1 PETRUS 5:14 - PERJANJIAN BARU NALCA YUBA

¹⁴ Ugun moumen anaba Imik Neyung yuba dolomak nimi beknaʾ dolululaʾ aboka, nadyaʾ hemyab aboka gibdangoka ulululum. Dara, Imik Neyung adya Kristus mabo silibaʾ dangalum nim ek heknaʾ ganya ara sobaʾ ulusulul. Nadya Petrus bedya seleb lebna.

1 PETRUS 5:14 交叉引用

ROMA 16:16

Ugunda yuba dobub nang senewoka hyak pe ganya olokdangoka gibildalalulum. Anyagan Kristus yub dorob nim nidyaʾ ara perob aboka gibisak.

EPESUS 6:23

Nunja neyung Imik Neyung bedya hnon, Wenelesilnya Yesus Kristus bedya, nimi nidyaʾ yuba dololum nim ek, ganya heknaʾ hnon, dib senen ganya boboka, wanaʾ unaʾ hnon eleklesulul.

ROMA 8:1

Anasa wenyek dara, sikda Kristus Yesus lomok ulumak nim ek ara, igina kwenaʾ ara unggulumla.

1 KORINTUS 16:20

Nunja hemyabo anyagan nim edya nidyaʾ ugunuk perob aboka gibsak. Ugun moumen anaba yuba dolomakaʾ geknewolulaʾ aboka, pe salawoka gibeldalalulum.

ROMA 1:7

Ugunda Roma heik ululum nimi nidyaʾ ara, wera Imik Neyung ara seleb wanaʾ ulusuukanya, ugunuk munaʾ Imik Neyung mabo danalum aboka youbosuk nim ek ara, wanaʾ uboka eleksinaʾ ab, perob dangoka pe namenaʾ unaʾ ab danyek, Imik Neyung bek ab hnon, nunjaʾ neyung Wenelesilnya, Yesus Kristus bek ab hnon, ugunuk arawoka bo ulusulul.

2 KORINTUS 5:17

Anasa, Kristus lomok ulumak nim era, gobdo wenyok nimi dangalamak. Youmanya nera dengaboka, wera wenyoknya nok dangalamla.

1 KORINTUS 1:30

Imik Neyung adya ganya doboka albeyok unumokaʾ adya, wera ugunda Yesus Kristus ablaboka geisa nong gebeiyisuk. Dara, Imik Neyung adya, Kristus doboka, nunja geremsengaʾ alan aboka dangiyisuk. Dara onoʾ, al Yesus ara nunjaʾ ganya peldisinaʾ ab, geisa unaʾ ab, blebsinaʾ ab danyek, ulusil.

YOHANES 20:26

Dara, onoʾ nenyek minggu sum enyek, Yesus alja yuba doro diriga ban nang eb, neikaʾ Thomas beblaboka neikaʾ ak ulumek. Dara, e pika nidyaʾ gasa seregoka longomek bok, Yesus ara gabdeboka sik hnoumunga sekoka, ”Maly, lok ganya bonggom,” hyok.

YOHANES 20:19

Dara onoʾ, al on minggu en men sum enyek seleb inimok dara, Yesus alja yuba doro diriga ban nang era, Yahudi nang enyek lok anasa, obsijek aboka pika gasa seregoka, hnonokaʾ ak longomek dara, Yesus ara albeyok sik gangganek sam gelelenga sekel yeilimok dara, sikenek, ”Maly, lok ganya bonggom,” aboka lebok.

YOHANES 16:33

Nadya ban orowek men ugunuk nidyaʾ laga lelesinaʾ ara, ugunda nablaboka seleb hnonok dangoka, perob ok ulululum aboka lelesin. Ugunda sokok an anam ulumun salek, yokaʾ-yokaʾ damok oka kwelemnesil bok, sokok an yokaʾ-yokaʾ damok ara, nadya seleb yu gom nenewasaʾ anasa, ugunja ganya siklewoka kaboka ulululum,” hyok.

YOHANES 14:27

Ganya daboka unaʾ ara ugunuk lobonggo binisin. Narinya nenyek ugunuk elegoka lo binisin. Sokok anyeb eleklesilnya nenesoʾ ak eleganggunusin. Anasa, ugunda mounduk-mounduk aboka lok ganya bonggom,” hyok.

1 TESALONIKA 5:26

Nun kabo nim sikda nidyaʾ ak, nunsamba giblulum.

2 KORINTUS 13:12

Yuba dolomak nimi geknebaʾ uboka, na kabo nim aboka pe gibdangoka ublulum.

1 PETRUS 1:2

Neyung Imik Neyung bedya albeyok men seinimokaʾ sunuwoka, Imik Neyung Geisinya adya, alja geisa mabo nenelesilaʾ adya, ugunda Yesus Kristus ak pe keeboka unuwolulumaʾ aboka, Yesus eneng adya mek elegosululaʾ aboka, Imik Neyung adya ugunuk weboka dobsuk. Anara Imik Neyung amba ok munaʾ gobdo ulunokaʾ aboka ubsuk.

MATIUS 5:47

Imik Neyung ak elgom ulumak nim eneba unulumak bok anasa, ugunda ugunjaʾ hemyab ok perob aboka giboka ulumnelum dara, pelelum de?

3 YOHANES 1:14

Alda anab neikaʾ eibdeinimekanya, ok ab neikaʾ bukoka pe sabnomaʾ aboka, dubla anaʾ loboka yananabok anasa, lobna.