2 TIMOTIUS 1:13 - PERJANJIAN BARU NALCA YUBA

¹³ Nadya anak an seleb leboka, nidyaʾ nekgesa sok, anyek pe sunuwoka ululom. Anya wera, onoʾ nunda Yesus Kristus ab neikaʾ hnonok kweldalamabaʾ adya, nunjaʾ dangamok wanaʾ unaʾ ab, yuba dib senenaʾ ab danyek, anda pe salabmoubuka ululom.

2 TIMOTIUS 1:13 交叉引用

TITUS 1:9

Alda nimi yok nim ek wenelesil dara, dib nong yub enyek sunuwoka ganya heksululaʾ aboka hnon, nimi dib yub ak lolomak nim ek, nera meilinya nera an aboka, pe leboka aawosululaʾ aboka hnon, alda alja dib senewoka domok yub ek, nekemek sok, pe salabmoubuka ululul.

2 TIMOTIUS 3:14

Bok Timotius anak dara, ban nang danadya neknyek senewoka seleb ella ululam bok anasa, anak seleb nekenjekaʾ keboka, anja seleb hyak dib senelelamnya nenyek pe salabmoubuka ululom.

PILIPI 4:9

Ugunda nak ab einiwoka dolum perob unaʾ enyek unulululum; nera nadya ununaʾ eiyilum gom, nadya yuba sanaʾ enyek unulululum. Dara, Imik Neyung perob eleknaʾ damoknya bera ugunuk ulumnesil.

ROMA 6:17

Ugunda youmaʾ dara, malya unaʾ adya wa wen nang ululum bok, wera ugunda ugunuk neklesikaʾ ak ganya gouluwoka pe keboka unululumaʾ anasa, Imik Neyung ak pe giblenob.

2 TIMOTIUS 2:2

Nadya anak nimi hnoumuk sam ab uboka nekenggesa yub era, onoʾ anja dara, saawoka bojam ulumakaʾ yok nim ek pe neknemeija nang ek unuwolulum aboka, nekoka dib lolonglesilom.

WAHYU 3:11

”Nara berra yanamna! Yok nang edya anak an Imik Neyung adya perob huk goulunaʾ era doblyek anasa, anak an ulunggelaʾ ara pe salabmoubuka ululom.

WAHYU 3:3

Anasa, anda men youmaʾ enyek unuwanalam aboka nekenjekaʾ hnon pe seiniwanalam. Hnonda hekaʾ ak unuwanalam an yuba kelumaʾ anyek beklom. Dara, ban pe unubgiga balamenekanya, anda malya unaʾ loboka ganya dangawalom. Bok anda anam bukoka pe diri uldanaʾ orok dara, na yanamna salek era, sumen yanamlaʾ ara elgom umen bok, hokaʾ don nang enesoʾ anyek gelelenga yanamna.”

1 TIMOTIUS 1:14

Wera nunjaʾ Wenelesilnya bedya alja wanaʾ uboka eleksinaʾ ara nak gobdo nauba elekmorunyok. Dib senenaʾ ab, nim ak wanaʾ unaʾ amba migiba, Yesus Kristus lomok abaʾ ara nak elegenyok.

YUDAS 1:3

Nadya hemyabo wanaʾ ulusin nim o! Nunja neikaʾ dib senewoka domouba blebsinaʾ damok enesa, momnya doboka beibsununaʾ aboka ulumnakanya, onoʾ munaʾ Imik Neyung mab ek dib senenaʾ damok gobdo elegesuknya bemba, ugunda duboka salabmoubnelum aboka, ugunuk dukaʾ lolom-lolom along sok wenyaboka lebnesin senewoka momnya doboka beibsin.

IBRANI 10:23

Imik Neyung ara aldib alda bojamnya ulumlakanya, alja perobaʾ eleganesin hyokaʾ ara aldib eleganesilaʾ anasa, nunja aldib perobaʾ dobnemab aboka dib senen ganya boboka, nebom alamabaʾ ara gasa salalmoublenob.

2 TIMOTIUS 1:14

Nuk ulusil Imik Neyung Geisinya adya anak arawoka, perobaʾ anak elegenjoknya nera, pe beiyiwoka bo diri ululom.

