Nimi sikja mabo Yesus adya soruk diyiboka, heng uboka Imik Neyung ak molowosululaʾ aboka bo yeilimek. Bok Yesus adya yuba doro diriga ban nim edya, memabo bo yeilimek nim ek wabsik.
Yesus adya dara, gel genyek ara yuba mekaʾ saaboka sab eleganggumok. Anasa Yesus yuba doro diriga ban nang edya Yesus ak, ”Wenelesilimnya o, ban gel gera nuk yuba mandebnaʾ amba lero yabalamlaʾ anasa, bilom helom,” aboka molol yek.
Wera onoʾ Yesus ara anyaganyebaʾ goboka bok dara, nimi penya heng lum nang moumenaʾ eimik dobdo birik. Dara penya nang enedya dara, ”Wei, Daud mamnya o, nuk angoo yadyek senewoka araweisiya!” aboka lebdek.
Dara heng lum nang penya pikek sam bulurek. Sik penya nang edya wera Yesus ara pik enyek an uboka yabalamla an yuba kerek dara, sikja, ”Daud bedya me o, nuk angoo yadyek senewoka araweisiya e!” aboka yeiriwoka lelerek.