MATIUS 26:26 - PERJANJIAN BARU NALCA YUBA

²⁶ Wera an delemek salek, Yesus ara gwanenga doboka Imik Neyung ak perob aboka gibok. Seleb dara, gwanenga soboka alja yuba doro diriga ban nang ek elegesuukanya lebokja, ”Nadya nong era ban, or doboka denelum,” hyok.

MATIUS 26:26 交叉引用

RASUL 20:7

Troas heikek ara, ban minggu en men sum enyek, hemyab eb bolowoka neikaʾ ak delemouba. Paulus bera ampum lanawoka binimna senemok anasa, anyagan ulumek nim emba yuba nauba lebdibigemok. Wera inimnek dukdukanek dangamok anaba Paulus bera anam yuba lelmorulomok.

1 KORINTUS 10:4

onoʾ al neik ganya mek enyek delemek. Sikeneb neikaʾ bo balasuk Imik Neyung girik ek ab meka delemek. Ban girik era, Kristus nong yokaʾ ak ulumok.

RASUL 2:46

Sikda hyak sobaʾ Imik Neyung e eremek longowoka yuba sobaʾ dolomek. Dara sikda ganya sokok nenebdangoka, ei-ei ganya boboka, sikja e pik dero yabalamek.

LUKAS 24:30

Wera neikaʾ bukoka delemeekanya, Yesus ara gwanenga doboka, Imik Neyung ak perob aboka giboka molowok dara, gwaneng era alja soruk adya soboka, sikenek bokoka elegosuk.

MARKUS 6:41

Seleb dara, Yesus ara gwaneng ab penya hadyaʾ danyeb dob salawoka, imik keebweininggoka, Imik Neyung ak perob aboka gibuk. Seleb dara, gwaneng soboka alja yuba doro diriga ban nang ek, nimi nidyaʾ ak bokdo yibinelum aboka elegosuk. Dara onoʾ penya hadyaʾ danaba gwaneng elegeisik sok, anaso bokdo yibek.

MATIUS 14:19

Wera Yesus adya nimi nauba ulumek nim ek, ”Holaʾ eilib buklulum,” hyok. Dara Yesus adya lambadya roti gwaneng eb, penya hadyaʾ eb dara, imik keeboka, Imik Neyung ak perob aboka giboka molowok. Seleb molobgogowok dara, roti gwaneng era Yesus adya soboka alja yuba doro diriga ban nang ek, nimi nidyaʾ ak boknelum aboka elegosuk.

MATIUS 26:27

Nen seleb dara, alda mek hmeiya doboka Imik Neyung ak perob aboka molowok. Dara mek hmeiya era alja yuba doro diriga ban nang ek elegesuukanya lebokja, ”Ugunda nidyaʾ or doboka dululum.

LUKAS 22:17

Ban nen wenyabgogowok dara, Yesus ara alda mek hmeiya doboka Imik Neyung ak perob aboka giboka molowok dara, delemek nang ek lebokja, ”Ugunda banyek dobmunukanya, bokdangoka denelum e.