YOHANES 8:37 - PERJANJIAN BARU NALCA YUBA

³⁷ Dara, onoʾ Yesus hnon lebokaʾ ara, ”Ugunda Abraham nang yilaʾ ululumaʾ ara eillilisin bok, nadya yub enyek ugunja ganya lomok sam doboka beilinaʾ orok bok adya, ugunda nak obnenobaʾ aboka ulunulumaʾ ara, nara ella ulumna.

YOHANES 8:37 交叉引用

1 KORINTUS 2:14

Dara, nim Imik Neyung Geisinya unggululanya bera, Geisinya adya eleklesilaʾ ara, donggulumla. Alda eleklesilaʾ anyek, dolbalek so senelamla. Dara, ban nenera Imik Neyung Geisinya adya ok damok ara ban senewoka ella dangalamak anasa, albeyok ella damenggom ulumla.

ROMA 9:7

Anya Abraham nang yilaʾ nidyaʾ ara alja mabo dibaʾ unggulumak. Bok, ”Ishak bek abnya nenyek an nang yilaʾ alamnamak,” aboka lebok, hyok.

YOHANES 7:1

Ban nidyaʾ seleb unuwoka lebgogomok dara, Yahudi dub nang edya obnobaʾ aboka ulumekaʾ anasa, Yudea sokok yibinggunusinya senewoka, Galilea sokok sam uru yabalamok.

YOHANES 8:59

Banyek kemek dara, alak obnobaʾ aboka girika dol yabek bok, Yesus ara dengaboka Imik Neyung ek sam ab loboka byuk.

RASUL 13:26

”Wei, hemyab o, Abraham nang yilaʾ hnon, onoʾ yok nang bok Imik Neyung ak lok ganya boboka anyagan longolum nang nidyaʾ ak lebsin, Ban Imik Neyung adya nim embengaʾ blebsin yub ara, nuk bokol yeilisuk.

YOHANES 8:43

Hekasa ugunja ganya lomok sam ara, nadya lelesin yub era ella unggululum do? Nadya lelesin yub ek dara, kebla henggonggom ululumaʾ adya ella unggululum.

YOHANES 11:53

Dara, sum enyek abaʾ moruwoka, eiyiboka Yahudi dub nang edya, Yesus ak obnobaʾ aboka dulumek.

YOHANES 7:19

Musa bedya nim onggom, yokaʾ salyaʾ ununggom aboka, Imik Neyung adya unuwanalum an yub era seleb ugunuk elegosuk. Bok, ugunuk dara, be hnon ban yub en keboka ununggulumla. Dara, hekasa nak obnenobaʾ aboka ulunulum do?” hyok.

YOHANES 10:31

Dara onoʾ saaboka Yahudi nang edya, Yesus ak girik adya doboka obnobaʾ aboka ulumek.

YOHANES 8:6

Ban nenera, Yesus adya dara hek hulul do aboka, alja wenyhelyaʾ yub edya alak malya uyiwanobaʾ aboka sene heimek. Bok, Yesus sokok sam genib lobonggoka, soruk adya soko dubuk momnya dolomok.

YOHANES 7:25

Dara, Yesus adya nidyaʾ ban wenyaboka neklesuk sum enyek, Yerusalem heik yokaʾ nim edya, ”Yahudi dub nang edya obnobaʾ aboka elemaknya bera alan gom?

YOHANES 5:44

Ugunda Imik Neyung be hnonok ok ululanya bedya gigiwousululaʾ aboka enaʾ loboka, alda ugunuk nimi yok nim edya nuk gigilesinok senewoka hogunga bo elelum dara, hekadya ugunda dib senewanasom do?.

MATIUS 13:15

Anasa ban nim enedya, ganya era seleb yugoma dangoka pika lebok, sikja o nera seleb ounugosuk, anya sikja heng bam ara seleb siklebdangamek. Unuwangguseng dara, sikja heng eiyiboka, sikja o nedya yuba keboka, anya sikja ganya edya ella dangoka, nak sam yeiliseng dara, nadya sikenek meriyiwanasisinya,” hyok.

YOHANES 8:33

Sikda alak, ”Nunda Abraham nang yilaʾ ulumabakanya, nunda yok nimi wa wen nimi danganaʾ orok anasa, anda hekasa ugunda yok blebdangoka seknelum alasilim do?” hyek.

MATIUS 3:9

Ugunda Abraham bera nu nang yilaʾ ak anasa, nunda obnesilaʾ ak ab blebdanamab senenggom, mem. Ban girik danyeb danyek, Imik Neyung adya Abraham nimi yilaʾ nenewanamso anyek, ugunda bekoka seiniwanalum!

YOHANES 8:56

Ugunjaʾ neyung Abraham bera, nadya sum eimik yenewanamlaʾ eibnamnaʾ anyekaʾ aboka, alda hyak ei-ei ganya bolomok. Wera anasa, eimik seleb eibuk dara, hyak eiya dabok,” hyok.

1 YOHANES 2:14

Najabo yab o, momnya doboka beibsinya nera, ugunda mekmab era ugunja neyung Imik Neyung bek seleb ella dangalumaʾ anasa, ubsin. Neyung yab o, ugunuk momnya doboka beibsinya nera, ugunda men youmaʾ ulumok yub ek seleb ella dangalumaʾ anasa, ubsin. Goubenya nang o, ugunuk momnya doboka beibsinaʾ ara, ugunda migib ululumaʾ anasa, ubsin. Imik Neyung yub ara ugunja ganya ek seleb ulusil. Dara onoʾ, yu bisaʾ ara seleb ugunja yugom nenelumaʾ anasa, ubsin.