ROMA 9:8 - PERJANJIAN BARU NALCA YUBA

⁸ An wenhyoknya nera, nim ulumaakanya beillilimak mab enyek Imik Neyung mab unggulumak. Alda me eleganenggen amok me al nang yilaʾ aboka si silemnamak aboka wenyasuk nang yilaʾ enyek, Imik Neyung bedya mab ulumak.

ROMA 9:8 交叉引用

YOHANES 1:13

Dara, nimi lunuwoka beillilisakaʾ adya gom, soko nang ganya seininaʾ adya gom, nimi unuwanamna senelamla adya gom, Imik Neyung adya ok Imik Neyung mabo nenesuk.

ROMA 8:14

Dara, nimi nidyaʾ Imik Neyung Geisinya adya arawoka bo ulusil nang era, wera Imik Neyung bedya mab era al an.

MATIUS 3:9

Ugunda Abraham bera nu nang yilaʾ ak anasa, nunda obnesilaʾ ak ab blebdanamab senenggom, mem. Ban girik danyeb danyek, Imik Neyung adya Abraham nimi yilaʾ nenewanamso anyek, ugunda bekoka seiniwanalum!

ROMA 8:16

Dara ban Geisinya adya, nunja ganya ek, nunda Imik Neyung bedya mab ulumab aboka, laga neklesil.

ROMA 8:19

Wera anasa, embengaʾ ulumakaʾ nidyaʾ ara, Imik Neyung mabo laga nenewanamla sum amba hyak ganya weboka diri ulumak.

IBRANI 11:11

Onoʾ Abraham bera ganya dib senenaʾ adya, alab Sara geb dara, seleb yamen dangarek bok, me beiblulaʾ aboka migiba dobok. An nera alda ban me eleganenggen hyoknya bera pe bojam ululanya benyaʾ senemokaʾ adya unuwok.