MATIUS 12:35 - PERJANJIAN BARU NALCA YUBA

³⁵ Nimi nidyaʾ perob yub ok saro ulumak nim era, sikda perobnya nok deknewoka ulumak adya pe saro ulumak. Dara onoʾ malya unaʾ adya ok deknewoka ulumak nim era, sikjaʾ sibamaʾ ak abaʾ anaba malya yub ok saro ulumak an.

MATIUS 12:35 交叉引用

KOLOSE 4:6

Ugunja yuba sabnelumaʾ anaba, wanaʾ un yub ok namen lebnalum bok, onoʾ angawom anaʾ dibaʾ gasa sonya hnon salalulum. Anedya yok nimi nidyaʾ ak yuba sabdanalum dara, hekaʾ uboka saawoka sabnamna senewoka ella ubnalum.

KOLOSE 3:16

Wera Kristus adya yub enyek, ugunuk sobaʾ sounubgiga balasulul. Dara, yokaʾ-yokaʾ munaʾ gobdo geremsengaʾ adya, ugunda yok nang ek nekoka, wenebdangoka ulululum. Anya, mazmur ber adya hnon, yok giboka sebnaʾ ber edya hnon, yub donaʾ ak geklen ber edya hnon, ugunda Imik Neyung ak perob aboka bera danedya seboka giblelulum.

MATIUS 12:34

Ugunda malya unaʾ hwam nim ek ululumaʾ anasa, ugunda malya unaʾ nim ululum bok dara, perob yuba goboka sabnesom de? Sibamaʾ ak ab laga salamakaʾ ara, ganya lomok sam seleb ulumlaʾ ara an.

EPESUS 4:29

Ugunda yuba sabnemun dara, malya yub enyek geregoka salyaʾ sanaʾ ara mem. Nimi perob yuba ok salamakaʾ adya, nimi kelemak nim era, perobaʾ dousululaʾ aboka, nimi keboka perob danamlya yub ok sunuwoka saldalalulum.

MATIUS 13:52

Dara onoʾ Yesus adya hnon lebokaʾ ara, ”Al nenesa aboka, nimi nidyaʾ yuba neksin nimi bok, Imik Neyung adya wenelemnesilaʾ ak ella dangamek nim era, e damnya benyek alja wenyok bonaʾ ab, youmaʾ bonaʾ ab, beilinaʾ ek ab doboka beiyik sam laga bo yalalanya benesoʾ ak ulumak,” hyok.

MATIUS 7:17

Pe mesaʾ bleblamla gal ak ab perob gal doka moulumla. Anya, malya uboka eka lerelamla gal ak ab malya galdoka moulumla.

LUKAS 6:45

Dara nimi pe ulumak nim era, ganya lomok ara perobnya nok ulumlaʾ adya yuba salamakaʾ ara, sikja ganya ak ab dara, perobnya nok lanalamla. Bok malya ulumak nim era, ganya lomok ara malyinya nok ulumlaʾ adya, sikja ganya ak ab dara, malyinya nok lanalamla. An nenera alja yuba salamlaʾ ara, ganya ak ab lanalamla anasa, unulamla.