ROMA 16:10 - PERJANJIAN BARU NALCA YUBA

¹⁰ Yokaʾ-yokaʾ ak ab dara, Kristus lomok hyak siklebdaboka ululanya, Apeles bek hnon gibna. Sik Aristobulus bedya ek nim dangoka ulumak nim ek perob aboka gibsin.

ROMA 16:10 交叉引用

ROMA 14:18

Wera anasa heknedya ban nenyek sunuwoka Kristus ak welemla dara, Imik Neyung bek ganya hekeldilimlakanya, nim adya dara alak wa bobsuukanya welesilnya benyaʾ senelemak.

1 PETRUS 1:7

Ban yokaʾ-yokaʾ ak geregoka sunulusilaʾ damok ara, ugunda aldib Wenelesilnya bek okoka dib senelum gom, orokaʾ anyek, laga dolulaʾ aboka ulusil. Dangmana perobaʾ anaba jobok orokaʾ ara, uk ak dalyamalemak. Anasa Imik Neyung ak dib senenaʾ ara hyak perobaʾ ak uboka, eimik denghenemla dangman era or malya so anasa, ugunuk hnon sunulusil. Dara Yesus Kristus laga danamla sum era, ugunja dib senenaʾ ara seleb laga dokaʾ adya, ugunuk dara, perobaʾ leboka gibnesilikanya, ugun nong ara imik nenewanasil.

1 TIMOTIUS 3:10

Arasin nang danara, sikenek sunubyamadijebok, wera meknenaʾ orok nang enyek, or arasin nang aboka dibaʾ sekiyiwaneseng.

PILIPI 2:22

Timotius bera ugun gangganek wa pe welesukaʾ ara seleb eillilelum. Alda nablaboka neikaʾ Imik Neyung adyaʾ perob lero yanggan yub era yeiriwoka lero yabalenamnya. Nab alab dara, nimi neyung eb alaʾ me neikaʾ kwebdangoka ulumak sok ulunam.

2 KORINTUS 8:22

Titus beb yoknya beb yanggerijaʾ ak ara, onoʾ nunjaʾ hembe yoknya be hnon makoka neikaʾ bokol yasab. Nunda alak, li gong wa elegemouba dara, aldib yeng ganya boboka pe welemlaʾ eillilimab. Alja dara, ugunuk ara pelemakaʾ eillilisilaʾ adya, wenyek dara, nauba so yeng ganya bolosil.

2 KORINTUS 2:9

Wera ugunja dara, yokaʾ-yokaʾ nidyaʾ pe keboka unulumakaʾ ara ella doununaʾ aboka, nara sene sunusinaʾ dibaʾ momnya doboka beibsisa.

1 KORINTUS 11:19

Ugun gangganek ara, har berek Imik Neyung adya perob senelesil nanga hnon, har berek yuba dib donaʾ orok bok, ulumak nanga hnon, laga danokaʾ aboka unulusil.

2 TIMOTIUS 4:19

Nadya Priskila geb Akwila beb, Onesiporus bedya ek nim eneba, neikaʾ perob aboka gibsin.

ROMA 8:11

Dara onoʾ, Yesus ara somoknaʾ nang gangganek ab subuka bukiyiwoknya bedya Geisinya ara, ugun lomok ulumla dara, wera onoʾ alja Kristus Yesus somoknaʾ nang gangganek ab subuka bukiyiwoknya bera, alja ugun lomok ulusil Geisinya edya, eimik era ban ugunja somokna nong eneba subuka bukiyiwanasil.

ROMA 16:3

Nadya perob aboka, nadyaʾ hemyab Yesus Kristus pik neikaʾ welemab nim, Priskila, Akwila ak, an sikenek gibsin yub enyek, unu wenyaboka gibisil henelum.

ROMA 16:7

Na anam yuba dobnenggom enyek, Kristus lomok yub lenaʾ gak nang gangganek ara si sinaʾ nang uluraakanya, nadyaʾ hemyabo neik mok soko nang, nablaboka neika henga gouboka doronggosikaʾ Andronikus beb, Yunias beb, siksamba hnon gibsin.

2 KORINTUS 5:17

Anasa, Kristus lomok ulumak nim era, gobdo wenyok nimi dangalamak. Youmanya nera dengaboka, wera wenyoknya nok dangalamla.

2 KORINTUS 12:2

Nimi yuba donya ben hnon, Kristus adya imik heikek hyak imik sam do welewok salek era, wera gibnaʾ meija dubukaʾ badya lemok danyekaʾ ak, ella ulumna. Alja nong gekman dobok gom, or lendara ak gom ara, dibaʾ orokaʾ ara Imik Neyung ok ella ulumla. Do welewoknya bera imik heikek denewaʾ winilyaʾ ak welewok.

GALATIA 1:22

Bok na nong ak dara, yuba donaʾ nim Kristus lomok uboka Yudea sokok ulumek nim era, okoka benyekaʾ senewoka ella danganggulunyek.