19 Anya nara, ban yu nongaʾ ab, sokok an wenesin nang gong eb, sikja yin bonaʾ nang gong eb dara, sikda kul kuda pam abagamoknya beb, alja yin bonaʾ nang eb danyek, mala boboka obdanobaʾ aboka seleb mamagamekaʾ ak eibsa.
Wera ban hyeiya anasoʾ ara, hyak yu hwam unaʾ ganya enyek, yokaʾ-yokaʾ mengewoka unuru yibilimek. Dara ban winilya ganya yu nong era, nidyaʾ soko me bilimeekanya, wenewoka bo un dub nang ek, Imik Neyung hyak migib ululanya bedya senenggom sum enera, obdanok aboka, mamagiyiweisik.
Dara onoʾ winilinya lero hnon, ban men penya lero ek dolgounul yeindeboka lebok ara, ”Yu nongaʾ ab, yokaʾ anyek al nonga sunuwoka mememekaʾ ak, giblemak nim era, alja beknaʾ dibaʾ sikja asok ok gom, sorukuk gom, ulumlya nim era,
Wera sikda penya laga len nang era, seleb wenyabgogoweirija dara, yok embengaʾ gamyakaʾ yu nong ara, somoknaʾ gweren selengaʾ ak ab lanawalyakanya, sikenek we doboka oblamageisilyekanya, obnesil.
Wera ban abaksin pam eilib abagamoknya bedyaʾ sibamaʾ ak ab goblomok parang enedya, yok isaʾ nang era, nidyaʾ saboka hyakaʾ obsuk. Dara wining mandebnaʾ ara, gong-gong yeiniboka obsuk nanga soub enyek delemeekanya, mona bulusukaʾ ak eibsa.
