YOHANES 9:24 - PERJANJIAN BARU NALCA YUBA

²⁴ Dara, onoʾ henga luma yeilimoknya bek yalom aboka youbomek dara, ”Ban ununggelnya benyek malya unaʾanya ulumla, ella ulumabaʾ anasa, henga luma denganggelaʾ anyek, anadya unel aboka Imik Neyung si ok giblom,” hyek.

YOHANES 9:24 交叉引用

YOHANES 9:16

Dara, Parisi nang hnon nang edya lelemekja, ”Sabat mem sum bok alda wa welemlaʾ anasa, alda Imik Neyung ak ab yanggubok,” alamek. Bok, hnon nang edya danyek, ”Malya unaʾanya bedya anaso loksoʾ anyek beknaʾ dibaʾ unuwanamsoʾ gomaʾ,” aboka nauba lelemeekanya, sik moumen gangganaʾ lololdalemek.

YOHANES 19:6

Wera, Yahudi yuba wa gakaʾ dub nang eb, yin bonaʾ nang eb, Yesus ak eibik dara, ”Oboka gal ak glabnok, oboka gal ak glabnok,” wenyalamek bok, Pilatus bedya sikenek, ”Nara alja malya unaʾ uboka, damok anyek okoka eibsinya enyekaʾ, nera or ugunja ganya doboka oboka dibnelum,” aboka lebok.

2 KORINTUS 5:21

Kristus pik uboka, nuk Imik Neyung alja peldisinaʾ danokaʾ aboka, Kristus ara malya unaʾ elgomnya benyek, Imik Neyung adya Kristus ara nunsamba leboka malya unaʾanya nenemok.

ROMA 8:3

Anera Yahudi nim emba unuwanalum an yub ara, nimi nonga hmeng adya, pe gigiwoka unuwamenggom anasa, Imik Neyung ara, alaʾ me yokaʾ anyek, malya ulumak nimi nonga nenewoka bokol yookanya memewokaʾ ara, malya unaʾ ak nenesemba leboka igina kwenaʾ elegok.

YOHANES 18:30

Dara sikja, ”Alda malya unaʾ orok dara, alak unuwoka anda mok soko dubnya bek bo yanggunusibya,” hyek.

YOHANES 16:2

Ugunuk Imik Neyung ek sam abaʾ ara, yaklemnasak. Dara, onoʾ hnon, sik unulusija nim edya dara, Imik Neyung amba nunda pe giboka unulumab senelemeija salek era, yanamla.

YOHANES 14:30

Sokok an dubnya bera, yanggan sum oka dalaʾ anasa, nara ugunublaboka nauba sabdanggunumab. Alda nablabokonya gomaʾ.

YOHANES 8:49

Bok, Yesus adya sikenek, ”Nara bisaʾ gologanenggom. Nara Imik Neyung bek imik nenelamna bok, ugunja danyek, nak derewoka walenulum.

YOHANES 8:46

Ugun gangganek ab nimi ben hnonja nak sam anda malya ulum aboka beknaʾ laga aawaneneso de? Orok bok dara, dib nong yuba lelemna dara, ugunda hekasa nak dib senenggulunulum do?

YOHANES 5:23

Neyung bedya ban unumoknya nera, nim adya neyung bek giblemak sok, onoʾ alja me nek giblenokaʾ aboka umok. Wera anasa, heknedya alja me nek gibnenggulumla dara, wera al bokol yeilimoknya bek gibnenggulumla.

LUKAS 19:7

Nimi nidyaʾ ara anyek eibek dara, hyak nauba dogom eleng alamek. Anya sikja lelemekaʾ ara, ”Wei, hyak malya nongnya bedya ek nim e bul bilimla bar!” aboka lelemek.

LUKAS 15:2

Wenyek Parisi nang eb, Yahudi yuba neksin nang eb dara, omoma lelemek. ”Wei, ban benera malya nang enyek, yoululum aboka leboka, denaʾ anaba sikeneb neikaʾ delemak!” aboka lelemek.

LUKAS 7:39

Wenyek Parisinya bera Yesus ak nadya ek sam denenam aboka e bilimoknya bedya an unuwokaʾ anyek eibuk dara, alja ganya lomok seiniwokja, ”Alda ununumnaʾ lenya bek dara, ban unulamla gel genera alda heknya, alda genyaʾ senewoka ella danamso,” senemok.

MARKUS 15:27

Wera Yesus oboka glabekaʾ ak ara, yu hwam nang, nimi penya oboka neikaʾ glabsik. Dara, be hnonda sirikek sam, onoʾ yoknya bera waneng ek sam uboka glabek.

YOHANES 9:25

Wera, henga lumnya bedya sikenek lebsukaʾ ara, ”Nak hwenelnya bera, alda malya unaʾanya gom, perobnya gom ara, nara elgom. Hnonok ella ubnaʾ ara, youmaʾ dara henga luma ulunyok bok, sum enyek merewanaʾ ok ella ubna,” hyok.

WAHYU 11:13

Wera ban salek nong era, senenggom sogoumaʾ dorogoka, senenggom heik era sagobadya amba anasoʾ bokoka, luk menegookanya, sogoumaʾ enedya dara, tujuh ribu nim obsuk. Dara, oboka bok lobok nim era, hyak loka daboka, Imik Neyung imik heik ululanya bek giblemek.