MATIUS 12:44 - PERJANJIAN BARU NALCA YUBA

⁴⁴ Anasa, wera bisaʾ adya dara, Nadya youmaʾ lo yeilimsa ek sam onsok saaboka binimna. Wenyaboka lanawoka e nenyek an yalamna enyek, e nera e dem uboka, sembejaʾ orokaʾ anyek perobaʾ ak ulumnaʾ ak eillilamla.

MATIUS 12:44 交叉引用

1 YOHANES 4:4

Bok najabo yab, ugunuk dara, Imik Neyung alja mab ululum. Sokok an ululanya nera mek so bok, ugunuk ulusil Geisinya bera, senenggomaʾ migibaʾ ulusilaʾ anasa, wera ugunda sondaʾ anasa ununumnaʾ lelemab alamak nang ek, ugunja seleb oblamagelum.

1 YOHANES 2:19

Kristus adya alja isaʾ nang ara, nun nang yilaʾ dib unggulumekjok, nuk seleb lo bilisik. Nimi danara nun nimi yilaʾ uluseng bok dara, wera nub neikaʾ ulumnesibya. Bok nuk seleb lo bilisiknya nera, wera aldib nun nang yilaʾ unggulumakaʾ anyek, laga geknewolul.

1 KORINTUS 11:19

Ugun gangganek ara, har berek Imik Neyung adya perob senelesil nanga hnon, har berek yuba dib donaʾ orok bok, ulumak nanga hnon, laga danokaʾ aboka unulusil.

EPESUS 2:2

Ugunda youmaʾ era, ban malya unaʾ pik balalum. Ugunda sokok an unulumak ununaʾ ok unura ululumaʾ hnon, anya ugunda im hnoumunga salawoka bo ulumla bisaʾ dubnya bedya yub enyek, dib senewoka ganya kweboka ululumaʾ hnon. Al bisaʾ dubnya bera, Imik Neyung ak dib bleklemak nang edyaʾ ganya lomok wekoka malya nenelesilnya bera an.

YOHANES 13:27

Dara, Yudas bera ban gwanenga dol yabok sab-sab enyek, Satan bisaʾ ara aljaʾ ganya lomok wekel yeilimok. Dara, Yesus adya, ”Or anja unuwonun senemennya nera, berra unul yabalom,” hyok.

YOHANES 13:2

Yesus ab, alja yuba don nang eb, inimokaʾ anasa delemek. Iblis adya, Simon bedya me Yudas Iskariot bek, Yesus bek yuba dil bululaʾ aboka, ganyek seleb orugomok.

YOHANES 12:6

Yudas bedya wenhyoknya nera, alja bonaʾ garan nim enyek, wanaʾ uboka elegosununaʾ aboka lebnenggumok. Alda Yesus yuba doro diriga ban nanga rupiah beilinaʾ ara alja bo uboka, hnon hokaʾ doboka delemoknya nenesa lemok.

MATIUS 12:29

”Onoʾ nimi ben hnon hyak migib nongnya bedyaʾ ek wekoka bonaʾ dobnunaʾ senewoka, migibnya bek men bera henga goubnaʾ orok bok dara, ek or salyaʾ weknamso de? Seleb al nong anyek men henga goubsodyok, wera eimik era bonaʾ or hokaʾ dobnamso.”

MATIUS 12:43

”Bisaʾ ganya yamaʾ ara, nim ek ab loboka balamla dara, gelelom arobaʾ ak sam dek-deka sobnamna aboka ero yabalamla bok, oulyanga eilinggulumla.

MATIUS 12:45

Anya onoʾ eimik era, yok sekbadya bisaʾ era alda mek so bok, hyak yu nong bisaʾ enyek el balamla. Anya wera sikda benedya lomok an wekna dara, sikda anyagan ulumak. Dara bisaʾ dan weknanya bedya nong unaʾ era, youmaʾ dara, or mek so bok, wenyek dara, hyak gobdo malya dangalamla. Ban nenyekaʾ anyek, wene salek an ulumak nim era unuwanasil,” hyok.

LUKAS 11:25

Wera youmaʾ ek balamna enyek, e nera sembejaʾ orokaʾ anyek pe bonaʾ beiyiboka ulumnaʾ ak eillilamla.