MATIUS 21:28 - PERJANJIAN BARU NALCA YUBA

²⁸ Dara onoʾ Yesus adya hnon lebokaʾ ara, ”Ban yub enesa dara, ugunja dara hekaʾ senewolum do? Wera nimi ben hnon memabo penya beiyimok. Dara, sikjaʾ neyung bedya yando me nek biniboka, Najabo, anda sumen anggur wak sam wel bininelem, hyok.

MATIUS 21:28 交叉引用

1 KORINTUS 15:58

Hemyabo nadya wanaʾ ulusin nim o, anasa wera, ugunda ganya kaboka migibaʾ anyek ulululum. Ugunja Wenelesilnya bemba nidyaʾ welelum wa nera, salyaʾ lelem danggunusil anasa, ugunda Wenelesilnya bemba yeiriwoka welelulum.

1 KORINTUS 10:15

Nadya ugunuk lelesinaʾ ara, yokaʾ-yokaʾ pe geremsengaʾ ulumak so nim ek lelesin. Nadya ugunuk lelesin yub era, ugun damnya pe keboka sunuwoka seiniwanalum.

MATIUS 20:1

”Imik Neyung adya wenelemnesilaʾ ara, hogung ara banasoʾ ak ubnamla: Nim anggur dok wa damnya ben hnon, alja wak sam webnenyak aboka, lugunaʾ nong enyek goboka el yibilemok.

MARKUS 13:34

Sununaʾ ara, nimi be hnon yok heik binibnekanya, alja wa wen nim ek nadyaʾ ara pe diri bo ulululum aboka, anda wa nenyek welemnelam aboka wa yok-yok elege balasil. Dara pik sindamak sam welelanya bek, anda pe welsinilelom aboka oruga balamla sok, ubnamla.

LUKAS 13:4

Siloam aboka si simek e goumulumunaʾ dakoka, nimi sago daraʾ badya nang obsuk nim era hekaʾ hubek do? Ugunja dara, Yerusalem heikek ulumek nimi nauba bok, sikenek obsuk nimi dara, sikja malya unaʾ enyek nauba so adya obsuk senelelum de?

MATIUS 21:33

Dara Yesus ara, ”Ugunda ban sununaʾ enyek hnon kebnalum. Nimi ben hnon anggur wa soko meboka ninimok. Dara nidyaʾ lekaʾ dob ganagoka, dok meka londenaʾ amba, soko mek si pika weiliwoka, diri bun damba e im nong ok somok. Anya alda yok nim ek, ugunja weboka meewoka ulumnenulum abgogowok dara, alda yok heikek byuk.

MATIUS 17:25

Wenyek Petrus bedya sikenek, ”Beillilamlaʾ aja!” hyok. Wera Petrus bera ek balamok enyek, Yesus adya alak, ”Simon, anja dara, hekaʾ senelam do? Sokok an dub nang edya dara, rupiah bonaʾ amba garanaʾ gom, mok soko amba deknaʾ gom ara, hek nim ek ab dub nang era dolomak do? Heik yokaʾ nim edya gom, sekel yanggan nim edya gom?” aboka heibok.

MATIUS 22:17

Anasa neyung, anda nuk banyek neknesilim: Nunja dolomab yub edya dara, mok soko dubnya Kaisar bek ara, mok soko amba dara, or rupiah deknemab gom, orok gom?” hyek.

MATIUS 21:27

Wenyaboka, ”Nunda elgoma,” hyek. Wenyek Yesus adya sikenek, ”Wera anasa nababya, damok enedya nara yokaʾ-yokaʾ unulamnaʾ ara, anedya unulamna aboka neknenggunusin,” hyok.

MATIUS 21:29

Bok me nera, Neyung, na lek, hyok. Bok onoʾ eimik era, angoo senewoka ganya dangawoka or wel byuk.