1YOHAN 5:16 - Lacid Common Language Bible

¹⁶ Re" mang: re" nhung" dayug yug gi ashid: moin: da" yooboo daja: ja: zei: nyid nghoid rigi nang shau" myang nghoid ri nang gi nya: shid re" re" Mangso jhang akyu" bo mho' nyid ca"- Mangsoo gi nyang: ri apyaid ato: kangso' byid: wa zi nghoid. hau: zigi shid: moin: da" yooboo akoid mo, shid re" za: mho' byid: wa khyoo: nghoid. Nghoid loug we' shid: moin: da" yooboo ga: zigi jo, jo, wigi hau: shid re" Mangso jang" moo mho' yoid ge da" khyoo: ri ngoo atid noug.

1YOHAN 5:16 交叉引用

YEREMIA 11:14

Yeremia we"- he: byumyu" yi shid re" gungthid koid lho: ngoo ri akyu" amho'- yoid we' yoid. Nyangnu" yau: khi" shau" wigi pang" thoug yu wa ngoo ri mho' yoid ri nyangnu" ri ngoo atam" gyoo: byid: wa» ga: tid.

1 SAMUELA 2:25

Byu nyang: cang" shoid ziri gi Mangsoo yo" khyoid byid: nghoid loug we' Mangsoo ri thougtheung yooboo koid su: ri hang" yo" khyoid pyam byid: wa lha"» ga: tid bye:. Nghoid loug we' nyangnu" gi nya: pho da" dang: ri atam" gyo: boem yoomo Aseing gi nyangnu" ri said pyam wa shid re" myid phyed too" bye:.

LUKA 12:10

Byu da" nya: zoo: ri nhoid wigi shoid su: ri yooboo yo" khyoid pyam byid: nghoid loug we' gyeungshang: da" Venyi: ri tid shoid su: ri koem gi yooboo yo" khyoid pyam byid: loo: wa zi anghoid.

YEREMIA 14:11

Aseing gi ngoo ri «He: byumyu" yiri pang" yu nhang: wa shid re" nga" jhang amho'.

YEREMIA 7:16

Aseing tid zigi «Yeremia we"- hau: byumyu" yi shid re" akyu" amho'- nyangnu" gungthid angau- akyu" we' amho'- ngoo ri amho' nyid Ciwim gari nang ri ngoo tam" gyoo: byid: zi anghoid.

GYUNG: SOO" 15:30

Nghoid loug we' byu dayug gi mungdain: byu nghoid ri nghoid tungbau byu nghoid ri nghoid pa: yhi: koid wigi yooboo shoid nghoid rigi Aseing ri aphoug" akhyoid koid da" yooboo yoo" su: nghoid wigi nyang: gi said pyam zi shoug" wa zi nghoid.

THU' LO" MOUGSOUG" 34:9

Nyang: gi «Aseing we" nang ngoo ri vho: ngei zi gyeing" nghoid rigi nang ngoonu" yo' dage" yhe: loo" shang ein: ngoo tid nau. He: byumyu" yi nheigloem: thain: nghoid loug we' ngoonu" da" yooboo yo' akhyeing" ziri khyoid pyam byid: wigi re" byumyu" khyo" wigi ngoonu" ri khab yu la» ga: tid.

APOEM AYANG: 20:17

Abraham da" yhoem: seing: myhi' Sara bue" loo bye: da" moo" zoo" yoomo Aseing gi Abimeleg da" khoo" khoug: mo myiyi: hang" ri we' zooshang: age yoo" sho' koid to". Houg: yoomo Abraham gi Abimeleg shid re" akyu" mho' byid: wigi Mangsoo gi nyang: ri byang" gi byid: bye:. Mangsoo gi Abimeleg da" yhoem: seing: myhi' ri we' join myhi' joem ri we' byang" gi byid: bye:. Houg: yoomo nyangnu" zoo: doem ge yoo" bye:.

APOEM AYANG: 20:7

Myiyi: myhi' ri nya: yhoem: seing: pho jhang akhid" nyang: doem tau" byid: re. Nyang: gi lapi: nghoid. Nyang: gi nang ri ashid: loo sho" re" shid re" akyu" yo" mho' byid: wa nghoid. Nghoid loug we' nang adoem toug" byid: nghoid rigi nang gi shid: wa. Nang yo' re" mung" byu yi dangain" gi shid: wa nghoid ein: ziri ngoo nang ri tid poin" bye:».

COUNG" NGHEI 106:23

Nya: da" byumyu" yiri phyo' shoin pyam wa ga: Mangsoo tid nyid da: uri nya: da" khyen: yu dei zoo: Moshe gi Mangso shid, khoin" moo: to' yab lho: nyangnu" ri amhoin' pyam baja" ga: nyang: nheigloem: nge" nyid ziri jham" loo" nhang:.

YOHAN 17:9

Ngoo gi nyangnu" shid' re" akyu" mho' nyid. Mougmyid byu yi shid' re" akyu" mho' nyid zi anghoid. Nghoid loug we' nang ngoo ri ab byid: too" mo, shid re" akyu" mho' zi nghoid ciwim ga ri nyangnu" gi nang seing ci mo, nghoid.

EZEKIEL 22:30

Ngoo gi vang khyam: ri nga" nheig yo: ziyo' phyo' shoin' pyam uri doem yo" zhug too" wa byu dayug yug yo' vang khyam: gyoeb gyo" jo, da" joyoo moo yu" yab jo, lho: hau: mougmyid ri yu" goin coung: byid: wa byu dayug yug ri sho: nghoid loug we' ngoo gi dayug ri we' ashau" myang.

GYUNG: SOO" 12:13

Houg: yoomo Moshe gi Aseing ri «O" Mangsoo we"- nyang: ri gi nhang: la o"» ga: mho' yoid bye:.

2 TIMOTHI 4:14

Ngei byug: koid su:- Alexandru gi ngoori age khyo" myoo" sho' ja: koid bye- nyang: koid ziyo' dakhyoo" ti" hau: Aseing: gi nyang: ri latoo: doem, phug wa zi nghoid.

1 SAMUELA 12:19

Nyangnu" gi Samuela ri «Ngoonu" shid: zi ashoug" baja"- re" Aseing Mangso jhang akyu" mho' byid: we'. Khokham mho' yoomo ngoonu" shoid tho' moo agoo" gootu: ngoonu" da" yooboo joem ri we' ngoonu" boin: bye:» ga: tid nyid boem ago".

1YOHAN 5:17

Adeung amain" da" moozoo" dangain" gi youg: noo yooboo nghoid nyid, nghoid loug we' shid: amoin: da" yooboo we' jo.