YUDAS 1:19 - PERJANJIAN BARU NALCA YUBA

¹⁹ Wera an nim era, nimi ganya yok-yok bokdanok senewoka benelesak nim ulumak. Sikenek ara sokok an ganya ok denaʾ anyek deknewoka ulumaakanya, Geisinya bedya arawoka bo usinaʾ hyak gobdo orok nim ek ulumak.

YUDAS 1:19 交叉引用

1 KORINTUS 2:14

Dara, nim Imik Neyung Geisinya unggululanya bera, Geisinya adya eleklesilaʾ ara, donggulumla. Alda eleklesilaʾ anyek, dolbalek so senelamla. Dara, ban nenera Imik Neyung Geisinya adya ok damok ara ban senewoka ella dangalamak anasa, albeyok ella damenggom ulumla.

ROMA 8:9

Bok Imik Neyung Geisinya ugun nong lomok seleb ulusil dara, ugunda nimi ganya adya bo unggulusil, bok Geisinya adya bo ulusil. Bok onoʾ nimi be hnon Kristus adyaʾ Geisinya unggulumla dara, alda Kristus bedyinya unggulumla.

YAKOBUS 3:15

Ban lebna geremseng unaʾ era, imik heikek ab yangganggululabok, alda sokok ab hnon, bisaʾ ak ab hnon, nimi ganya dukaʾ adya lanalamla.

IBRANI 10:25

Imik Neyung yuba longolomabaʾ ara longgom mem. Nimi hnon lolomak sok neik so ununggom. Nunda ganya gwelelek aboka yokaʾ-yokaʾ unuldalamnamab. Wenelesilnya bera mek anam yanalabok anasa, nunda sobaʾ nauba so wenebdangoka uldalamnamab.

1 KORINTUS 6:19

Ugunja nong era, Imik Neyung Geisinya alja e ululumaʾ ara, ugunda elgom ululum de? Imik Neyung adya alja ok ganya doboka, Geisinya bera ugunuk elegesuukanya, Geisinya era ugunja nong lomok ulusil. Ugun nong ara, ugunjaʾ ak unggululum. Ugun nong ara, Imik Neyung aljaʾ yokaʾ nongaʾ ak ululum.