ꤚꤟꤥꤗꤢꤩ꤬ 13:5 - Kayah Western (Latin)

⁵ Phúnuôrò, thǐ tǒbè ní̤dǎ kayǎ dố a pố thǐ tahe angó̤. Dố thǐ me̤thû́ akhu-akhyěrò a ki cirya thǐ pǎ phúnuô tû́dû má̤to, thyáphú thǐ ki thè́gnělya̤ ní̤dyé kuô̌ pó̤dû thǐné̤ ná me̤phúyě ma aryáryá phúnuô prè́.

ꤜꤤ꤬ꤡꤢ꤭ꤏꤢꤧ꤭ ꤢ꤬ꤞꤢꤧ꤭ ꤔꤢ ꤢ꤬ꤜꤟꤛꤢꤩ꤬ ꤒꤢ꤬ꤟꤢꤩ꤬

⁵ ꤖꤢꤨꤔꤌꤣ꤬ꤚꤢꤪ, ꤞꤤ꤭ ꤒꤥ꤭ꤙꤢꤧ꤬ ꤔꤟꤤꤘꤢ꤭ ꤊꤢ꤬ꤛꤢ꤭ ꤘꤣ ꤢ꤬ ꤕꤣ ꤞꤤ꤭ ꤒꤢ꤬ꤟꤢꤩ꤬ ꤢ꤬ꤍꤟꤥ꤯ ꤘꤣ ꤞꤤ꤭ ꤗꤟꤢꤩ꤬ꤞꤢꤦ ꤢ꤬ꤋꤢꤨ꤬ꤢ꤬ꤋꤛꤢꤩ꤭ꤚꤢꤪ ꤢ꤬ ꤊꤟꤢꤦ ꤕꤜꤤ ꤞꤤ꤭ ꤕꤢ꤭ ꤖꤢꤨꤔꤌꤣ꤬ ꤒꤢꤦꤘꤢꤦ꤬ ꤗꤟꤢꤒꤥ꤬, ꤞꤛꤢꤖꤢꤨ ꤞꤤ꤭ ꤊꤟꤢꤦ ꤞꤢꤧꤑꤢꤩ꤭ꤜꤟꤛꤢ꤬ ꤔꤟꤤꤘꤛꤢꤩ ꤊꤟꤌꤣ꤭ ꤕꤟꤥꤘꤢꤦ꤬ ꤞꤤ꤭ꤔꤟꤢꤩ ꤔꤢ ꤗꤟꤢꤩ꤬ꤖꤢꤨꤛꤢꤩ꤭ ꤗꤢ꤬ ꤢ꤬ꤚꤛꤢꤚꤛꤢ ꤖꤢꤨꤔꤌꤣ꤬ ꤕꤚꤢꤧ꤯

ꤚꤟꤥꤗꤢꤩ꤬ 13:5 交叉引用

Petru aré̤lố tôba 2:19

Thǐ ki myá Cò́marya amèthè rò tè̤cyě̤ dố thǐ tǒkò khyá má̤to tadû́rò thǐ ki khyáthè́plòhtǔbè́ hénuô Cò́marya ki myáduní̤ thǐ pǎ.

Prè̤dônyǎphú tahe 24:16

Thyáphú vǎ thè́plò a tè̤tane̤yě a ki mwǒ̤plǐ dố Cò́marya ná prè̤lukayǎ a mèthènyě nuô, vǎ yácû́ me̤tè̤ aryá tadû pwǒ̤꤮ tôphuố cò́.

Petru aré̤lố tôba 3:16

Thǐ thè́plò ki hélya̤ní̤ thǐ ná thǐtè̤thû́ oto hénuô, tarú me̤ plehyǎ lǎ ní꤮. Thǐ ki me̤phúnuô hérò kayǎ dố a hébò̌hébye, a hé mǔmyá̤ricyá̤ thǐ tè̤othǎryǎ ryá dố Krístu akǔ yětahenuô, a ki thè́tarè̤̌ ní̤dyé khyědû ná a tè̤hébèhésû̌ akhyě pǎ.

Hebreo 13:18

Kwǐcò́bè̌ pé̤ pó̤ lahyǎ dố pè̤gně. Pè̤ thè́gně tǎ̤te̤ cò́ ná dố pè̤ thè́plòkǔ yěnuô mo̤mo̤꤮ a mo̤ prè́, a dya tè̤thû́ ná pè̤ tôcô꤮ to. Htuô̌rò pè̤ me̤tè̤ ǐtětě꤮ bèbè, pè̤ thè́zṳ̂́ me̤shuô̌shuô̌prè́ tè̤ dố atǒ tahe pwǒ̤꤮ tôphuố cò́.

ꤚꤟꤥꤗꤢꤩ꤬ 13:6

Phúnuô akhu-akhyěrò, thǐ tǒbè dyépé̤ kuô̌ khwí amo-arǎ, me̤těhérò èthǐ ma a htwǒ Cò́marya a prè̤me̤tè̤phú tahe. Htuô̌rò èthǐ ma a dyélya̤ athè́ rò a me̤ lò̌shuốlò̌khè̌ pé̤ ǔ ná a tè̤pốtarí yě agně.