YOHANES 18:15 - PERJANJIAN BARU NALCA YUBA

¹⁵ Simon Petrus beb, yoknya diriga balamoknya ben hnon, Yesus ak eimik dobgiga balarek. Ban salek Yesus ak diriga balameknya alja Yahudi yuba wa gakaʾ dubnya bedya ella ulumokaʾ anasa, wera alja eremek Yesus ab neikaʾ wekerek.

YOHANES 18:15 交叉引用

LUKAS 22:54

Wera sikda Yesus ak seleb henga gouboka bobek dara, Imik Neyung yuba wa gakaʾ dubnya bedya ek bo byik. Bok Petrus bera eimik dobgiga mok so balamok.

MARKUS 14:54

Bok, Petrus bera mok ab keebgiga balamokaʾ ara, yuba wa gakaʾ dubnya bedyaʾ eremek sam biniboka, yin bonaʾ nang eblaboka neikaʾ uka beiyimekaʾ ak sam lekeldalamok.

MATIUS 26:3

Dara neik salek era, Yahudi Imik Neyung yuba wa gakaʾ dub nang eb, Yahudi dub nang eb dara, Imik Neyung yuba wa gaknya dubnya, Kayafas be ulumokaʾ ak, dub nang un ek longomek.

YOHANES 18:24

Wera Yahudi yuba wa gakaʾ dubnya Hanas bedya, Yesus ara gasa heng gebman, Yahudi Imik Neyung yuba wa gakaʾ dubnya Kayafas bek bo bululum aboka orugosuk.

YOHANES 18:28

Wera hyak lugunaʾ nong anam gwelegel yabok dara, Yesus ak doboka yuba dubnya bek ara mok soko damnya Pilatus bedya senenggom ek bo byik. Yahudi nim era, sikja perob sum denaʾ denemek bok anasa, nimigumaʾ blekibyek aboka, nimi henga gereksin dub ek ara Yesus al neikaʾ weknenggumek.