MATIUS 13:36 - PERJANJIAN BARU NALCA YUBA

³⁶ Ban nen seleb lebgogowok dara, Yesus ara alda ek sam wekok. Dara alja yuba doro diriga ban nang edya Yesus ak, ”Neyung o, gandum hnoum walenja bongomoknya nenyek, sununaʾ damok anaso aboka nuk lelewoka neksilom,” hyek.

MATIUS 13:36 交叉引用

MARKUS 8:9

Sikda anyegan jek nang era, nengmab ok anyek, denga yubaʾ dombadya nanga jek. Debgogowek dara, Yesus ara nimi danyek, ugunja ek balalulum, hyok.

MARKUS 7:17

Wera Yesus ara nimi gong danyek loboka ek byuk dara, alja yuba doro diriga ban nang edya, ”Ban sunuwoka lesilimaʾ ara hek damok ek lebmeisilim do?” aboka heibek.

MARKUS 6:45

Dara Yesus, alja yuba doro diriga ban nang ek, giliwoka bolong sok, ugunda men meka garawoka Betsaida heikek balalulum wenyaboka orugosuk. Onoʾ nimi nauba longol yeilimek nim ek, ugumba or balamnelum aboka lebok.

MATIUS 13:11

Anasa Yesus adya sikenek ara, ”Ugunuk dara, Imik Neyung adya wenelemnesilaʾ damok ara, gunuwoka elegosukaʾ adya ella ululum bok, sikenek dara, eleganggom anasa lelemna.

MATIUS 13:1

Dara al neik sum enyek, Yesus ara e nenyek ara loboka, mek gwan gemek sam bul bilimok.

MATIUS 9:28

Yesus ara ek wekel yabok salek, penya heng lum nang dara, onoʾ anyagan yarek. Dara Yesus adya sikenek, ”Ugunja dara, aldib nunda alja dib hwebnesil senerum de?” aboka heibsuk. Wenyek sikja, ”Nunda al alja dib hwebnesil senenam,” herek.

MATIUS 15:39

Wera Yesus adya nimi nidyaʾ ara ugunja ek sam binilum aboka orugosuukanya, alak dara, mek ekla bunaʾ bukoka, Magadan mok ek sam byuk.

MATIUS 14:22

Seleb debgogowek sab-sab, Yesus ara alja yuba doro diriga ban nang ek, ugunda mek ekla bunaʾ welewoka men balalulum aboka orugosuk dara, alda gwaneng deb elegosuk nimi mandebnaʾ era, ugunja heikek sam balalulum aboka orugosuk.

MARKUS 4:34

Yesus ara yok-yok nim ek yuba leb eleganesin dara, sununaʾ adyok sunuwoka yuba lel eleklesuk. Bok alda alja yuba doro diriga ban nang ek ara, sikbeyok dara, yuba yokaʾ nong adyok, nidyaʾ laga poboka neklesuk.

MATIUS 13:18

”Yinaʾ bo yamal bilimok aboka sunumnaʾ damok ara, ban keblulum.

MATIUS 13:25

Wera yok sum inimnek enyek, nimi nidyaʾ seleb hogunga maro lobek enyek, yok isaʾanya bedya yeiniboka, gandum doka yamamokaʾ ak sam walenja yinaʾ hnon yamawok dara, byuk.