YOHANES 4:39 - PERJANJIAN BARU NALCA YUBA

³⁹ Dara ban gel genedya, ”Nadya nidyaʾ ulusenya laga lenel,” hyokaʾ adya nimi nauba Samaria nim era, Yesus ak dib senewoka domek.

YOHANES 4:39 交叉引用

YOHANES 4:29

”Ugunda nak yokaʾ-yokaʾ nidyaʾ nadya unulunanya nidyaʾ laga nenelnya benyek kemel yoululum. Alda nimi blebsinaʾ dubnya Kristus ulumla do?” hyok.

YOHANES 4:5

Pika balamookanya, Yesus ara Samaria sokok heik si Sikar heikek bilimok. Ban heik ara, Yakub bedya alja me Yusuf bek elegemok soko berem ulumok.

YOHANES 11:45

Dara, Yahudi nimi nauba Maria gek nimi saleka bukoka ul yeilimek nim edya, Yesus adya ban unuwoka Lazarus bek embengaʾ suboka bukiyiwokaʾ ak eibek dara, alak dib senewoka domek.

YOHANES 4:42

Dara, Samaria nim edya ban gel genyek an, ”Anja nuk wenyasilimaʾ adya ok dib senewanggumab. Wenyok alda nun dam nang okoka heng yokaʾ bekoka eiyimabakanya, alja lelemla yuba kemabaʾ adya, alak dib senewoka doboka, alda soko nimi bleblesilnya dibaʾ ulusilaʾ ara ella ubab,” hyek.

MATIUS 10:5

Wera ban obadya yuba len nang era Yesus adya wa webnelum aboka boksuukanya lebsukja, ”Ugunda Yahudi gom nimi sokok sam ara binggunulum. Samaria nim edyaʾ heik pik ara binggunulum.

YOHANES 4:30

Dara, nimi nauba sikja heikek ab goboka Yesus ak kemel bilimek.

YOHANES 4:38

Nara ugunja webnenggublum wak sam doka daknelum aboka orugusin. Yok nim edya orowek seleb nauba wemekaʾ anyek, ugunda daklumaʾ adya perobaʾ doblum,” hyok.

YOHANES 4:40

Dara, Samaria nimi Yesus nong ak okoka eiyimek dara, alak yeiniboka nuk pe ulunobaʾ aboka alak molomek. Anasa, Yesus ara liga penya sikja heikek gobdo mamok.

YOHANES 1:37

Alak diriga balarek nang penya alja lebokaʾ kerek dara, sikda Yesus bek diriga balarek.