1 TIMOTHI 6:20 - Lacid Common Language Bible

²⁰ Timothi we"- nang ri ab, byid: to" da" aya: ri goolhoo: za: zoem: shoung: too" we'. Aco' ajhoid da" khoin" co, loeb, khyoo: ri we' phajhi" dang: nghoid ga:. byu jha" bang: tid shoid' myid da" akoo" afang: ga: ngeig goo" yang: go" dang: ri we' jang" pyam' nyid we'.

1 TIMOTHI 6:20 交叉引用

KOLOSE 2:8

Khristu da" akhyoo" shed' to" ziyo' dakhyoo" ti"- anghoid loo: za: byu xangsu: yi da" akhyoo" shid' khyoo: mo thu' da" jhau" shed' dang: joem yo' dei moo dei nyid moo nyid ri vhoeb khang" da" yu join: joem jang" mo thu' lo da" jhau" shed' dang: nghoid da" ce" akyu" we' abo mhau' fain" da" xangsu: phajhi" yo' hang" wigi we' nanu" ri join, akoid nhang: pyam' goo"-zed" lhid" nyid ge'.

2 TIMOTHI 2:16

Mangsoo yo' gang: go" loo" nhang: da" avoid avhu: anyhoin: athoung" moozoo" koid ziyo' akoo" afang: ga: tid da" dang: ri jang" pyam' nyid we'.

KOLOSE 2:18

Ladu lid' sho' shoid vhang: da" khyoo:- nyang: tu: nya: da" gung du: ri khyo, nyhoem: pyam' wa ziyo' moug: lagyoo: yi ri no" ca" ga: goozu: xen, da" yoeb, myang yo" we' shoid vhang: da" khyo, nyhoem: khyoo: moo nyhen" zei: nyid bang: yo' moug: lagyoo: yi ri noku da" khyo" we' nyang: nya: gung du: ri dangain" tho' moo je" nghoid thang su: ga: khyo" tid phau: nyid mo, -hang" su: wigi we' nanu' ri yoobo dang: phyed' wa da" akhang" abyid: goo"- Houg: yhang: te" da" byu yi gi ce: sei abo da" xang: su: myid soin: khyo" nyang: nya: gung ri tid phau: yu lho.

Roma 3:2

Akyu" gi shoid' khang" moo" bo. Xang: shid" mo yuda byumyu" yigi Mangso: da" mungdang: ri loem" khou boem.

1 TIMOTHI 6:14

Nang gi nang ri amyeing" byid: to" da" khyoo: ri tam" gyo: wigi Khristu doem, thu myang loo wa da" ayo, bidnyid ju" sho' kyed, kyed za: cang pyeung nyid we'.

2 THESALONI 2:15

Houg: su" nghoid yoomo mang nhung" yi we"- ngoonu" da" kho" kyo" mungdang: khyo" we' nanu" ri ngoonu" jhoug" byid: bye: da" hau: deingmain" da" khyoo; moo geing: geing: teing teing theung shang" yab, jo, lho: pu" lhang" too" be.

TITU 3:9

Nghoid loug we' ce: akyu" abo da" akoo" afang: ga: myed: da" ngeug se: dang: myid: joem- thang ase da" byuxeig shab khyoo: myeing" myoo: yhoo: she: khyoo: yo" tarha" joem ri jang" pyam we'.Khasu" wim garihau: da" khyoo: joem gi akyu" abo ziyo' akoem: za: danghoid nyid.

2 TIMOTHI 2:1

Nga" zoo: we"- yha" da" Aseing: Khristu Yesu moo dadeing: daloem: za: bue" lho: wigi kangso' dei khyoo: mo yo" yu da" jeju" moo yoem: bo nyid we'.

1 TIMOTHI 1:11

Hau: jhau" mho' da" khyoo: gi myonhoo: phung" yoeb, bo lho: wigi ngi lho, da" Mangso jang" mo, ngei bu: lu dang: yo' dakhyoo" ti" nghoid- hau" ngei bu: dang: ri tid fu" wa shid mo Mangsoo gi ngoori ab, byid: too' bye.

