1 SAMUELA 2:2 - Lacid Common Language Bible

² Aseing yhang: te" gyeung" shang: zigi hang" we' anyid loo. Nyang: yhang: te" zi hang" anyid- ngoonu" da" Mangsoo yhang: ti" yo" goem loem byid: su: hang" we' anyid.

1 SAMUELA 2:2 交叉引用

2 SAMUELA 22:32

Aseing kyeing" za: Mangsoo nghoid- Mangsoo kyeing" za: ngoonu" da" gyidab nghoid.

ESAIA 44:6

Israela ri vhoebkhang" wigi goem loem byid: da" Aseing myhang: thang Aseing tid zigi «Ngoo gi xang: shi" su: yo' lo" thang mo su: dayug kyeing" da" Mangsoo- ngoo mo lid wigi yu phara" gootu: anyid.

COUNG" NGHEI 86:8

Aseing we" nang yo' du da" Mangsoo gootu: dayug we' anyid loo- nang koid too" bye: moo" zoo" te" zi hang" we' ayo" koid.

COUNG" NGHEI 89:8

Gyi: myhang: thang da" Aseing Mangsoo we"- nang yhang: ti" yoem zeing so, moo" boo su- hang" we' anyid nyid loo. Aseing we"- nang gi khyoo: khaid gu: khang" moo" moo dang: zung" su: nghoid nyid.

THU' LO" MOUGSOUG" 15:11

Aseing we"- yu phara joem moo nang yo' du zi hang" nyid wa lha". Gyeung" shang: jang" moo mau" pho" da" nang gi hang" yo' du wa lha". Re" da" mau" pho" moo" zoo" yo' gyi: sheung: moo" zoo" ri nang yo' dakhyo" hang" yo" koid wa lha".

1PETERU 1:16

Khasu" wim ga: ri ngoo gyeungshang: nyid yhang: ti"- nanu' we' gyeungshang: nyid ge' ga: jhoem: mungdang: moo lhid" to".

YEREMIA 10:6

Aseing we"- nang yo' du zi hang" anyid nghoid da:. Nang gi myhang: thang su: nghoid. Houg: lho: re" myeing gi gyi: sheung: wigi yoem: so' bo da:.

ESAIA 57:15

«Ngoo gi myhang: wigi apyaid atoo: moo dei nyid da" gyeung" shang: Mangsoo nghoid. Ngoo gi myhang: da" joyoo yo' gyeung" shang: da" joyoo moo nyid su: nghoid. Nghoid loug we nyangnu" myid loem ziyo' myid byu ziri ngoo yo" doem nyeing kaid byid: wa shid re" nheigloem: nyhoem: khyo' wigi myid thid da" byu yi yo' we' dage" nyid da:.

TARHA" TID POIN" 3:24

‹Yoem: moo" bo da" Aseing we"- nang gi gyi: sheung: da" apoem: ayang: yo' nang koid wa da" mau" pho" moo" zoo" ri za: ngoo ri ci: shug ziri ngoo si' bye:. Nang koid da" myhang: thang moo" zoo" joem ri yo" koid da" yu phara" mougkhung: yo' myidjang dang mo anyid nghoid da:.

XOIN" NGEI" 19:2

Israela shava byu yiri tid wa shid re" «Gyeung" shang: nyid ge'. Ciwim gari: ngoo nanu" Aseing Mangsoo gi gyeung" shang: nyid.

Roma 15:4

Jhoem: mungdang: moo lhid" to" da" khyoo dangain" gi - kham' zeing: yoem: vhoo" yo' nheugloem: geing: teing khyo" nyang: nya: nheig byu loem" jeung" khyoo: ri yo" yu wa shid' re" - ngoonu" ri jhau" mho' tid kyeing" to" da" mungdang: nghoid.

ESAIA 44:8

Nga" byumyu" yi we"- agyug goo". Goonham' gooco' mo zi akhanyid" da" ayo, ju" sho' moo hau: gu: dangain" bue" ri” wa khyoo: ri ngoo lapi: pe: to" ziri hang" se' da:. Houg: lho: nang gi nga" sagse: nghoid da:. Mangsoo gooyug nyid la". Ngoo khanham we ashau" gyo: yu" da" yoem: so' bo da" Mangsoo gootu: nyid la"

ESAIA 40:18

Mangsoo ri hang" yo' yo" tu' wa la". nyang: khate" su: nghoid ziri nang khasu" yo" toin" shid wa la".

ESAIA 6:3

Nyangnu" nyang: cang" «Gyeung" shang:- gyeung" shang:- gyeung" shang:- myhang: thang Aseing gi gyeung" shang: nya: phung" yoeb gi mougmyid tho' moo byeung" jo,» ga: tid nyid boem ago".

COUNG" NGHEI 111:9

Nyang: gi nya: da" byumyu" ri lhoid pyoin kaid lho: nyangnu" yo' apyaid atoo: mo dang: theing thang" cab, ri koid too" bye:. Nyang: gi gyeung" shang: nyid ziyo' athang agoin yoem: moo" boo su: nghoid nyid.

COUNG" NGHEI 99:5

Ngoonu" da" Mangsoo ri coung" nghei ge'- nya: da" zhungtang shidkhoin" moo noku nyid ge'- Nya: gi: gyeung" shang: nyid su: nghoid.

COUNG" NGHEI 89:6

Aseing we" moug khung tho' moo: we' nang yo' du zi hang" anyid loo. Moug khoung: zoo: yi hang" we' nang yo' yo" du goo" wa zi anghoid.

