TITUS 2:4 - PERJANJIAN BARU NALCA YUBA

⁴ Sikda ban unulumeijaʾ adya, wera onoʾ sikja goubenya gelewa ek, sikja nenyab eb, memab ab, wanaʾ ulunokaʾ aboka neklesinok.

TITUS 2:4 交叉引用

1 TIMOTIUS 5:14

Nenesa leboka nadya perob senelamnaʾ ara, or goubenya bok youk gel ulumak nim era, nenya dobijekanya me yak dangoka, sikja ek pe wa weboka ulumeijaʾ adya, wera nunja isaʾanya nera al pik uboka nunja si malyaʾ neneweisilyek anasa, wera men nenya dobnok.

1 TIMOTIUS 5:2

Wisa gelewa ek dara, nadya genong yab era alan senewoka pe unulusilom. Goubenya gelewa ek dara, sikenek perob geisa ganya adya, nadya hmal gelewa senewoka pe unululom.

1 TIMOTIUS 5:11

Bok, nong ara gobenya bok youk gelewa ek dara, youk gelewa momnya dol yabamenaʾ ak ara, momnya dobnenggunulam, mem. Nera sikda nenya ab neikaʾ ulusinim ganya nauba seiniwoka, nara Kristus ab neikaʾ ulunam senenanya nera mek dangoka, men nenya dobnun senenaʾ anasa, sikja si nera momnya donggom.

TITUS 2:3

Anasonya neikek, onoʾ seleb kalamla nauba nim ek, Imik Neyung mabo pe ulumak diligaʾ enyek doboka ulunokaʾ aboka, yok nim ek miniwoka len yuba loboka, yu meka nauba deregoka unaʾ ara mem aboka neklesilom. Onoʾ sikda perob yub enyek nekdangoka ulunokaʾ aboka neklesilom.

TITUS 2:5

Onoʾ goubenya gelewa era, geremseng uboka, ganya geisa uboka, namen uboka, onoʾ nenyab adya yuba keboka, perob ek nimi dangalenokaʾ aboka wenelesinok. Nunja Imik Neyung yub ara yok nim edya malya neneweijek anasa, anaso pe ulunok.