MATIUS 16:1 - PERJANJIAN BARU NALCA YUBA

¹ Wera Parisi nim eb Saduki nim eb Yesus ak sene sunuwanobaʾ aboka yeilimek. Sikda Yesus ak, alda aldib Imik Neyung ak ab yeilimok aboka ella danobaʾ aboka, lok so beknaʾ hnon meewalom aboka molowek.

MATIUS 16:1 交叉引用

LUKAS 11:16

Alda onoʾ yok nim edya dara, Yesus unulumoknya nenesa sene sunuwanobaʾ aboka, anda aldib Imik Neyung ak ab yeilimen dara, laga beknaʾ dolulaʾ aboka, imik ab yok lok sonya nenyek hnon unuwalom aboka molomek.

RASUL 4:1

Wera, Petrus beb Yohanes be, nimi yok nim ek anam yuba salarek salek, Yahudi Imik Neyung yuba donaʾ gak nang eb, Imik Neyung ek keeboka diri ulumek nang dubnya eb, Saduki nim eb, Petrus Yohanes ak yeilimek.

MATIUS 16:6

Yesus adya sikenek, ”Ugunda Parisi nim eb, Saduki nim eb dadya, roti welenaʾ ak anyek, hyak pe keeboka ulululum,” hyok.

1 KORINTUS 1:22

Yahudi nim era, lok so beknaʾ dibaʾ ak eibsibyaʾ aboka elemak. Yunani nim ek dara, nimi sokok an geremsengaʾ ella danganaʾ damok ak elemak.

YOHANES 8:6

Ban nenera, Yesus adya dara hek hulul do aboka, alja wenyhelyaʾ yub edya alak malya uyiwanobaʾ aboka sene heimek. Bok, Yesus sokok sam genib lobonggoka, soruk adya soko dubuk momnya dolomok.

RASUL 5:17

Wera ban unubgiga balamek adya, Yahudi yuba wa gakaʾ dubnya beb, alak sikja aralamek nang nidyaʾ eb, nera Saduki nim edya, men Imik Neyung yuba domek nim ek hmana leboka yok so unuwanob senemek.

LUKAS 20:27

Nimi Saduki nang, wene nang Yesus ak yeilimek. (Saduki nang edya dara, somoklemak nim era eimik hnon embengaʾ subnenggunumak senelemek nang.) Sikda Yesus ak heiboka,

LUKAS 20:23

Bok Yesus ara sikja sene heimekaʾ ara eiyisukaʾ anasa, alja sikenek lebsukaʾ ara,

LUKAS 10:25

Dara onoʾ Yahudi yuba neksinya ben hnon Yesus ak sene sunuwonunaʾ aboka goboka sekel yeilimok. Benedya Yesus ak, ”Neyung neklesilimnya o, nara hekaʾ ak hubnyaʾ adya embeng unaʾ ara dobnamna do?” aboka heibuk.

MARKUS 12:18

Wera onoʾ Saduki nanga hnon Yesus ak heil yeilimek. Ban nang enedya dara, seleb somogamna nim era eimik onoʾ suboka buknenggunumak alamek nang.

MARKUS 12:15

Wera Yesus ara, sikja sene heibeknya nera seleb ella ubsuukanya, alja sikenek lebnesukaʾ ara, ”Ugunda hekasa nak ara sene sunulunulum do? Wera ugunda rupiah hnon, na kendenemnaʾ anasa, bo yoululum,” hyok.

MARKUS 10:2

Dara, Parisi nang era Yesus ak sene sunuwanobaʾ aboka hnon yeilimek. Anya sikda Yesus ak, ”Nunja dolomab yub edya dara, nimi hnon alaʾ gel ak or lobnamso de?” wenyaboka heibek.

MATIUS 27:62

Wera sek sum yeiniboka, ampum maboka gwelegok dara, Imik Neyung yuba wa gakaʾ dub nang eb Parisi nang eb dara, Pilatus bek biniboka,

MATIUS 23:2

”Imik Neyung yuba lesinaʾ gak nang eb Parisi nang eb dara, momnya domok yuba damok enesa unuwok aboka yana lelen damba Musa bek lunuwek.

MATIUS 22:23

Dara al on sum enyek, Saduki nim era, sikja dara, nimi seleb somoklomaknya nera embengaʾ suboka buknenggunuseng senewoka ulumek nim ek Yesus ak yek.

MATIUS 22:18

Bok Yesus ara sikda malya ganya boboka sene heimekaʾ anyek ella uboka, alja dara, ”Wei, ugunda hyak malya unaʾ hwam nim ek ululum! Ugunda hekasa nak heng dibaʾ weboka youbnenobaʾ aboka ulunulum do?

MATIUS 22:15

Wera Parisi nim era, Yesus ak hekaʾ huboka sunuwoka henga weboka youbnobaʾ aboka, sene yana benel byik.

MATIUS 19:3

Dara Parisi nim era, Yesus ak sene sunuwanobaʾ aboka yek. Anya, sikja Yesus ak, ”Nunja yub edya dara, nimi ben hnon gela lobnamla aboka dara, yok-yok damok orok bok, salyaʾ lobnamso de?” aboka heibek.

MATIUS 15:1

Wera Parisi nimi hnon uboka, onoʾ yuba neksin nanga hnon Yerusalem heikek ab uboka Yesus ak yek. Sikda Yesus ak heibnemekaʾ ara,

MATIUS 12:14

Bok Parisi nim ek dara, Yesus ak obnemab aboka, yuba sabnobaʾ aboka, Imik Neyung ek ara loboka yokok mamagel bilimek.

MATIUS 9:11

Dara Parisi nang edya ban unulumekaʾ ak eibsik. Anya sikja Yesus alja yuba doro diriga ban nang ek, ”Hekasa ugunjaʾ neklesilnya beb, mok soko amba leboka rupiah molowoka dosin nang eb, nim adya malya senelesak nang eb neikaʾ bukoka delemak do?” wenyaboka heibsik.

MATIUS 5:20

Anasa ugunda banyek seiniwoka beknelumaʾ ara, ugunda Yahudi yuba neksin nang eb, Parisi nang eb danyek, Imik Neyung senelamlaʾ ununaʾ ak sam ara, sikja dara mek so bok, ugunjinya nenyek nauba so danggunumla dara, wera aldib ugunda Imik Neyung wenesin heikek binggunulum!” hyok.