ROMA 2:20

Dara, anda Yahudi nim emba unuwanalum an yub ek ab, anda yok-yok geremsengaʾ, dib nongnya neb doboka ella ululam anasa, anda sik elgom nim eb, ganya kabnenggom nim eb damba, wenewoka neksinya ululam.

TITUS 2:1

Titus o, bok anak dara, hyak dib perob nong eikaʾ yub enyek ok neklesilom.

1 TIMOTIUS 6:3

Nimi ben hnonda yok yuba nekoka, nunja Wenelesilnya Yesus Kristus bedya alja eikaʾ un yuba hnon, hekaʾ ak ubibyek Imik Neyung pik pe balamnemab aboka yuba hnon, dib senenggulumla dara,

PILIPI 1:27

Yo, anasa wenyek dib nong ara, ugunda Kristus amba lebokaʾ perobaʾ Imik Neyung adyaʾ perob lero yanggan yub enyek, sunuwoka ugunda pe ulumnelum. Ban unu ulumunaʾ adya, yub ok kebnamnaʾ anaba, Imik Neyung adyaʾ perob lero yanggan yub ek ganya dib senewoka un danasa duboka hnonok nonga dangoka ulunobaʾ aboka, yeirilemak anaʾ hnonok ella ubnamna.

1 TIMOTIUS 1:10

Onoʾ yok gela salanaʾ hwam ok ulumak nang amba hnon, gel ganya ok boboka nauba meknelemak nang amba hnon, nimi nengmabo moumen dekeldalamak nim emba hnon, sondaʾ hwam ok wekdeknewoka ulumak nim emba hnon, sondaʾ anasa bobnenewoka lelemak nim emba hnon, nidyaʾ dib nong yuba elegousukaʾ ak bleklemak nim emba hnon, oruknaʾ yub ara elegousukaʾ ara, ella ulumab.

IBRANI 4:14

Anasa wera, Imik Neyung saramek sam seleb byuknya, Imik Neyung bedya me Yesus ara, nunja senenggom yuba wa gakaʾ dubnya nunsamba ulusilaʾ anasa, nunda Imik Neyung yuba dib dobab amoubaʾ ak pe salabmouboka diri ubdanob.

IBRANI 3:6

Bok Kristus ak dara, albabya Imik Neyung me yokaʾ uboka, Imik Neyung e amba dara, alda bojam uboka e dubnya ulumla. Nunda ganya dib senenaʾ ab, ganya wenaʾ ab danyek, salalmoublemeibya dara, wera nu nong ara Imik Neyung alja e dibaʾ ulumab.

TITUS 2:8

Anadya anak malya senelenjak nang era, nunja malya unaʾ hnon ununaʾ orok adya nuk mininaʾ yuba okna anasa, sikda alya dabsulul aboka, nim adya si malya danganggulumla yuba damok enyek, pe geremsengaʾ lanawanamlya yuba damok enyek neklesilom.

1 TESALONIKA 5:21

Yokaʾ-yokaʾ nidyaʾ sunuwomunukanya, perobaʾ ok gasa salabmoubuka ulululum.

KOLOSE 1:4

Ugunja Kristus Yesus ak dib senelelumaʾ ab, munaʾ Imik Neyung mabo nidyaʾ ak wanaʾ ulumak an yub enyek, seleb kemoubaʾ anasa, unulumab.

2 TIMOTIUS 1:1

Nara Paulus bedya, nadya wanaʾ nong ulunggen me, najabo Timotius anak ban momnya donaʾ era weboka beibgen. Nara Imik Neyung adya seiniwoka donyokaʾ adya, Yesus Kristus bedya yuba lenaʾ gaknya uboka, Yesus Kristus lomok nim embengaʾ ulumnamak amok yuba lero yabalamna.

2 TIMOTIUS 4:3

Nimi jongaʾ pe ulumak yuba dobnenggunumak sum hnon yanalabok anasa, pe neklesilom. Eimik era dobnenggunumaakanya, saawoka nim adya anyek unuweisinya senewanamaakanya, nenyek ok unulumnumak. Dara, nunja o kelemeibya dara, pelemlya anyek kero ulunob senen malya neknaʾ enyek neklesinokaʾ aboka, nimi neksin nang nauba, bo boklomnemak.