TARHA" TID POIN" 32:39

«Ngoo- ngoo nyang: kyeing" za: Mangsoo nghoid. Gootu: yu phara" gi Mangsoo anghoid. Ngoo gi said pyam wigi ngoo gi kangso' byid: su: nghoid. Ngoo gi dam tab byid: ziyo' dam ri gi nhang: nyid. Ngoo koid ziri hang" we' ayo" ngeug thug pyam wa.

TARHA" TID POIN" 32:4

Aseing gi nanu" da" myhang: thang da" goem loem yu su: nghoid. Nyang: gi khyoo: khaid khang" moo" mo joeb byeung" ziyo' tarha" nyeung veung" da:. Nanu" Mangsoo gi jhug zug ziyo' deingmain" da:. Nyang: gi jo ziyo' tarha" ziri koid da:.

COUNG" NGHEI 99:9

Ngoonu" da" Mangsoo Aseing ri coung" nghei byid: ge'- nya: da" younglho' boug tho' moo: noku ge'- ngoonu" da" Mangsoo Aseing gyeung" shang: su: nghoid.

COUNG" NGHEI 73:25

Mougkhung: moug: di moo nang mo lid lho: ngoo gootu: ciyo" lha". Ngoo gi nang ri bain yo" too" bye:- mougmyid tho' moo: ngoo civhoo: shi wa lha".

COUNG" NGHEI 71:19

Mangsoo we"- re" da" deingmain" da" khyoo: gi mougkhung: joem moo: myhi: jo. Nang gi gye" gyi: da" moo" zoo" joem ri zei: bye:. Nang yo' du su: gooyug dayug we' anyid loo.

COUNG" NGHEI 71:3

Nga" da" gau: nyu: nghe: khoug: joyoo yo' ngoo ri goem loem byid: wa da" gyidab, nghoid. Yoem bo da" nang gi nga" khoug: loo lug ug yo' theung shang" joyoo nghoid.

COUNG" NGHEI 18:2

Aseing gi nga" goem coung: lhoug zung" su- nyang: gi ngoo loem ge" geung: da" gyidab, nghoid. Nga" da" Mangsoo gi ngoo ri lhoug zung" goem coung: khyoo: yoomo nyang: moo: ngoo myen tab, gau: nyu: nyid. Nyang: gi goo, yhang: ti" ngoo ri gooloo goem byid: nyid. Nyang: gi nga" gyivoo joem ri ve, pyam byid: lho: ngoo ri goug: nyu: tung" nyid nhang: to".

TARHA" TID POIN" 32:20

Nyang: gi ‹Ngoo gi nyangnu" ri apang" loo wa. Houg: lang" hau: nheigloem: thain: wigi jhug azug da" byumyu" yi moo cibue" re" ziri ngoo yo" yu" wa› ga: tid.

TARHA" TID POIN" 4:35

Nyang: dayug kyeing" Mangsoo nghoid lho: gootu: hang" anyid loo: nghoid ziri nanu" ri sagse: ci: shug wa shid re" Aseing gi he: ziri nanu" ri ci: shug bye: zi nghoid.

Roma 4:8

Nya: yooboo ri Aseing wigi alhid" xoem" too" sugi ngi lho' ga wigi tid to".

2 SAMUELA 7:22

Myhang: thang Aseing we"- nang gi khayhi' gyi: sheung: nyid lha". Nang yo' du zi hang" we' anyid nghoid da:. Nang nyang: kyeing" Mangsoo nghoid ziri ngoonu" khanham we' se' nyid zi nghoid.

2 SAMUELA 22:3

Nga" Mangsoo gi ngoo khoug: nghi: jang: nghoid. Nyang: yo' dage" ngoo goem loem nyid. Nyang: gi ngoo ri goo yhang: ti" goo byid: Nyang: gi ngoo ri lhoug zung" ziyo' goem loem nyid nhang: da:. Nyang: gi ngoo ri khyoid yu su: nghoid. Nyang: gi ngoo ri pyi: joem: sho: khaid said jang" mo lhoug zung" ziyo' goem loem byid: su: nghoid.

1 KHOKHAM 8:23

ziyo' akyu" mho' zigi «Israela Aseing Mangsoo we"- mougkhung: tho' moo we' myidjang vhoo: moo we' nang yo' du da" yu phara" gootu: anyid loo: nhung. Nang gi re" byumyu" yi yo' koid to" da" dang: theing ri pyeing byid: wigi nang ri myid nheigloem: dangain" ziyo' tam" gyo: cang yhe: nyid bang: ri re" jheddab myid ri ci: shug nyid da:.

COUNG" NGHEI 18:31

Aseing kyeing" za: Mangsoo nghoid Mangsoo kyeing" za: ngoonu" da" gyidab, nghoid.

COUNG" NGHEI 99:3

Byu yugkhang" moo" gi nya: da" gyid myhang: thang khyoo: yo' phung" yoeb bo da" myeing khyang" ri coung" nghei nyid boem wa nghoid. Nyang: gi gyeung" shang: su: nghoid nyid.

XOIN" NGEI" 11:44

Ngoo gi nanu" Aseing Mangsoo nghoid. Ngoo gyeung" shang: nyid yoomo nanu" we' nanu" gung ri gyeung" shang: nhang: ca" nyid da:.

XOIN" NGEI" 11:45

Ngoo gi nanu" Mangso bui" nyid wa shid re" nanu" ri Egutu mung" mo shu" thu lo da" Aseing nghoid. Nanu" gyeung" shang: ca" da:. Ciwim gari: Ngoo gi gyeung" shang: su: nghoid.

TARHA" TID POIN" 4:39

Hougsu" yoomo Aseing gi mougkhung: yo' myidjang mo Mangsoo nghoid ziri akhid" nyid" myid boin: ge'. Khanham we' ato" myid goo". Mangso gootu: anyid loo.