2 YOHANES 1:3 - PERJANJIAN BARU NALCA YUBA

³ Anya wera, Imik Neyung adya hnon, alaʾ me Yesus Kristus adya hnon, nuk perob eleksinaʾ ab, angoo yadyek senewoka arasinaʾ ab, perob ok unaʾ ab, or eleklesururuk e. Ban nidyaʾ ara, nunda dib yuba lomok uboka ganya wanaʾ ubdangoka dobnemab.

2 YOHANES 1:3 交叉引用

1 YOHANES 4:10

Wanaʾ unaʾ ara ban: Nunja Imik Neyung ak men wanaʾ ulumouba gomaʾ, bok alda Imik Neyung adya nuk wanaʾ ulusuukanya, nunja malya unaʾ amba doboka bobogosululaʾ aboka, alja yando me hnonok bok nunsamba bokol yeilisuk.

ROMA 1:7

Ugunda Roma heik ululum nimi nidyaʾ ara, wera Imik Neyung ara seleb wanaʾ ulusuukanya, ugunuk munaʾ Imik Neyung mabo danalum aboka youbosuk nim ek ara, wanaʾ uboka eleksinaʾ ab, perob dangoka pe namenaʾ unaʾ ab danyek, Imik Neyung bek ab hnon, nunjaʾ neyung Wenelesilnya, Yesus Kristus bek ab hnon, ugunuk arawoka bo ulusulul.

1 TIMOTIUS 1:14

Wera nunjaʾ Wenelesilnya bedya alja wanaʾ uboka eleksinaʾ ara nak gobdo nauba elekmorunyok. Dib senenaʾ ab, nim ak wanaʾ unaʾ amba migiba, Yesus Kristus lomok abaʾ ara nak elegenyok.

1 TIMOTIUS 1:2

ganya dib senenaʾ ak ara, nadya me yokaʾ Timotius ansamba ban momnya en momnya doboka beibgen. Anya wera nunja neyung Imik Neyung adya, hnon nunjaʾ Wenelesilnya Yesus Kristus adya, wanaʾ uboka eleksinaʾ hnon, angoo yadyek senewoka arasinaʾ hnon, ganya hekoka unaʾ hnon anak ulunggulul.

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

2 YOHANES 1:1

Genong Imik Neyung adya an weboka donjok gel geb, anaʾ mab abdak momnya doboka beibsin. Ban momnya donaʾ enera, yuba don nimi bo usinnya bedya, dib yuba lomok uboka ugunuk wanaʾ uboka beibsin. Nera or nadyok wanaʾ unggulusin. Alda nimi nidyaʾ dib yuba ella ulumak nim edya ugunuk yadyek senewoka wanaʾ ulusak.

2 TIMOTIUS 1:13

Nadya anak an seleb leboka, nidyaʾ nekgesa sok, anyek pe sunuwoka ululom. Anya wera, onoʾ nunda Yesus Kristus ab neikaʾ hnonok kweldalamabaʾ adya, nunjaʾ dangamok wanaʾ unaʾ ab, yuba dib senenaʾ ab danyek, anda pe salabmoubuka ululom.