RASUL 10:27 - PERJANJIAN BARU NALCA YUBA

²⁷ Wera Petrus bera Kornelius beb neikaʾ yuba sabgiga ek sam wekel bilimok. Dara, anyagan ara nimi nauba orowek seleb mamagoka longomekaʾ ak eiyimok.

RASUL 10:27 交叉引用

2 KORINTUS 2:12

Kristus adyaʾ perob lero yanggan yuba lebnunaʾ aboka, Troas heikek bisa dara, Imik Neyung adya wa nen weblulaʾ aboka seleb pika bak lobnyok salek,

RASUL 10:24

Balamek ara pikik li hnonok maboka, Kaisarea heikek lanal bilimek. Dara, Kaisarea heik ara Kornelius bera alja ek mabo nimi yilaʾ eb, alja hemyabo pe ganya olokdangoka ulumek nang eb, nadya ek yoululum aboka e bilisuk nang anyek, diri ulusikaʾ ak Petrus benya arobaʾ ara byik.

YOHANES 4:35

Dara Yesus sikenek, ”Walaʾ dombadya mablya dara, gwaneng denaʾ lanawanamla ara ugunda wenyalalum. Bok, nara ugunuk saaboka lebnesin, wa weblorobaʾ anyek doka daknenyak senewoka eng olomlaʾ anyek, ugunda kendululum.

RASUL 14:27

Wera Paulus beb, Barnabas beb dara, seleb Antiokhia heikek yarek dara, anyagan Imik Neyung yuba donaʾ nim eb neikaʾ ak mamagiyiwoka, Imik Neyung adya arawoka, sik pik uboka yok-yok heikek nidyaʾ perobaʾ unulumok anyek nekesirik. Dara onoʾ, Imik Neyung adya Yahudi gom nim eneba Imik Neyung ak dib senewoka dolomakaʾ ak hekaʾ huboka pika bakamokaʾ anyek nekesirik.

KOLOSE 4:3

Imik Neyung ara nunja wenyaro yabalamabaʾ amba pika baklul aboka, nunsamba heng uboka mololosululum. Nunda ban Kristus an doknomokaʾ anyek, anesemba leboka na henga goubnyekaʾ anyek, wenyaro yabalemnemab anasa, mololosululum.

LUKAS 24:14

Sikda pikek anam balarek ek ab dara, yokaʾ-yokaʾ nidyaʾ seleb unumokaʾ anyek sabgiga balarek.