2 THESALONI 1:4

Hougsu" nghoid yoomo ngoonu" nyang: nanu" da" khyoo: ri Mangso da" phung yi moo gau yi phau: khuang zoo" re" tid fu" kyo" yen" boem- ngoonu" gi nanu" xo' lho: wigi thoung" shau" zo: nyid da" shen" yhen ziyo' kyi: khyeug da" khyoo: ri tid gau, phau: khuang yen" boem.

TITU 1:14

Yuda yi da" pyeing: dang: mhoo: myid: joem ri we' zei: zeung nghe: khau: khyoo: akoid' loo: wa ziyo' deingmain" khyoo: ri aloem: da" byu yi jang" mo thu' lo da" pyeung: to" dang: soo" khoin" joem ri loem" jeung" nghe: khoug: mo, jhoug" byid: ca" bye.

TITU 1:9

Nyang: gi phung: mo jhoug" myeing" jhoug" thui: ri yo' myid coem, veung" da" loem, gi su:- hau: mungdang ri geing: geing: zei: ci: su: nghoid ca" nyid. Houg lang" nyang: gi hau: deingmain" da" jhau" mho' khyoo: yo' byu yi ri yoem: byid: yo" lang: zheung" yu- hau: mungdang yo' azhung" to" da" ngeug se: juang" yi mo, da" shoid vhang: lo" da" khyoo: ri yo" toin" shid' wa zi nghoid.

1 TIMOTHI 6:11

Nang koem gi Mangso da" byu phoo we"- he: khyoo: dangain" ziri yoem: kaid' nyid we'. Deing byeung" khyoo:- tarha" phau" cang khyoo:- loem" jeung" khyoo: jheddab khyoo: moo yoem: kaid' lho: thoug shang" ziyo' nu" nham, da" nheigloem: yo" yu sho' yoem: kaid' nyid we'.

1 TIMOTHI 4:7

Nghoid loug we' Mangsoo yo' asen: khyo" tid wa zigi ce" akyu" we' aboo. mhoo: myid: byuxeig shab, khyoo: ri jang" pyam lho: nyhang" nya: da" kangso' dei yhe: lo" khyoo: moo tarha" phau" cang da" khyoo: ri gyi: sheung: yang" deung loo" nhang: we'.

1 TIMOTHI 1:6

Byu yi dayham" bang: gi hau: da" khyoo: joem mo-vhang: lo" boem wigi akoo" apyoid, ga: ngeug byo, go" khyoo: moo nyangnu" da" myid soin' khyoo: ri ci: phyoug pyam boem abye: go.

1 TIMOTHI 1:4

Gyeing" nyang: bue" yu" bye: da" mhoo: myid: shendam joem- phoug" phyid" yi da" byuxeig shab, da" khyoo: ri to" no: pyam boem wa shid re" nyangnu" ri tid poin" we'. Hau: khyoo: joem gi myeing" myoo: yhoo: she:- byo, goo" ngeig go" da" khyoo" riza: dabue" thu' loo nhang: nyid wigi loem" jeung" khyoo: khyo" za: dayo" se' da" Mangsoo nyheung soin' da" khyoo: ri ayo" bui" nhang: nghoid nyid da.

1Korinthians 3:19

Khasu" wim gari- he: moug: myid tho' moo- phajhi" bo, da" ga: jho: nyid khyoo: gi Mangso shid moo: ce" akhyoo" abo, da" khyoo: za: nghoid nyid. Hau: jhoem: mungdang: moo: tid to" ziyo' dakhyoo ti" Mangsoo gi ung: yeig phajhi" boo mo, ri- nyangnu" da" phajhi" moo: myi" ye" jo, nhang- ga: wigi: tid to.

