1 Numur, a tamtama, ra a tama pas a matansako i sa papos taru sapat una langit. Ra in nalngan o naro ra a sa longoro mugu tari, ra i wasiso torom iau elar namin tuwuru, i watungi lena, “Wan toto urin, an ese tar ui un asau ra in nanpat numur.”
Ra der longoro in labino walngan ara tagisapat una langit i watungi lena, “Mur in nan toto urin.” Ma der wan toto una bakut usapat una langit, ma anunder a kum ebar det tama der.
A ensel i watungi tang lena, “A kum wasiso ri, i lingmulus ma i topasi sur din nurnur uni. A Labino, o God ra i mugu a nion a kum poropet sur det in upuaso anun a kum wasiso, i tulu ru anun a ensel sur in ese tar anun a kum tultul una kum utna ra milau in nanpat.”
A ururop na ensel i lingis anun a dis una maino, ma in labino walngan ara i pirso tagun a kiskis na king sapat una rumu na etabor, ma i watungi lena, “I sa rop!”
A Tokodos na Nion, ra i ser upuaso a lingmulusino, in nanpat, ma in utalapor mot una kum lingmulusino rop un o God. A kum wasiso ra in watungi awu sur anunu, in watungi kut a kum wasiso ra i longoro i, ma in inanos mot una kum utna ra in nanpat numur.
Ra i baptaiso tari. Uniutra o Iesu i saur gusun a danim, ra a langit i papos, ma i tama a Nion o God i wan pirso elar namin natabun ma i kis taru netes uni.
Ra a rumu na etabor anun o God sapat una langit i papos, ma ubalan anun a rumu na etabor di tama anun a boks na kunubus. Ma in nememe, a rurung, a pungpugur, a guri, ma a labino bato na ais det wanpat.
A tama a langit i sa papos ma a tama a kabang na os i tur sa numugu tang. Ma i ra i kis netes uni di watungi lena, “I ser pam sot anun a pinapam” ma “I lingmulus.” Ma una nun a warkurai ma anun a inaim i mur a tokodos na petutna.
