Tamtama 19:20 - Nupela Testamen long tokples Kandas

²⁰ Ikut di pam sikot pas a kuabor na wewegua tomo nama torotoro na poropet, i ra i pam a kum utna na ukisin una risan a kuabor na wewegua. Ra i pam a kum utna na ukisin ra, i toro pas det ra a ukinalong anun a kuabor na wewegua kura un det, ma det lotu torom a malalar ina kuabor na wewegua. Di woro lalaun tar a torotoro na poropet ma a kuabor na wewegua unin labino tung na sungun, ra i wangon nama salfa.

Tamtama 19:20 交叉引用

Tamtama 20:10

O Satan, i ra i toro pas det, din woro pirso ru i unin labino tung na sungun ma salfa. In nutung, ra di sa woro pirso tari munung a kuabor na wewegua ma a torotoro na poropet iai. Tiro iai din ukadik detul una kum mirum ma a waspi, ken rop ma ken rop.

Tamtama 21:8

“A kum tene nginara, ma det ra ka det nurnur, ma det ra anundet a petutna i dur, ma a kum tene um doko a taro, ma det ra det pam a kum petutna na pamuk, a kum tene sangsagor, a kum tene lotu torom a kum torotoro na god, ma a kum tene torotoro rop, anundet a nubual, in labino tung na sungun ma a salfa. Iri a manru na minat.”

Tamtama 14:10

i kai in inum tagun a wain na kankan anun o God. A wain ri di sa waninar tari, a inaimino i dekdek doko, ma di lingisi una kap na kankan anun o God. Din ukadiki nama sungun ma a salfa, numugu tan a Barman na Sipsip ma a kum ensel anun o God.

Tamtama 17:12

“A noino komino ra u tama i, det ra, a noino king, ra ka det losi utmakai tu warkurai na king. Ikut una wonom na noino minit kut, det in warkurai tomo nama kuabor na wewegua, elar nama kum king.

Tamtama 22:15

Ikut a kum pap, ma a kum tene sangsagor, ma det ra det pam a kum pamuk na petutna, a kum tene um doko a taro, a kum tene lotu torom a kum torotoro na god, ma det ra det nem a torotoro ma det pami, kura det upiso unin noworo.

Tamtama 19:19

Numur a tama a kuabor na wewegua ma a kum king tagun a rakrakon bual, ma anundet a kum kunur na taro na inaim ra det wan tomo, sur det in waim nam o naro ra i kas una os tomo nama nun a kunur na taro na inaim.

Matiu 7:15

“Mot in tumarong mot gusun a kum torotoro na poropet. Det ser wan torom mot nama wakak na magirandet elar nama kum sipsip, ikut tiro ubalandet, det nem na ban laulau mot elar nama kum ngalngalia na pap.

Tamtama 9:17

Una nung a tamtama, a kum os ma det ra det kis netes un det, det tamtama lenri: A kum utna ra det ubek bat a kum romrobon det nami, i merek elar nama sungun, i bulu ma i lupu elar nama salfa. A lorin a kum os det elar nama lorin a kum laion. A sungun, in nimis ma a salfa detul pirso tagun a kum wandet.