1 PETRUS 4:8 - PERJANJIAN BARU NALCA YUBA

⁸ Nim ara sik moumen wanaʾ uldalamnaʾ adya, onoʾ malya unaʾ nauba bok, laga lebdangoka doboka bologoldalamakaʾ anasa, yok-yok ununaʾ era mek so bok, ugun moumen anyek hyak nauba wanaʾ uldalalulum.

1 PETRUS 4:8 交叉引用

KOLOSE 3:14

Anya ban nidyaʾ amba dib nongnya nera, wanaʾ uldanaʾ anyek, neikaʾ hiboka munaʾ pe goublesilaʾ anyek, ganya enyek sobaʾ bololulum.

1 PETRUS 1:22

Ugunda Imik Neyung yub anyek dib senelelumaʾ adya, ugun nong ara seleb geisa nenebdangoka, neik yuba dololum nim ek ara pe wanaʾ ulusulum. Anasa leboka, ugun moumen pe ganya goluwoka wanaʾ uldalalulum.

YAKOBUS 5:20

ugunda ban yub enyek seiniwanalumaʾ ara, Nimi malya unaʾ pik balanabok doboka perobaʾ ak sam beil yalalanya bera, malya ulumna nong unaʾ hnon bleboka, onoʾ somoknaʾ ak ab bleboka dolomlakanya, wera dololanya bedya malya unaʾ nauba doboka boloklamla. Nara Yakobus bedya gibsin e.

1 KORINTUS 13:1

Nara nim adya yuba nidyaʾ ella dangoka salasinya bok, lero nang yub anaba ella dangoka salasinya bok, yok nim ek, wanaʾ unaʾ orok dara, wera nadya ella dangoka salasinya yuba danara, abya meklaʾ ak moka go-go alamla sokaʾ ak, senenggom nyonyanaʾ nyo-nyo alamla sokaʾ ak, ulumnesinya.

1 TESALONIKA 3:12

Wenelesilnya bedya migib edya, nunja ugunuk wanaʾ ulusab sok, ugun moumen wanaʾ nauba ubdangoka, anya onoʾ nimi yok nim ek wanaʾ ubgiga balamunaʾ adya, wera anadya ugunja wanaʾ unaʾ nauba danggiga balalul senelemab.

IBRANI 13:1

Dara, ugunja hemyabo nim ek wanaʾ uldanaʾ ara hyak pe unulululum!

1 TIMOTIUS 1:5

Nadya anak wenelenggenaʾ ara, nim ara perob ganya bobnokaʾ aboka hnon geisa ganya anyek ganya dukduk nong ok ulululaʾ aboka hnon, dara onoʾ sikda Wenelesilnya bek hyak dibaʾ ganya ologoka ulumeijekanya, wera ban adya sik kabo nim ek wanaʾ ulunok senewoka wenelesilomaʾ, aboka lelemna.

2 TESALONIKA 1:3

Hem yab o, nunda ugunsamba leboka sobaʾ Imik Neyung ak perob aboka giblemab. Ugun nong anyek, Kristus ak nauba dib senebgiga balalumukanya, ugun moumen anaba wanaʾ ubdanggiga balalumaʾ anasa leboka, wera wanoksodya nera unulumab.

3 YOHANES 1:2

Nara anak eikaʾ anyek ulumenekanya, nidyaʾ yokaʾ-yokaʾ ara perob ok ulunggululaʾ aboka mololenggen. Anya wera, anda ganya ak dara pe ululam sok, yokaʾ nidyaʾ pelenggululaʾ aboka mololenggen.

YAKOBUS 5:12

Hyak men mem nongaʾ ara, ugunda im ak si sibuka, soko ak si sibuka, yokaʾ-yokaʾ ak si sibuka laga dib unuwanamna aboka mema lenaʾ ara hyak mem. Imik Neyung adya igina yakaʾ boyiwesilyek anasa, ugunja lebnemunaʾ ara dib dara, ”Yo” hululum, sondaʾ danalyebok dara, ”Orok” hululum.

1 KORINTUS 13:4

Nimi ben hnon, yok nim ek wanaʾ dibaʾ ululanya bera, ganya siklewoka namen ganya adya perob ok unulamla. Wanaʾ unaʾ ara, alda solom ganya bonggulumla, imik neneldanggulumla, dengdang ganya bonggulumla.