2 KORINTUS 4:5 - PERJANJIAN BARU NALCA YUBA

⁵ Yuba lel eleklesabaʾ ara, nun nong anyek geklewoka lel eleknenggulusab. Alda yub enera, Yesus Kristus ara Wenelesilnya nong ara an, an yub enyek, lel eleklesab. Bok, nuk dara alsamba leboka, ugunuk arasin nang ulumab aboka lel eleklesab.

2 KORINTUS 4:5 交叉引用

2 KORINTUS 1:24

Dara, ugunja dib senelelumnya nek, nuk dara, oruksin nang ulusinob senenggulusab. Ugumbeyok dib senelelumukanya, kaboka ululumaʾ anasa, nuk dara, ugunuk eiya ganya bon danasa, arasin nang ulumab.

1 KORINTUS 1:23

Bok nuk dara, Kristus gal ak glaboka somogok yub ek lero yabalemab. Dara, Kristus gal dubuk somogok yub era, Yahudi nim ek dara, ganya suguwoka lek senelemak. Bok Yahudi gom nim ek dara, salyaʾ so yuba senewoka dolbaleka dablesil.

GALATIA 5:13

Nadyaʾ hemyabo nim o, ugunda henga lob lomnaʾ anasoʾ ak ulululumaʾ aboka, Kristus ara ugunuk youbsuk. Ugunuk an lobsukaʾ ara, an unuwosukaʾ adya nunda yokaʾ-yokaʾ ak dara, ganya oka denaʾ adya salyaʾ lelem unulunok senenaʾ ara loboka, alda wanaʾ ubdangoka ugun moumen araldalalulum.

PILIPI 2:11

Sikda nidyaʾ adya dara lebnemakja, ”Yesus Kristus anyek hnonok Wenelesilnya dibaʾ ulumla,” aboka laga lebnemak, dara wera anadya, neyung Imik Neyung ara alja si imik nenewanamak.

PILIPI 1:15

Wera ban Kristus yuba lero yabalamak nang era, hnon nang era hman ganya boboka lolobdanob senen lero yabalamakaʾ ara aldib bok, hnon nang era Imik Neyung ak ganya gouluwoka perob ganya boboka lero yabalamak.

2 PETRUS 2:3

Sikenek sondaʾ yub ok miniwoka neklesak nang ek adya, ugunja sikenek perobaʾ elegosunuk senewoka, dib gomnya nenyek miniwoka ugunuk neklemnesak. Bok ban unulumakaʾ amba leboka, Imik Neyung adya igina yakaʾ ara seleb orowek beibuk, hnonda nenesemba leboka Imik Neyung adya sikenek obnesin aboka gegewoknya nera or anam diri ulusil.

TITUS 1:11

Ban wenyhen nim era, neknenggunuseng yub edya, nimi nauba nim e gebman malya nenelesakaʾ anasa, sikja sibamaʾ hyak lebnok. Sikda ban unulumaknya nera, anadya deknaʾ salyaʾ malya uboka dobnobaʾ aboka ulumak.

2 TIMOTIUS 2:10

Wera anasa, ban nenesa leboka, Imik Neyung weboka gaboka dolosil nim enyek, sikda Kristus pik uboka eleklesil blebnaʾ damok hnon, anya sikenek si imik nenesinaʾ damok anaba, dobnokaʾ aboka, onoʾ nara yokaʾ-yokaʾ ara igina kweboka goululumaʾ aboka gweklamna.

1 KORINTUS 12:3

Imik Neyung Geisinya adya bo ulusilya nim edya dara, ”Yesus ak ara meilinya,” hemenggom anasa, ugunda ella danalum aboka, neksin. Anasonya neikik, onoʾ Imik Neyung Geisinya adya diri bo usinaʾ orok nim edya, ”Yesus anyek Wenelesilnya ulumla,” hemenggom anasa lebsin.

1 KORINTUS 8:6

nun nong ak dara, Imik Neyung nunja neyung hnonok ok ulumla. Al adya dara, yokaʾ-yokaʾ nidyaʾ uyimoknya bek ulumla. Nunda al nong amba ok ulumab. Nunja Wenelesilnya bera, nuk dara hnonok ok ulusilaʾ ara, Yesus Kristus hnonok ulusil. Nidyaʾ yokaʾ-yokaʾ ara, Yesus Kristus pik moruwoka uyimok. Dara, nunda al adya embengaʾ ulumab.

