ꤛꤥ꤭ꤟꤢ꤬ 11:52 - Kayah Western (Latin)

⁵² Htuô̌rò a tè̤hépro̤ yěnuô, a tǒprè́tû́ Jesǔ ki thyě pé̤ dố Judaphú tahe agně nuômá̤to, a ki thyětuố̤ pé̤kuô̌ Cò́marya aphúalye̤ dố a o lahyǎ dố htyěké̤ aruô tahe agněgně. Thyáphú a ki me̤htwǒhtya kayǎ yětahe tômṳtuô̌ pǎ agněnuô, ǔ bè me̤thyě lǔ pǎ.

ꤜꤤ꤬ꤡꤢ꤭ꤏꤢꤧ꤭ ꤢ꤬ꤞꤢꤧ꤭ ꤔꤢ ꤢ꤬ꤜꤟꤛꤢꤩ꤬ ꤒꤢ꤬ꤟꤢꤩ꤬

⁵² ꤓꤌꤣ꤭ꤚꤢꤪ ꤢ꤬ ꤒꤟꤢꤧ꤬ꤟꤢꤩꤕꤚꤟꤥ꤬ ꤛꤢꤩ꤭ꤔꤌꤣ꤬, ꤢ꤬ꤒꤥ꤭ꤕꤚꤢꤧꤒꤢꤦ ꤛꤢꤩ꤬ꤏꤛꤢꤨ ꤊꤟꤢꤦ ꤞꤛꤢꤩ꤭ ꤕꤢꤩ ꤘꤣ ꤛꤢꤨꤘꤢ꤬ꤖꤢꤨ ꤒꤢ꤬ꤟꤢꤩ꤬ ꤢ꤬ꤑꤢꤩ꤭ꤔꤌꤣ꤬ ꤗꤟꤢꤒꤥ꤬, ꤢ꤬ ꤊꤟꤢꤦ ꤞꤛꤢꤩ꤭ꤒꤟꤌꤣ ꤕꤢꤩꤊꤟꤌꤣ꤭ ꤡꤢꤪꤗꤢ꤬ꤚꤛꤢ꤬ ꤢ꤬ꤖꤢꤨꤢ꤬ꤜꤟꤛꤢꤩ꤬ ꤘꤣ ꤢ꤬ ꤥ꤬ ꤜꤢ꤬ꤟꤛꤢ꤭ ꤘꤣ ꤓꤛꤢꤩ꤭ꤊꤟꤢꤩ ꤢ꤬ꤚꤟꤌꤣ꤬ ꤒꤢ꤬ꤟꤢꤩ꤬ ꤢ꤬ꤑꤢꤩ꤭ꤑꤢꤩ꤭꤯ ꤞꤛꤢꤖꤢꤨ ꤢ꤬ ꤊꤟꤢꤦ ꤗꤟꤢꤩ꤬ꤓꤝꤟꤥ꤭ꤓꤛꤢ꤬ ꤊꤢ꤬ꤛꤢ꤭ ꤛꤢꤩ꤭ꤒꤢ꤬ꤟꤢꤩ꤬ ꤒꤣ꤬ꤗꤟꤢꤨ꤬ꤒꤌꤣ꤭ ꤕꤢ꤭ ꤢ꤬ꤑꤢꤩ꤭ꤔꤌꤣ꤬, ꤢꤨ꤭ ꤙꤢꤧ꤬ ꤗꤟꤢꤩ꤬ꤞꤛꤢꤩ꤭ ꤜꤢꤨ꤭ ꤕꤢ꤭꤯

ꤛꤥ꤭ꤟꤢ꤬ 11:52 交叉引用

ꤛꤥ꤭ꤟꤢ꤬ 10:16

Vǎ thímí dố aruô dố a o bí apo̤kǔ yětonuô a opǎ tahe. Vǎ bè è́ka̤ kuô̌ èthǐ pǎ. Èthǐ ki ní̤dǎkuô̌ vǎ ngó̤ pǎ, rò èthǐ ki ka̤ htwǒ tố̤ lò̌ lǔ thímí tômṳtuô̌, prè̤kyě̤thímí a Byacè tôprè̤꤮ tuô̌ pǎ.

Giovanni aré̤lố tôba 2:2

Thyáphú Cò́marya ki plwǒkyǎ pè̤ tè̤thû́tè̤ora yěnuôrò Krístu khyáthyěhtuô̌hò́ athè́ hò́. Manárò tû́prè́ pè̤ tè̤thû́tè̤ora tû́dû agněnuô má̤to, a plwǒkyǎ tố̤pé̤kuô̌dû lò̌꤮ hekhuphú tahe a tè̤thû́tè̤ora.

