1 TIMOTIUS 1:7 - PERJANJIAN BARU NALCA YUBA

⁷ Ban nera, Yahudi nim emba unuwanalum an yuba neksin nang danob senelemak bok, sikja salamak yuba damok era, ella danganaʾ ara orok jok, onoʾ hnonda sikja meka lelewoka salamak yub ek ara, munaʾ gobdo elgom ulumak.

1 TIMOTIUS 1:7 交叉引用

ROMA 1:22

Sikda geremseng uboka, pe ulumna nang enesoʾ seneldalamek bok, sikda hyak dongdang anaʾ hwam nang dangamek.

2 PETRUS 2:12

Sikda pam unuruwaʾ ak beiyiwoka oboka youn danasa liklemak sokaʾ ak ulumak. Sikda hyak perob ganya era mekaʾ seininggulumak, anya sikja unulumakaʾ nidyaʾ ara salyaʾ anyek unulumabaʾ ara elgomjok, damok ara anaso danamlaʾ ara salyaʾ ulumakaʾ adya malya geboka derewoka lelemak. Anadya sikja meneng meknewoka unulumak malya unaʾ edya sik nonga geregoka, nim adya pam olomak sok, Imik Neyung adya dara, sikenek obnesil.

1 TIMOTIUS 6:4

alda dengdang anaʾ adya ella neneldalalabok, yokaʾ-yokaʾ hyak elgom nong jok ulumla. Alda malya ganya edyok wek deknewoka ulmeilimdanyaʾ anasa mala weboka, ella ubnamenggom yuba, bobnenewoka geklero salamakaʾ adya bolgereklamla. Dara, bera ban adya solom ganya hnon, waldanaʾ hnon, hman leldanaʾ hnon, gogobaʾ ganya bobdangoka malya seneldanaʾ hnon, nauba lanalamla.

GALATIA 3:5

Imik Neyung ara alja Geisinya ugunuk elegoka, aljaʾ yokaʾ lok soʾ migib ununaʾ senenggomaʾ ara ugun gangganek unulusil. Ban unulusilaʾ ara unuwanalum an yub ek pe unululumaʾ adya unulusil gom, Kristus amba yub enyek ugunda keboka dib senelumaʾ adya unulusil gom?

2 TIMOTIUS 3:7

Ban unulumak gelewa dara, yuba sob-sobaʾ kelemak bok, dib yub ak sikda ella ubnamenggomaʾ ak ulumak.

GALATIA 3:2

Nara ugunuk ab hnonok ella danamnaʾ ara, ugunda Geisinya dolumaʾ ara, unuwanalum an yub unululumaʾ adya gom, alda Kristus yub ak dib senelumaʾ adya dolum gom?

GALATIA 4:21

Hemyabo nang o, ugun unuwanalum an yub ek ganya beiliwoka ulumnamab senelelum nang era, ban unuwanalum an yuba lelemlaʾ ara ugunda ella ululum gom, orok gom, wera neknenulum!

MATIUS 15:14

Ugunda Parisi nim enesa nauba seiniwoka lenggom. Sikenek seleb henga luma yousuk nang ek anara ulumak, anya henga lumnya bedya henga lumnya bek pik ablamla. Dara sikda neikaʾ selengaʾ lomok malyingginirak,” hyok.

RASUL 15:1

Wera nimi wene nang Yudea sokok sam ab ara, Antiokhia heikek yeilimeekanya, Imik Neyung yuba domek nang ek wenewoka, ”Ugunda Musa bedya momnya dobok yuba sunuwoka bolaʾ garanaʾ orok dara, dib embengaʾ blebnenggunusil,” aboka lel eleklesik.

MATIUS 21:27

Wenyaboka, ”Nunda elgoma,” hyek. Wenyek Yesus adya sikenek, ”Wera anasa nababya, damok enedya nara yokaʾ-yokaʾ unulamnaʾ ara, anedya unulamna aboka neknenggunusin,” hyok.

LUKAS 2:46

Wera elerek salek era liga winilya seleb maboka gwelegok danyek, alda Yahudi nim edya Imik Neyung yuba neklesik nang eb, yuba wa gak nang eb, sik gangganek sam sikenek heiboka, alja onoʾ saaboka leboka, Wenelesilnya Imik Neyung bedya ek sam bulumok ak eiyirek.

YAKOBUS 3:1

Na kabo nim o! Ugunda banyek ella danalum, yok nim era or mek so bok, nunda neksin nang dangalamab nang enyek, eimik era hyak gasaʾ anyek nauba yana lelewanasil bok anasa, nauba neksin nang danamab senenaʾ ara mem.