1 TIMOTIUS 2:1 - PERJANJIAN BARU NALCA YUBA

¹ Hyak men youbuka ugunuk, molonaʾ ab, heng uboka lenaʾ ab, nauba yokaʾ-yokaʾ dib nong amba hnon, nimi nidyaʾ amba Imik Neyung ak perob aboka molowoka giblelulumaʾ aboka, ugunuk wenewoka moloweisin.

1 TIMOTIUS 2:1 交叉引用

2 TESALONIKA 1:3

Hem yab o, nunda ugunsamba leboka sobaʾ Imik Neyung ak perob aboka giblemab. Ugun nong anyek, Kristus ak nauba dib senebgiga balalumukanya, ugun moumen anaba wanaʾ ubdanggiga balalumaʾ anasa leboka, wera wanoksodya nera unulumab.

YAKOBUS 5:16

Anasa wera, ugunda merewanalum aboka dara, malya ulumunaʾ ara laga lebdangoka, onoʾ heng uboka mololdalalulum. Imik Neyung ak pelemak nim edya mololesak dara, senenggom migiba lanalamla.

EPESUS 5:20

Or yok-yok damoka nidyaʾ ulumlaʾ amba leboka, nunjaʾ Wenelesilnya Yesus Kristus anasa leboka, neyung Imik Neyung ak hyak sobaʾ perob aboka giblelulum.

2 TIMOTIUS 2:24

Imik Neyung alja wa welelanya bek dara, waldanaʾ yuba hyak mem. Bok saawoka, alda yok nimi nidyaʾ ak namen ok uboka, yuba pe nekoka, ganya pe siklewoka ululul.

1 TIMOTIUS 2:4

Imik Neyung alja hnonok senelamlaʾ ara, nimi nidyaʾ ara blebsinaʾ damoka doboka dib yub ara nidyaʾ ella danok senelamla.

PILIPI 1:3

Nara ugunuk seiniweisin dara, Imik Neyung ak sobaʾ perob aboka giblamna.

IBRANI 6:11

Ugunja ganya adya nebom aboka dobsibya senewoka diri ululumaʾ ara, eimik pe dobnelumaʾ anasa, nunja dara, ugun moumen anyek pe yeiriwoka welemunaʾ ara sidyaʾ daklul senen ganya bolosab.

TITUS 3:2

Onoʾ sikenek, yok nimi si ak malya yub edya, malya nenewomunuk aboka hnon, nimi yok nim eb mala weboka waldanaʾ loboka, pe heknaʾ ganya boboka ulululum aboka hnon, nidyaʾ yok nim ek, namen uboka pe heknaʾ hwam ok ulululum aboka hnon, wenelesilom.

TITUS 2:11

Anasa Imik Neyung ara seleb orowek soko nimi nidyaʾ ak, blebsinaʾ damoka bo yalasil wanaʾ unaʾ era, seleb aawosuk.

1 TIMOTIUS 5:5

Nimi hnon aranaʾ orokaʾ anyek albeyok ulumlya youk gel gera, Imik Neyung alak ok seiniwoka, yubyek inimnek pik arawonulul senewoka alak mololsinilamla.

1 KORINTUS 15:3

Hemyab o, nadya ugunuk yokaʾ-yokaʾ leb elegesisaʾ ara, nadya seleb dobsenya nek leb elegesisa. Imik Neyung yuba momnya dobok sok, hyak dib nong ara, Kristus somogok ara nunja malya unaʾ enesa somogok aboka, seleb leb elegesisa.

RASUL 17:30

Nunja youmaʾ dongdang alamoubnya nera, Imik Neyung adya seleb hekiyiwosuk bok, wenyek dara, nimi nidyaʾ mok soko me ulumak nim ek, ugunda ganya dangawoululum wenyalasil.

1 TESALONIKA 3:12

Wenelesilnya bedya migib edya, nunja ugunuk wanaʾ ulusab sok, ugun moumen wanaʾ nauba ubdangoka, anya onoʾ nimi yok nim ek wanaʾ ubgiga balamunaʾ adya, wera anadya ugunja wanaʾ unaʾ nauba danggiga balalul senelemab.

ROMA 6:17

Ugunda youmaʾ dara, malya unaʾ adya wa wen nang ululum bok, wera ugunda ugunuk neklesikaʾ ak ganya gouluwoka pe keboka unululumaʾ anasa, Imik Neyung ak pe giblenob.

ROMA 1:8

Hyak men dara, nadyaʾ Imik Neyung bek perob aboka giblamnaʾ ara, Yesus Kristus pik uboka, ugunja ganya yuba dib dobek an yub enyek, mok soko nidyaʾ ol lelelamlaʾ amba giblamna.

2 KORINTUS 8:6

Ban unumek anasa, ugun gangganek sam hnon, Imik Neyung adya pe arawoka unulusilaʾ adya, neik unaʾ unulumnulum aboka, Titus bedya nek einimoknya nenyek webdaknamla aboka orugomouba.

EPESUS 3:13

Ugun nong anyek, na pik uboka perobaʾ nenewosuknya nenesa leboka, nak an igina kweboka malya nenelenelaʾ anara, ugunuk si perobaʾ dolulumaʾ aboka ulumnaʾ anasa, ugunda angwei senewoka, ganya hmenga neneldanaʾ hnon ara, mem aboka moloweisin.

EPESUS 6:18

Dara, Imik Neyung Geisinya adya, ugun nonga bo ulusilaʾ adya, nidyaʾ salek enyek, yokaʾ-yokaʾ amba mololelulum. Dara, sobaʾ websiniwoka, munaʾ Imik Neyung mabo nidyaʾ amba bulugul lonaʾ loboka, mololsinilelulum.

PILIPI 4:6

Ugunda yokaʾ-yokaʾ hekaʾ huwanamab do senewoka ganya daldom-daldom anggom, mem. Yokaʾ-yokaʾ dobnob senewanalum dara, anyek Imik Neyung ak elegeisilom aboka sobaʾ mololelulum. Ugunja nunda anyek dobsibya senelelumaʾ anyek si sibuka, Imik Neyung ak perob aboka giblemunukanya, mololelulum.