MARKUS 9:2 - PERJANJIAN BARU NALCA YUBA

² Wera lika hnabbadya maboka gwelegok dara, Yesus ara Petrus beb, Yakobus beb, Yohanes beb, sik eboka bobsuukanya, senenggom meinik sam welewek. Dara, sikbeyok ulumek salek, Yesus ara sik hogunguk ab yok so dok.

MARKUS 9:2 交叉引用

MARKUS 5:37

Dara Yesus ara, alda pikek bookanya, Petrus beb sik noungusuk Yakobus Yohanes nang danyek, nak ara yanamak bok, yok nanga salyaʾ dobol yangganenaʾ ara mem, hyok.

MARKUS 14:33

Dara Yesus ara, Petrus beb, Yohanes beb, Yakobus beb, neikaʾ binimab aboka eboka bobsuk. Dara, alda ganya loka daboka ingmuna bere-bere balamok.

2 KORINTUS 13:1

Nera winilinya ugunuk an kemel yanesin. Imik Neyung yuba bukuk sam ara, ”Yokaʾ-yokaʾ damoka lanalamlaʾ ara, nimi penya gom, winilya gom nang edya, aldib nunja okoka eiyimouba hen enyek, aldib unumokaʾ ara beknaʾ dangalamla,” aro lebok.

WAHYU 20:11

Dara onoʾ eimik so era, yok hyak senenggom geisa ekla bunaʾ ek, ana dubuk ara, alak bukumokaʾ ak eibsa. Dara, im ab soko ab, benedyaʾ hogunguk ak ab dengaro lobok adya, ban danedya oulyang era, orokaʾ dok.

MARKUS 16:12

Nen seleb dara, alda onoʾ yok penya yuba donaʾ nang ek, yok mek heikek balarek salek, alda yoknya gebdangoka aabdok.

PILIPI 3:21

Nunjaʾ hmeng uboka songa leboka blolomla nong era, Kristus adya yoka nenewoka aljaʾ perob nong eneso nenewanasil. Ban alja unuwanasilnya nera, alda yokaʾ-yokaʾ ara unun danasa, migib adya unuwanesil.

ROMA 12:2

Anasa ugunda sokok anyeb ganya uruma neikso danganaʾ ara mem. Alda ugunda har nerek perobnya, malyinya senelemnelumukanya, Imik Neyung adya senelelanya, hyak perob nongaʾ, Imik Neyung adya ganya heklamlakanya, hyak gobdo perobnya nenyek, wenyek perob seiniwoka ella unaʾ edya samab meneganalum.

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

LUKAS 6:12

Dara ban salek era, Yesus ara hnon meinik don heng uboka molowoununaʾ aboka welemok. Dara Yesus ara inimnek pik moruwoka, alda Imik Neyung ak molob gwelegemok.

MATIUS 14:13

Wera Yesus ara Yohanes be seleb obong an yuba kebok dara, al ulumokaʾ ak ara loboka, albeyok mek ekla bunaʾ bukoka salyaʾ gakdenaʾ ak sam byuk. Bok nimi nauba ulumek nim edya, Yesus unuwal an yuba kebek dara, sikja heikek ulumekaʾ ak sam ara loboka, Yesus bilimokaʾ ak sam dobol byik.