1 KORINTUS 2:2

Anasa, nara orowek Korintus nimi gangganek ulumnya dara, yok-yok yuba salyaʾ lebnenggunumna bok, alda Yesus Kristus yuba nong ok lelemnyekanya, okoka dara, Kristus gal dubuk somogokaʾ damok nong anyek ok, lelemnamna senemsa.

RASUL 10:36

”Hem yab o, Israeli nim ek Imik Neyung adya lesuk yub era ugunda seleb ella ululum. Ban lesuk yub era, Yesus Kristus adya ganya hekdangoka un yub ek lebsuk. Ban Yesus ara nimi nidyaʾ siksamba Wenelesilnya ulusil.

RASUL 5:31

Dara, nimi Israeli nimi ganya dangawoka malya unaʾ memelemnesilaʾ dobnokaʾ aboka, Imik Neyung adya Yesus ak imik weliyiwoka, alja sirik soruk sam bukiyiwoka, onoʾ nimi diri bo usinaʾ damok hnon, nimi blebsinaʾ damok hnon alak elegemok.

RASUL 2:36

Anasa wera, Yesus ugunja oboka gal ak glablumnya bera, aldib Imik Neyung adya or ban Yesus anyek, nimi wenesinaʾ ab blebsinaʾ ab, dubnya Kristus jaboka sekiyimok, ara Israeli nimi nidyaʾ pe ella danasom,” hyok.

YOHANES 7:18

Nimi be hnon alja neklesilaʾ ara, alja ganya doboka sonda anasa, lelemla dara, alda yok nim edya nak gigilenenokaʾ aboka hogung bo amalamla bok, al bokol yeilinanya bek si imik dolulaʾ aboka lelelanya bera, alda hyak dib ok ulumlakanya, alak ara sondaʾ yuba unuruwaʾ ara alak mekaʾ unggulumla.

MATIUS 23:8

”Anasa ugunuk dara, ugunjaʾ neksinya bera hnonok ok ulusilekanya, ugunda nidyaʾ hiboka, hemyab ok ululumaʾ anasa, neksin nang aldanaʾ ara mem.

MATIUS 3:11

”Nak dara, malya unaʾ ak ab seleb ganya dangawak anaʾ dibaʾ amba, mek dem adya ok dalasin bok, nak berem eimik yanalanya bedya dara, alda ugunuk Imik Neyung Geisinya ab uk ab dadya, mek dibaʾ dabnesil. Nak dara or mek so bok, alak dara, hyak senenggomnya bek yanamla. Alja yan ongonaʾ anaba, nak dara doboka bobnenggunusinya.

2 KORINTUS 1:19

Anasa Imik Neyung bedya me Yesus Kristus si anyek, Silas bedya gom, Timotius bedya gom, nadya gom, leb elegousubnya nenyek dara, or, orokaʾ ak sene bobnenewoka lebnenggusub. Al Yesus ak dara, ”Or” anaʾ ok ulumla.

1 KORINTUS 15:47

Men uyimoknya Adam bera, soko yokaʾ ak doboka uyimok, bok eimik Adam bera, imik heikek abaʾ ara yeilimok.

1 KORINTUS 10:33

Ugunda naba ulumna sok, ugumba unu ulululum. Nara nak pewonululaʾ aboka ununggulumna. Alda yok nim enyek, yokaʾ-yokaʾ nidyaʾ ak ganya sangillilisununaʾ aboka ulumna. Ban nadya nidyaʾ unulunanya nera, nimi nidyaʾ blebsululaʾ aboka ulumna.

1 KORINTUS 4:15

Kristus yuba donaʾ nim ululumukanya, ugunuk yuba neksin nang era, denga salyaʾ ulusiseng bok, ugunjaʾ neyung bera gong danggunuseng. Na Paulus ben nong anyek, Kristus Yesus adyaʾ perob lero yanggan yub elegeisisaʾ adya, ugunja neyung be dangoka unya nok ulumna.