Petru aré̤lố tôba 1:1

Vǎ rǎcuốpé̤ liyě dố kayǎ dố Cò́marya nwóhtya lǔ rò a cuố okuố taplô̤taplyá, a cuố htwǒ sǐpré̤ dố ǔhtyěǔké̤, rò a o pasǐcuố lò̌ dố akhǎlé̤ pwǒ̤꤮ tôpho dố Pontus ké̤, Galasia ké̤, Cappadocia ké̤, Asia ké̤ ná Bithynia ké̤kǔ nuôtahe a o. Vǎ ma Petru, vǎ ma Jesǔ Krístu a Prè̤dônyǎphú tôprè̤.

Tè̤dyéluô̌htya 5:9

Èthǐ irǒ li-irǒ athè̌ tôtó̤, “Nè̤ kòdûhò́ ná nè̤ ki phyé litalǔyě rò caákyǎ tè̤me̤máme̤dyǎ yětahe. Me̤těhérò ǔ me̤thyě htuô̌hò́ nè̤ akhu-akhyě, thyáphú kayǎ tahe ki htwǒhtya Cò́marya atè̤ nuô nè̤ ihtaka̤hò́ èthǐ ná nè̤thwi rò prè̤lukayǎ tahehe dố a o dố kayǎ pwǒ̤tômuố̤, ngó̤ pwǒ̤tôngó̤, myěcô pwǒ̤꤮ tôcô ná ké̤ pwǒ̤tôké̤ aklè̌ tahenuô, nè̤ ihtaka̤ pé̤ htuô̌hò́ ná Cò́marya.

ꤚꤟꤥꤗꤢꤩ꤬ 3:29

Cò́marya yěnuôma Judaphú a Cò́marya tû́dûprè́ è̌? Ma Judaphú má̤to tahe a Cò́marya má̤tố̤kuô̌ dûto è̌? Cò́marya yěnuôma Judaphú má̤to tahe agně꤮ ma amá̤má̤.

ꤜꤢꤨꤊꤢ꤬ 2:32

È ma tè̤lǐ tômě dố a ki dyéluô̌htya pé̤ Judaphú má̤to tahe, htuô̌to a phyéhyǎní̤ pé̤ tè̤sò̌ri dố nè̤ myěcô Israelphú tahe a o.”

Jakomo 1:1

Vǎ ma Jakomo, vǎ htwǒ Cò́marya ná Byacè Jesǔ Krístu a prè̤me̤tè̤phú tôprè̤. Vǎ hémo̤héryá cuố pé̤ Cò́marya akayǎ klwǐlyǎ shyényě̤muố̤ dố a cuốopasǐ sipryǎ lahyǎ dố khǎlé̤ pwǒ̤꤮ tôpho tahe a o.

Epheso 3:11

Cò́marya dyalya̤ htuô̌hò́ athè́plò dố a ki me̤ phúyě nuôma dố a byálya̤ tyahí hekhuto akhè̌ pǎ cò́. Khǒnyá̤yě dố pè̤ Byacè Jesǔ Krístu me̤plû́me̤htuô̌kyǎ pé̤ lò̌hò́ pè̤ akhu-akhyě, Cò́marya me̤lốme̤bǎ pé̤hò́ a tè̤tari one yěnuôhò́.

Epheso 1:5

Cò́marya yǒ mo̤ní̤ pè̤ akhu-akhyě, dố꤮ a byálya̤ tyahí hekhu akhè̌to pǎ cò́ a belya̤ htuô̌hò́ athè́plò ná a kiíkibuô hò́ pè̤ phú a phúalye̤ ná ané̤nuô pǎ, dố a ki me̤ phúyě agněnuô, a ki nò̌me̤ dǐtû́ ná Jesǔ Krístu pǎ. A me̤ phúyěnuôma má̤dûprè́ cṳ́꤮ athè́plò thè́zṳ̂́ me̤ní̤dyédû ná a tè̤taze-one ní̤dyédû prè́.