ACTS 17:21

(Khasu" wim gari Athen voobyu yi yo' houg: moo zeung: nyid da" tungbau byumyu" yi gi lo" thang da" ludang: aseig khyoo: ri tid kyo" gyo: yu khyo" nyangnu" da" ayo, joem bain sho' ri lhai: kaid' nyid boem ago".

ACTS 17:18

Epikuri yo: Ati- yi nheigloem: phajhi" sara: yi dayham" we' polu yo' gye" tid ngeig go" nyid boem. Nyang: nu" mo dayham" gi He: ci: ase' da" koopyoid' khyoid' gi ce" noem, ri tid nau nyid lha"» ga: tid boem lho: gootu: dayham" bang: gi goo tu: byumyu" yi da" phara" khyoo: tid nyid sam" ga: tid go" nyid boem. Nyang: nu" hidsu" tid nyid boem zigi Yesu Khyoo: yo' nyang: doem dei to'' lo da" khyoo: ri Polu kho" kyo" nyid yoomo nghoid.

Pang Shug 3:3

Houg: yoomo nang jhau" kham: yu bye: ziyo' shau" gyo: kham: yu bye: da" khyoo: joem ri doem myed boin: lho: houg: moo cang zei: loo" we'. Re" yooboo mo nheigloem: thed' loo we' nang alhid' nyid nghoid rigi khoug" su: yhang: ti" ngoo re" jang" moo ri" wa. Ngoo ju" ri" wa da" ayo, ri lang" nang se' wa zi anghoid.

TITU 1:4

Loem" jeung" khug: moo nga" zoo: gyeing" nyang: nghoid nyid da" Titu jhang khyoo: ngoo he: mougsoug" ri lhid" foin: kaid. Phoo, Mangsoo yo' ngoonu" da" khyoid yu Aseing Yesu Khristu gi nang ri jeju" yo' ngei pyo: khyoo: byid: nyid baja o".

1Korinthians 2:6

Nghoid loug we' ngoo gi Venyi: moo: nheig boo ung: gyeing: bye: bang: rigi- phajhi" mungdang: yo' tid kyo". Nghoid loug we' hau: zigi: he: moug: myid yo' sen: da" phajhi" anghoid. Moug: myid tho' mo zau: ludaid' yi da" lasi, laleig gi bei: lo" koung" nyid bye.

Roma 1:22

Nyanu" tid zi gi - nyang: nya: da" gung ri - phajhi" bo ga: myid boem: nghoid loug we' - ce: phajhi" we' abo mo nghoid boem.

ACTS 16:1

Polu gi Debe yo' Lustra voogung khyoo: yhe: lo- Lustra voogung moo Timothi ga: da" Khristain phung byu dayug nyid nyid. Nya: myhi' gi Yuda Byumyu" Khristain nghoid wigi Grid" byumyu" nghoid.

1 TIMOTHI 1:2

Hau: da" loem" jeung" khyoo: moo nga" da" zoogyeing" nyang: nghoid da" Timothi jhang khyoo: mougsoug" lhid" foin: kaid. Phoo Mangsoo yo' ngoonu" da" aseing: Yesu Khristu jang" mo jeju" yo' nheig khyeug nheigloem: mo, ngei pyo: khyoo: gi man' shau" kham: yu baja" o".

1 TIMOTHI 1:9

Gyeing" nyang: ein: rigi ngoonu" se' gyo: too" ca" da" khyoo: gi hau: toung: to" da" tarha" gi byugi yi shid re" anghoid. Tarha" ri shoid nyid mo, yo' yooboo yoo" bang:- Mangsoo ayoo" mo, yo' yooboo dab, bang:- loem, khau: da" noku thung ri acang bang:- loem" jeung" khyoo:- hougsu" anghoid lang" gi Venyi khyoo: moo nheigloem: aboo mo, nyang: nya: myhi' phoo yi ri said' pyam' bang: yo' byu ri said' mo,