1 YOHANES 4:8 - PERJANJIAN BARU NALCA YUBA

⁸ Imik Neyung ara wanaʾ ululanya anasa, nimi ben hnon alda wanaʾ unggulumla dara, wera Imik Neyung bek ara elgom ulumla.

1 YOHANES 4:8 交叉引用

1 YOHANES 4:16

Dara nuk dara, Imik Neyung adya nuk wanaʾ ulusilaʾ ara, nunja ella dangoka dib senelemab. Imik Neyung alda wanaʾ unaʾ damoknya ulumla. Nimi wanaʾ unaʾ adya ok deknewoka ululanya bera, alda Imik Neyung ab neikaʾ hiboka uluraakanya, onoʾ bera Imik Neyung ab neikaʾ kwebdangoka ulurak.

1 YOHANES 4:7

Nadya wanaʾ ulusin hemyabo nim o! Wanaʾ unaʾ ara Imik Neyung ak ab lanalamlaʾ anasa, nunda wanaʾ uldalamnemab e. Wanaʾ ganya ululanya bera, alda Imik Neyung adya beiyimoknya ulumlakanya, alda Imik Neyung ak ella ululanya bera an ulumla.

2 KORINTUS 13:11

Anya wera, hemyabo nim o, ugunda sobaʾ ei-ei ganya ok boboka, ganya kaboka pe ulunob ganya sobaʾ bololulum. Heknaʾ ganya hnon bololulum. Ugunda neik ganya ok boboka, neikaʾ kwebdangoka ulululum. Dara, Imik Neyung wanaʾ hwam ok uboka, heknaʾ ok ululanya bedya ugunuk ok ulumnesil.

EPESUS 2:4

Bok Imik Neyung ara, alda angoo yadyek senewoka arasinaʾ hwamnya bedya, nuk hyak wanaʾ nauba ulusukaʾ anasa,

1 YOHANES 1:5

Ban yub enyek alja me nek ab kemoubukanya, ugunuk leb elegesuba yub era ban: Imik Neyung ara alda dilinaʾ ok uboka, gunaʾ ara al lomok hnon mekaʾ unggulumla.

1 YOHANES 3:6

Ben hnon ara, Kristus ablaboka neikaʾ kwebdangoka uluraknya bera, sob-sobaʾ sounuwoka malya ununggulumla. Sob-sobaʾ sounuwoka malya unululanya bera, Kristus ak anam eilinaʾ orokaʾ uboka, alda hyak elgom ulumla.

1 YOHANES 2:9

Nimi ben hnon, ”Nara dilinaʾ ak ulumna,” alaladyok, al kab ek lek senelamla dara, bera weneba or anam gunaʾ ak ulmorulamla.

1 YOHANES 2:4

Ben hnon leleladya, ”Nara Imik Neyung ak ella ulumna,” alaladyok, alja alak oruklamla anyek pe ununggulumla dara, bera alda sondaʾanya ulumlakanya, dib yub ara alja ganya lomok unggulumla.

IBRANI 12:29

Nera nunja Imik Neyung era, momnyanga wouluwoka delemla uk ek ulumlaʾ anasa, unu giblenob.

1 YOHANES 3:10

Anara Imik Neyung mab ulumak, nenera Iblis mab ulumakaʾ aboka, beknaʾ damoka ella dangalamabaʾ ara ban adya. Heknedya Imik Neyung seinilamlaʾ ak ununggulumla gom, al kab ek wanaʾ unggulumla gom dara, wera bera alda Imik Neyung alja me unggulumlaʾ ara an.