2 TIMOTIUS 4:11 - PERJANJIAN BARU NALCA YUBA

¹¹ Alda Lukas bek hnonok nablaboka neikaʾ ulunam. Anda yanggamen dara, nak an aralemnenelaʾ anasa, Markus bera eboka bobgiga yanalam.

2 TIMOTIUS 4:11 交叉引用

RASUL 12:12

Petrus bedya wenyaboka seleb seiniwoka ganya dibaʾ seleb yok dara, alda Yohanes bok yok si nera Markus alameknya bedya alja genong Maria gedya ek bilimok. Dara, al on ek ara nimi nauba longowoka Imik Neyung ak heng uboka mololemek.

PILEMON 1:24

Hnonda nadyaʾ hemyabo ban nang danadya, Markus beb, Aristarkus beb, Demas beb Lukas beb dadya ugunuk perob aboka gibsak.

RASUL 12:25

Wera Barnabas beb, Saulus beb dara, Yerusalem heik seleb biniboka, sikja sikenek orugesik wa seleb webgogorek dara, Yerusalem heik ab ara, Yohanes yok si Markus be hnon eboka bobdeekanya, onoʾ Antiokhia heikek yeilimek.

2 TIMOTIUS 1:15

Nimi nidyaʾ Asia moka ulumak nim era, nak ara loboka yokok byik. Dara, Figelus beb Hermogenes beb dadyaʾ anaba, seleb nak lo binirekaʾ ara, anda ella ululam.

KOLOSE 4:14

Hnonda wanaʾ ulumaknya hwesinya Lukas bedya hnon, Demas bedya hnon ugunuk gibisirik.

KOLOSE 4:10

Nadya hembe neikaʾ henga gouboka doronggeisiknya Aristarkus bedya hnon, Barnabas, alja dong bedya me Markus bedya hnon, ugunuk gibisirik. Alsamba dara, ugunuk seleb wenyasikaʾ anasa, yanamla dara, ugunda perobaʾ leboka ubnelum.

RASUL 15:39

Dara danyek, Paulus beb Barnabas beb nauba lolowoka wabdangoka lelereekanya, wera doluwoka bokdangoka, Barnabas bera Markus beblaboka neikaʾ Siprus mokaʾ mek ekla bunaʾ adya bukoka birik.

1 PETRUS 5:13

Imik Neyung adya weboka domok nimi, Babilon heikek yuba donaʾ nimi, ugunjaʾ hemyab edya, ugunuk perob aboka giboka beibsak. Dara onoʾ nadya wanaʾ ulunanya Markus bedya ugunuk hnon gibsil.

RASUL 16:10

Wera Paulus bedya lendara wenyaboka maboka bukoka dara, nunja dara, anara Imik Neyung adya mok enyegan nang ek sam Imik Neyung yuba leb eleganok aboka lebla senewoka, men li pe mab lobla wenyek Makedonia sam binob aboka meebdangamoub.

LUKAS 13:30

Dib unuwanamakaʾ ara, wenyek mengewoka ulumak nim era, hnonda eimik dangoka, onoʾ wen eimik dangoka ulumak nim era, hnonda mengewanamak nimi danamak,” hyok.

MATIUS 20:16

Dara onoʾ Yesus adya, ”Anasonya neikek, eimik ulumak nim era mengewoka, onoʾ mengewoka ulumak nim era, eimik dangoka ubnemak,” hyok.

MATIUS 19:30

Bok, nimi nauba wenyek men mengewoka ulumak nim era, eimik dangoka, onoʾ wenyek eimik ulumak nim era, men danamak,” hyok.

RASUL 15:37

Wera danyek Barnabas bedya Yohanes Markus neikaʾ bobnanam senemok.

2 TIMOTIUS 2:21

Nimi ben hnon yok-yok malya unaʾ ak, geisa nenebdanelanya bera, benyek munaʾ nenebdangoka perob wa wenaʾanya ulumnamla. Dara bera, alja neyung adya al nonga perob wa weboka un danasa, weboka doboka dibnamlakanya, alda yok-yok perob wa nidyaʾ webnunaʾ aboka, diri ulumnamla.