byu nghoid ga: lho: wigi- youg: shoo: go" khyoo: moo: cang- myo, no, vho: bo phara" soolhoo: ri bo no"- sube" gei sang: shang pyang: lho: yhid: ya: vang ziyo' khau" yen" bang: yo' azoem" khoug: goo" ein: zi nghoid. Houg: yhang: te" su: yo' dage" zhoung: lho: voem: we' ashoin" zoo: goo.

2 Yohan 1:11

Khasu' wimgari houg; su" being" lhoem: si' su hang" nghoid loug nyang: koid da" age khyoo: moo bo vang loem' su: nghoid nyid.

1Korinthians 16:22

Byu dayug yug gi hau: Aseing ri ajheddab nghoid rigi- nyang: moo: nheing" khoin" zang" jo, baja"- ngoonu" da" Aseing we" myab, gyoo" ri" we'.

COUNG" NGHEI 129:8

Aseing gi nanu" ri mainkaid byid: nyid baja". Aseing da" myeing: khyang" yo' ngoonu" gi nanu" ri mainkaid byid: ga: wigi so" lid: loo" mo, hang we' tid wa zi anghoid.

APOEM AYANG: 24:12

Nyang: gi «Nga" yhoem: seing: Abraham da" Aseing Mangsoo we"- nga" yhoem: seing: ri byid: to" da" re" dangsoo" ri boin: soo" byid: lho: akhanyid" ngoo ri oung: doid khyoo: byid: we' o".

1 KHOKHAM 13:16

Nghoid loug we' Yuda mung" mo lapi: doem phug tid zigi «Ngoo nang yo' dage" yhoem: khyoo: ayo" cang loo- nang doo" byid: ziri we' ngoo ayo" khab yu. Ngoo hid: moo nang yo' dage" zoo: noem shug phoo" ciri we' ayo" zoo: ayo" shug.

ACTS 15:23

Hougsu" lhid" foin: kaid da" mougsoug" moo Ngoonu" da" mang: nhung" yi nghoid da- ngoonu" lagyoo: yi yo' phung ludaid yi gi Antioki voogung yo' Suri mung" kilik mung" moo zheung: nyid da- tungbau byumyu" mang: nhung" yi ri vhu" kaid.

3 Yohan 1:10

Ngoonyang: ju" ri lang" she' nyang: zei: shoid lo" khyoo: ri tid thu' kyoo" byid: wa zi nghoid. Nyang: gi ngoonu" ri gye" akhyeung" da" dang: yo' mhau' da" dang: ri tid nyid hau: gu: za: we' nya: shid re" agi" boin: shi" yoomo Khristain mang nhung" yi zheung: ju" re" uri nyangnu" ri alheom: tau, yu tho' moo agoo"- nyangnu" ri loem: kham: yu noug bang: ri we' nyang: toem, pyam' lho: phung mo khaid thu' pyam nyid.