MATIUS 27:46 - PERJANJIAN BARU NALCA YUBA

⁴⁶ Dara onoʾ sin dangoka henga wekel bununaʾ aboka dalaloblamla wenyek, Yesus ara yuba nauba bii aboka, ”Eli, Eli, lama sabakhtani?” Nunja yub era, ”Nadyaʾ Imik Neyung o, nadyaʾ Imik Neyung o, hekasa nak gwab lobnelem do?” aboka bii alamok.

MATIUS 27:46 交叉引用

IBRANI 5:7

Yesus ara anam sokok an ulumok salek era, al nonga somoknaʾ ak ab blebnemoknya Imik Neyung bek, bii aboka engelemookanya, aralenelom aboka mololomok. Wera Imik Neyung ak hyak pe ganya sokok nenebdangoka giblemokaʾ adya, alja molonaʾ era Imik Neyung adya pe kelemok.

MARKUS 15:34

Wera ban salek era, Yesus ara naubaʾ bii aboka, ”Eloi, Eloi, lama sabakhtani?” wenyaboka bii alamok. Nunja yub edya dara, ”Nadyaʾ Imik Neyung o, nadyaʾ Imik Neyung o, anda hekasa nak lo yibinelem do?” alamok.

LUKAS 23:46

Danyek Yesus ara senenggomaʾ ngeboka lebnemokaʾ, ”Neyung o! Anjaʾ soruk lomok sam nadyaʾ embengaʾ unaʾ ganya era, elekdan!” hyok. Seleb wenyabgogowok dara, alda somogok.

MATIUS 27:47

Wenyek nimi wene nim anyagan seklemek nim era, unu gwekel yabokaʾ ak kebek nim edya dara, ”Alda Elia bek youblamla!” wenyabdek.