ꤚꤟꤥꤗꤢꤩ꤬ 4:17

Lisǎsè̌kǔ héone, “Vǎ nò̌htwǒhtya hò́ nè̤ ná myěcô tôplutôphè aphè̌ hò́.” È htwǒ pé̤ pè̤phè̌ dố Cò́marya anyěhyǎ. Cò́marya yětôprè̤ nuôma a má̤hò́ pè̤phè̌ Abraham zṳ̂́ení̤dyé nuôtôprè̤ hò́. È ma Cò́marya dố a me̤htwǒprè̤ ka̤khyě kayǎthyě, htuô̌to a hétǎ̤ prè́ angó̤ tômû̌ prè́ rò tè̤ dố a o híto tahenuô a htwǒhtya lò̌plǐ cò́.

Prè̤dônyǎphú tahe 18:10

Me̤těhérò vǎ okuô̌dû ná nè̤, rò ǔ me̤pyá̤me̤sè̌ cyá̤ ná nè̤ tôprè̤꤮ to, me̤těhérò kayǎ obí vǐ̤yě tôvǐ̤ akǔ nuôtahema prè̤ dố a zṳ̂́enyá̤e vǎ nuôma a oró̤oè́ lǎhò́.”

ꤛꤥ꤭ꤟꤢ꤬ 12:32

Manárò shyé꤮ ǔ mṳ̂̌thyěhtyalô̌hò́ vǎ dố krusu díkè hihtûlo̤ akhè̌pǎnuô, vǎ ki è́hyǎ lò̌ kayǎ pwǒ̤꤮ tôprè̤ dố vǎo pǎ.”

ꤛꤥ꤭ꤟꤢ꤬ 1:29

Dốkhyě tônyěnuô, Giovanni myáhtye Jesǔ hyǎ dố a o rò a hé, “Myámò̌, Cò́marya athímíphú dố a phyévǐkyǎ kyǎ prè̤lu hekhuphú a tè̤thû́tè̤ora tahe yěnuô tôprè̤.

ꤛꤥ꤭ꤟꤢ꤬ 1:12

Manárò kayǎ dố a è́sû lǔ tahe rò a zṳ̂́enyá̤e lǔ tahenuô a dyéhtwǒhtya èthǐ ná Cò́marya a phúmòphúkhǔ tahe.

Giovanni aré̤lố tôba 3:1

Phè̌ Cò́marya mo̤ ní̤dyé htuô̌ cò́hò́ pè̤ bá꤮ tě nuô, myámò̌ lahyǎ a mo̤ ní̤dyé pè̤ yěnuô, tuố̤ cò́ dố ǔ bè è́ cò́ pè̤ ná Cò́marya aphúalye̤ tahe cò́. Pè̤ htwǒ má̤lakǒ nyǎ hò́ Cò́marya aphúalye̤ tahe hò́. Kayǎ hekhuphú tahe thè́gně Cò́marya to akhu-akhyě, a thè́gně pè̤ to.

Giovanni aré̤lố tôba 3:2

Vǎ khǒbò́thyómo̤ thǐ꤮, khǒnyá̤yě pè̤ htwǒ hò́ Cò́marya aphú tahe hò́ tadû́rò pè̤ ki htwǒhtya kayǎ phútě pǎ tôcôtě nuô, ǔ dyéthè́gně onehí pè̤ tôcô꤮ to. Manárò, tè̤yěnuô pè̤ thè́gně htuô̌hò́, shyé꤮ Byacè Jesǔ Krístu hyǎoluô̌htya akhè̌ pǎnuô pè̤ ki thyáná è pǎ, me̤těhérò pè̤ ki myáhtye má̤ cò́ è phú è má̤lakǒ nuô pǎ.

Giovanni aré̤lố tôba 3:10

Cò́marya aphúalye̤ tahe ná khǐnéricyá̤ khuklò́ aphúalye̤ tahenuô, pè̤ thè́gně tǎ̤te̤ cyá̤ è phúyě hò́rò, ǔpěpě꤮ bèbè a ki me̤ plehyǎ tadûpǎ tè̤ dố a tǒto tahe, tomaná a mo̤ ní̤dyé kuô̌ apuố̤avyá̤ Krístuphú tahe to hénuôma Cò́marya aphúalye̤ má̤to.

ꤜꤢꤨꤊꤢ꤬ 15:8

“Tomaná, hékuốré̤ prè̤mò tôprè̤ dố arû̌zye o abèshyé rò ki a lamé̤ pé̤kyǎ lǔ tôbè hénuôma a ki me̤phútě? A ki isǐlǐ mi, htuô̌rò a ki dǔplǐdǔlá̤ ahi, rò a myápṳ̌tǎ̤ myápṳ̌te̤ htú a myáhtye cò́ vǎhéto.